خالد قصدك ايه الالوان و لا الشكوى ؟اقتباس:
عد اذنك يا دكتور / ايهاب انا اقترح عمل استفتاء على الموضوع ده لانه طالما اتنشر اصبح من حق الجميع مش ابو نورا بس . كمان يكون التصويت للجميع مش اعضاء الاسبرانزا بس
عرض للطباعة
خالد قصدك ايه الالوان و لا الشكوى ؟اقتباس:
عد اذنك يا دكتور / ايهاب انا اقترح عمل استفتاء على الموضوع ده لانه طالما اتنشر اصبح من حق الجميع مش ابو نورا بس . كمان يكون التصويت للجميع مش اعضاء الاسبرانزا بس
لا ياباشا طبعا الالوان . اشمعنى دى يعنى الى مش هنعمل عليها استفتى .ههههههههههههههه
انما بالنسبه للشكوى اعتقد انها مهمه مع احترامى لراى ابو نورا فعلى الاقل لازم يعرفوا ان فيه حد بيتابع ومهتم وان الناس مش هتسكت على حاجه ايضا فيها اعلان عن الرابطه
السلطان ابو النجا الاول
الحمد لله ربنا تاب عليا من هم الاسبرانزا ده...
المهم....شيء لازم نكون كلنا عارفينه كويس الاول....ان التوكيلات في مصر ملهاش دراع علشان تتلوي منه...بمعنى....ان لو حصل مرة واحدة كده صحينا من النوم و لقينا ابو- الفتوح مثلا-لم عزاله وبطل يجيب الوزة او قطع غيارها...والسبب مثلا انه قفل محل الطيور بتاعه خوفا من انفلوانزا الدجاج :mrgreen: :mrgreen: هتلاقي حد يعبرنا؟؟
اظن ان الكل عنده الاجابة
لاجمعيات حماية مستهلك ولادياولو...ولو ربنا كرمنا و واحد جاب قطع الغيار بداله...هيحتكرها و يلاعب السوق على الشناكل..و تبقي قطع الغيار مولعة نار اكتر من المرسيدس الCLK (هية دي مصر يا عبلة)
واول ما حسيت ان العملية مش جايبة همها...تصرفت على طريقة "انسف حمامك القديم" بس للاسف الحمام المرة دي كان لسة جديد :D ...واتبعت الحكمة اللي بتقول: نهاية مؤلمة افضل من الم بلا نهاية...
دي طبعا مش دعوة للتخاذل...واتمنى انه يكون بفايدة...بس اظن ان سياسة التهديد دي مش هتاكل ولا تشرب مع الناس دي..
اذكر في الامارات ان انا و واحد صاحبي كنا رايحين نتفرج على الكامري في معرض..و ابدينا مجرد اهتمام عادي بالسيارة.....لقينا الراجل اللي واقف بيدعونا للتجربة بمنتهى البساطة (مع ان شكلنا ميجبش :mrgreen: ) وشرح كل حاجة في السيارة...و قال لينا ان المعرض عنده تأمين على سيارات التجارب ومتخافوش :D :D و ودعنا بعد كده بابتسامة...
هل في حاجة في مصر اسمها كده..؟؟ برة لو ليك شكوى تقوم الدنيا و ماتقعدش و ممكن توصل لانهم يغيرولك العربية كلها علشان عيب متكرر...ابويا علشان الشركة اداتله كامري(مش عربيته كمان)...فضلت تيوتا تكلمه كل شهرين علشان تساله العربية عاملة معاه ايه!!
وهنا تروح تترمي بالساعات علشان تغير تيل وللا تظبط حاجة بسيطة...
و ادعو للناس بالتوفيق و سلامة عربياتهم...وميشوفوش اللي شفته معاها..و للمقبلين على الشراء بأخذ تجاربنا في الاعتبار والتأني في الشراء....
" مش عارف ليه يا زيزو مش قادر الاقي في مشاركاتك حاجة غير التريقة علي الوزة بكل الاشكال والالوان ، هو انا ممعيش اسبيرانزا بس كلمة حق اسلوبك فعلا مستفز !!؟ وده واضح اكتر في مشاركة المحل بتاع 2.5 ، يا ريت متزعلش مني بس ياريت كمان متتعمدش استفزاز حد "
بصوا يا جماعة الهجوم علي التوكيل عشان يبقي مجدي لازم يكون فيه عيوب حقيقية مش مجرد تيل بصفر التوكيل وعد بتغييرة
بس ان شاء الله مع نمو نايل موتورز وتحديثة وانشاء الموقع وخاصة المجلة وديه هتبقي اول مجلة ديجتال عن السيارات في مصر هيبقي لينا قوه اعلامية اكبر يمكن استخدامها للضغط علي اي توكيل خاصة وان النية في انشاء نايل موتورز مجازين قائمة علي انها تكون مجلة مستقلة متقدرش التوكيلات ترشيها بالاعلانات
كمان وزارة الصناعة شاده جامد علي توكيلات العربيات واللي اعرفة انها بتحقق في اي شكوي بجديه واعرف ان فيه ناس غيروا عربيات بس بعيوب حقيقية (زي اللي لقي بارومة في السقف )
الخلاصة ان نايل موتورز ان شاء الله هيبقالها قوه كبيرة اعلاميا وشعبيا (عن طريق الاعضاء والقوائم البريدية ) ولا يضيع حق ورائه مطالب بس هو فين الحق الاول ،
ايه المشاكل الحقيقية اللي ممكن نواجة بيها التوكيل ؟؟؟؟
واذا كان الموضوع مجرد اثبات الذات امام التوكيل يبقي اصبروا علينا لما نخلص الموقع والمجلة عشان شكلنا يبقي جاهز قدمهم
ماردتش عليا عايز الصفرا و لا البيضا :lol: :lol:
والله لو مصمم يبقي سيب البيضا علي راي المثل المداخلة البيضة تنفع في اليوم الاسود
و غلاوتك عندى لسايب لك الاتنين
:oops: :oops:
ايه الكسوف ده، انت دايما كده تحرجني بذوقك بس نصحية من اخوك الصغنن امسحها بسرعة ليقولوا اشمعني محدش بيحذف لا ابو نورا كوساااااااااااااا ...........الخ الخ وانت عارف مش هنخلص :P
الهموم4....هم يضحك وهم يبكي وهم برجر وهم يا جمل :mrgreen: :mrgreen:اقتباس:
مش عارف ليه يا زيزو مش قادر الاقي في مشاركاتك حاجة غير التريقة علي الوزة بكل الاشكال والالوان ، هو انا ممعيش اسبيرانزا بس كلمة حق اسلوبك فعلا مستفز !!؟
انا بعمل بالمثل القائل...اضحك على نفسك قبل ما حد يضحك عليك...ولو الوزة كانت لسة معايا...كان زماني لسة بضحك برضه وباتريق...وهية لسة معايا...كانت مراتي تقولي :تتحسد..رجعت بدري ليه؟؟ كنت ارد واقولها:اصل البطاريات خلصت...وملاقيتش بطاريات قلم في الشارع :D :D واصحابي في الشغل كانو مسمينني :دنج دونج (آسم صيني) وبنقعد نضحك سوا.....
ده الضحك ده هوة سلاح مواجهة الحياة...والا نموت من القهر....
ودايما اكتب: مع احترامي للملاك...الموضوع الغرض منه الضحك...........الخ.... طب اعمل ايه تاني والنبي؟؟
ابطل ضحك...حاضر...وهروح اكمل قعدة في الصوان بتاع الاسبرانزا 8)
وحدوووووووووووووووووووووو ووووووووووه