ان شاء الله خير
عرض للطباعة
ان شاء الله خير
متابع عندي نفس المشكله بس على أجمد شويه
عليك بالدعاء
طيب خلينى اقولك حاجة وسامحنى لو انا غلطان حاسس من كتابتك انك متوتر وواخد الموضوع بعصبية او زى مبيقولة واخد الموضوع قفش وده مش هينفع الموضوع محتاج تكون سياسى فى الفترة الحرجة دى مش انت بس انت وعروس المستقبل ان شاء الله بص ماما طبعا بتحبك اكتر من روحها ونفسها تشوفك اسعد انسان فى الدنيا وصدقنى انا اب بس هى شايفة ان هى اللى عارفة سعادتك فين وهى صح من وجهة نظرها وانت شايف العكس ان سعادتك معها وان ماما وبابا واقفين ضد رغبتك واختيارك وهما عايزين يمشوا اللى فى دماغهم وخلاص او الاصح اللى فى دماغ ماما وبابا مش عايز يزعلها اوعى تفتكر انك ممكن تحط والدتك قام امر واقع ويبقى ده الحل او ان الوالد ممكن هو يحللك الموضوع مش صح مفيش غير حل واحد المواجهة والاقناع بالسياسة وبدون اى تعصب او غضب اقعد معاها وقولها ماما لو سمحتى محتاج اتكلم مع حضرتك وطبعا تختار وقت مناسب وتبدا بكلمة ماما انا مقدرش ازعل حضرتك او اعمل اى حاجة تضايقك وعمرى ما هكون مبسوط الا لما حضرتك تكون مبسوطة وراضية عنى بس انا يا ماما لقيت نفسى مع الانسانة دى وانا شفت كتير مفيش حد غيرها قدر يكون مقنع بالنسبة لى وانا عارف ان حضرتك عايزانى اكون سعيد وانا ياماما شايف سعادتى مع الانسانة دى وهى كمان نفسها تشوف حضرتك وتتكلم معاكى دى حتى بتقول انها حاسه انها بتحب حضرتك من غير ماتشوفك وكده ودى الطريقى اللى هتتبعها مع والدتك اما مع الوالد خلى اسلوبك عقلانى محاط بالعاطفى وكلم خالك اللى راح معاكم بالعقل وحاول تقنعة بكلامك يفضل بقى الدور على عروس المستقبل وقدرتها على النفاذ الى قلب ماما بحاجات بسيطة ان شاء الله وباسلوبها المهذب الودود وان شاء الله هتقتنع غير كده صعب اسف طولت عليكم واسف لو اسات اى تعبير وندعوا الله ان او يؤلف قلبكم جميعا الى مافيه الخير ويصرف عنكم كل مافيه شر