عاوز اسافر اسكندرية 3 ايام بس للاسف معرفش اى حاجة هناك غير الفنادق و طبعا الاسعار اكيد عالية , يا ريت لو حد يعرف مكان فيه شقق او شاليهات مناسبة تبقى قريبة من الكورنيش
شكرا
عاوز اسافر اسكندرية 3 ايام بس للاسف معرفش اى حاجة هناك غير الفنادق و طبعا الاسعار اكيد عالية , يا ريت لو حد يعرف مكان فيه شقق او شاليهات مناسبة تبقى قريبة من الكورنيش
شكرا
تعالا يا عم ميامي حتلاقي الزحمة والارف كله
روح البيطاش او اكتوبر وابعد عن وسط البلد والزجمه اللى على الفاضى والعالم الهمج
والشقق هناك اسعارها كويسه وفيه شاليهات وفيه شواطئ مجانيه وشواطئ بفلوس
ونصيحه ابعد عن وسط البلد ميامى والعصافره والكلام ده
انت ممكن تنزل تتمشى هناك لكن تصيف هناك يبقى روح جمصه انضف هههههههههه
اقترح عليك شاطئ النخيل فى الكيلو 21 ، مدينة متكاملة فيها كل حاجة ، بحر وحمامات سباحة وفسح ومطاعم وسينمات ..
وهتلاقى شقق بأسعار كويسة اهدا بكتير من أسعار اسكندرية.
طيب حد يقولنا تقريبا الاسعار بتعمل كام
اصل انا عمري ما رحت اسكندرية إلا مرة واحدة وكانت صد - رد
وهل شاطيء النخيل فيه حمامات سباحة ؟؟ وهل بردو المكان زحمة ؟؟؟
ممكن بسهولة تلاقى شقق حول 100 جنيه فى اليوم ، وفيه شاليهات على البحر بس دى طبعاً هتبقى غالية. ودايماً فيه سماسرة لإيجار الشقق هتلاقيهم فى الشارع.
ميزة البحر فى شاطئ النخيل ان فيه مصدات للأمواج معمولة على طول الشاطئ ، فالبحر دايماً هادى.
الكثافة معقولة ، ماعدا أيام الجمعة والأحد بتبقى زحمة جداً.
فيه حمامات سباحة كتير، منها اللى تبع إدارة المدينة ، واللى تبع القوات المسلحة والخاص .. وكلها أسعارها معقولة ..
أنا جربت كتير ، ولقيت أفضلهم بتاع دار الدفاع الجوى اللى فى شارع 45 ، ممتــاز جداً ، وأسعار الطلبات والأكل على البيسين أكثر من ممتازة مع خدمة كويسة.
وعلى فكرة دار الدفاع الجوى ده فندق فخم وممكن تقيم فيه وأسعاره كويسه جداً مقارنة بالفنادق اللى فى مستواه (ممكن تجيب تليفونه من الدليل، اسأل على دار الدفاع الجوى/ شاطئ النخيل، واسأل على الأسعار ومدى خلو الغرف) .
وبالنسبة للفسح كأنك فى اسكندرية بالظبط ، جميع مطاعم الوجبات السريعة وغير السريعة موجودة والسينمات وكذا أماكن لألعاب الأطفال (ملاهى) .. إلخ.
هو دار الدفاع الجوى دا ينفع احجز فيه لو انا مدنى ولا لازم عسكرى بس
نفس السؤال
ممكن المدنيين يحجزوا فيه بدون مشاكل.
بس فيه ملاحظة ممكن تكون مهمة للبعض وهى انه الصيف اللى فات كان بيمنع دخول الجلاليب والدقون والنقاب ، ماعرفش بقى ايه الحال الصيف ده.
مقيش غير 6 اكتوبر اصلى مبحبهاش باليل الدنيا تبقى ضايعة خالص
يعنى انا لقيت على الكورنيش فى سيدى بشر على 250 فى الليلة
بس خايف اسافر و ادور على سماسرة هناك فه risk بردو
انا لسة جاى من المعمورة والجو هناك جميل
الشقة غرفتين ب 250 جنية وبتاخد كارنيهات لدخول المعمورة ولدخول الشاطىء
المعموره طبعا جميله بس المشكله فى الميه بتاعه البحر مش حلوه زى العجمىاقتباس:
المشاركة الأصلية كتبت بواسطة elrasy
أخى الفاضل هى مية العجمى حلوة ؟؟؟اقتباس:
المشاركة الأصلية كتبت بواسطة misoalex
أنا أصلى مروحتش من 8 سنين وكان ساعتها كل حاجة سيئة للغاية ومية البحر سوداء تماما والشوارع متكسرة ..الخ
ياريت تكلمنى عن أحوالها دلوقتى بشئ من التفصيل
مياه العجمي سوداء اكتر من المعمورة اكييييييييد.
ياجماعة اللي عايز ينزل البحر يبقى لا معمورة ولا عجمي ولا اسكندرية...ويكمل لحد القرى اللي زي مراقيا وماربيلا والقوات المسلحة و الخ...وطبعا مفيش مانع لو تكمل احسن لحد مارينا لو هنتكلم على شكل المياه و لونها مش هنخلص خالص!
انما اسكندرية بصراحة حاجة تحزن لون المياه أسود فعلا! سواء النخيل او شواطئ اسكندرية نفسها.
الناس اللي زي حلاتي ومبتحبش تنزل البحر اصلا ارشح لها النخيل لو بتحب الجو الشعبي وكدا...اما لو نفسك تقضي يومين تروق فيهم ومتشوفش فيهم حاجة تحرق دمك ولا تتعصب ولا تحرق اعصابك سواء ونفسك تروح سواء مع المدام او لوحدك او مع صحابك او صديقتك وخطيبتك الخ...يبقى عليك ببورتو جولف مارينا طبعاً...كفاية بس شكل المدينة والبسين اللي قدام كل عمارتين تلاتة...
r0xer باشا
طيب قولنا على الاسعار فى بورتو جولف تعمل كام الشاليه او الشقة
فى شاطىء فى المنتزه اسمه فينيسيا الدخول ب 20 ج بس ونضيفة المياه
دا فين بالظبط فة المنتزهاقتباس:
المشاركة الأصلية كتبت بواسطة azmeralda
وال20 ج دى للفرد ولا المجموعة
ينفع ادخل بالعربية ولا هركنها برة
المياه رايقة ولا مليانة زلط
انا مأجرتش هناك بصراحة وكنت بروح شقة بتاعت خالي. لكن انا فاكر ان في عضو معانا هنا عرض اليوم ب400 جنيه.اقتباس:
المشاركة الأصلية كتبت بواسطة Seifmando
الميزة هناك كمان ان في آمان عااااااااالي جدا لان كل 100 متر هيقابلك بوابة الكتروني لازم تحط فيها الكارت بتاع الدخول و دا غير ان في full serviceلكل حاجة..مثلا احتاجت حد يبصلك عالتكييف او حد يصلحلك حاجة في السباكة عالسريع او اي حاجة من الكلام دا بتتصل بالرقم المجاني ويبعتولك حد وببلاش! كل حاجة ببلاش بإستثناء التنضيف..ب100 جنيه
دا غير ان في مطاعم هناك حلوة زي تشيلز و في حفلات كمان هناك وفي جامع مكيف لزوم الصلاة للناس اللي بتصلي، وفي كمية مايوهات بكيني هناك مش هتشوفها غير في ايطاليا وممكن متخلكش تصلي ههههههههههههههههههههههههه هه
وكمان افتكرت اكتب ان في هناك arabian nights وركوب خيل وبيبنو اكوا بارك مائية ولكن معرفش خلصت ولالسة؟ وفي كافيهات كتيرة وكلها شيك..دا غير ملعب الجولف والبحيرة اللي هناك اللي بتلف فيها بالزوارق
ملاحظة مهمة : مفيش هناك بحر..هي الناحية التانية من البحر ومفيش بحر. حمامات سباحة فقط و على اطرافها شيزلونجات وشماسات.
بالتوفيق ورحلة ممتعة.
كنت فيه الاسبوع اللي فات واسف اني اقول انه زي الزفتاقتباس:
المشاركة الأصلية كتبت بواسطة azmeralda
الدخول ل 3 أفراد شامل شمسية وترابيزة وكراسي كان 50 جنيه تقريباً
الشاطئ مسيطر عليه البلطجية
وكل شوية تقابلي واحد تتخيلي انه اللي هايحط لك الشمسية ويطلب فلوس
تديله الفلوس يروح مسلمك لواحد تاني وهكذا
وفي الاخر المية مش نضيفة، مليانة زبالة
ومستوى فينيسيا كمرتادين للشاطئ بس غاية في الانحدار
مستحملناش 3 ساعات ومشينا بعد ما عملت مشكلة لما الاخوة البلطجية صمموا يحطوا شمسية قدامنا لواحد شكله معلم من الوكالة هو وعيلته خصوصاً لما ابتدى يشد أنفاس الشيشة
مش عارفة ليه كل ما اقول لكو على حاجة الاقى حالها اتنيل انا كنت هناك من سنتين
مكانش فى اى حاجة من اللى بتقوله ده!!!!!!!!
والمياه كانت جميلة جدا خصوصا انى رحت كذا شاطىء تانى بس طالما كنت لسه هناك يبقى كل حاجة حلوة فى البلد دى مبتفضلش على حالها
انا كده خايفة اروح اى حتة رحتها قبل كده : (
انا عاذرك طبعاًاقتباس:
المشاركة الأصلية كتبت بواسطة azmeralda
لان انا بقالي كام سنة مرحتش وذهلت
الغريب بقى إن الشواطئ الخاصة اللي قبل فينيسيا واللي بعده كان المية فيهم نضيفة جداً، واضح ان مفيش اهتمام بفينيسيا ده خالص
اللى هم اساميهم ايه ؟
على فكرة مبحبش أنزل البحر كتير من اللي بشوفه وساعات ميته بتكون مش نظيفة بس من يومين أضطريت أنزل مع أصحابي في شاطي القوات المسلحة اللي عند المندرة ولفت أنتباهي أن في أمن وعساكر من الجيش موجودة وفي دوريات من عساكر الجيش والأمن كل فترة بيمسحوا الشط كله علشان لو في حد عامل مشاكل يروقوه بصراحة عجبتني القعدة هناك بس المشكلة في الناس اللي جنب شاطي القوات المسلحة قاعدين ببطيخ ومحشي وصباح الفل كأنهم في بيت أبوهم وعيالهم تاكل البطيخ وترميه على الرمله حاجة غير حضارية طبعاً ولو أتكلمت هيكولك ماتسيب الواد ياكل أحنا داخلين بفلوسنا .... بالنسبة للمياه كانت تحفة بصراحة شفافة مش معكرة ونظيفة بس تللللج .... مشاركتي كانت تعليقا علىأن المياه سوداء ووحشة لأ في شواطيء نظيفة ومحترمة وفيها أمن زي شاطيء القوات المسلحة وعلى فكرة الدخول شامل 3 كراسي وشمسية وطرابيزة تقريباً 30 جنيه .
يعني مفيش بحر عدل الواحد يريح فيه أعصابه ويكون سعره كويس في البلد دي
يظهر ان فعلا مفيش مكان محترم من غير ميحلبك فلوس
بالمناسبة golf porto marina الليلة فى شقة فندقية ل 4 افراد 1100 جنيه
فى porto marina نفسها 1950 فى اليلة
فين بقى يقوللك السياحة مضروبة و مفيش حد
تعالى العجمى
البيطاش أفضل
وعندك شواطىء من أتنين جنيه الكرسى
وخمسه جنيه الشمسيه
لغايه الفرد بخمسين جنيه
للخيمه وآخر روقان
الوصف ده كله عند شاطىء عجميستا (شعبى بس نضيف )
وجمعيه الفردوس
وكام شط تانى مش فاكر أساميهم
وكل حاجه موجوده
والأسعار طبيعيه جدا
بس شطارتك تعرف هتشترى منين
بالنسبه للميه
انا هناك بقالى أسبوعين
الميه كانت وحشه يومين بس
منهم النهارده
لكن فى المجمل الميه صافيه وجميله
بس الموج لسه عالى شويه
للى مبيعرفش يعوم
تعرف حد عاوز يأجر شقة او سمسار ؟اقتباس:
المشاركة الأصلية كتبت بواسطة tarekzein
اقتباس:
المشاركة الأصلية كتبت بواسطة japrulez
معرفش حد معين
بس ممكن أجيبلك نمرة سمسار أو أتنين وتكلمهم
هادور النهارده وأقولك
عشان نازل القاهره بكره بأذن الله
0123463530
4338710
الحاج محمد جمعه
سمسار بيانكى