شكرا استاذ فادى (هيل بوى)

اتقدم بوافر الشكر الى الاستاذ \ فادى
انا عارف ان اغلبكم اتعامل معاه عبر الكيبورد فقط واكيد حكمتم عليه وبكل ثقه انه انسان خدوم ومحترم ومؤدب
لكن فى المعامله والمقابله الفعليه مختلفه لان حكمكم لم يفيه حقه لان المفروض اننا نضع تحت كل صفه نكتبها 100 خط ونكتب بعدها جدا جدا جدا
الموضوع هو انى موجود بصفه مستمره فى دمياط بحكم شغلى فى موقع داخل ميناء دمياط والاسبوع اللى فات حصلتلى مشكله فى العربيه وتقريبا كنت هدوخ واتعب وكان من فضل ربنا عليا انى كنت محتفظ برقم فادى عندى على الموبايل
والله العظيم بدون تفكير لقتنى بتصل بيه وبكلمه وبحكيله على المشكله كأننا صحاب من زمان
وطبعا بتصرف الابطال ولاد البلد المحترمين لقيته مش بس بيوصفلى اروح لمين عشان العيب اللى عندى لآ ده سألنى انا واقف فين ويادوب اقل من 10 دقايق ولقيته والله العظيم عندى بعربيته وفضل معايا من صنايعى للتانى ومرضاش يسيبنى مع انى اتحايلت عليه انه يروح يشوف مصالحه انما والله رفض يمشى الا لما يطمن عليا وفضل لغايه اما مشييت
والله انا عاوز اكتب اكتر بس مش عاوزكم تزهقوا من القرايه
بس مضمون الموضوع انكم فعلا متعرفوش لسه مين هو فادى (هيل بوى)
انا اسف على انى أتأخرت فى شكرى له بس ده بسبب ان كان الجهاز عندى مش مظبوط
شكرا ليك يا فادى
وشكرا لكل واحد هنا لان فعلا الجواب بيبان من عنوانه
لكن المحتوى لازم تشوفه بنفسك

ده مش جديد على فادى باشا ..
انا الحمد لله حصلت على شرف مقابلته مرتين :)

معروف عن فادى طول عمره إنه خدوم جدا جدا
والله بجد نفسى أقابله وأتشرف بمعرفته

فادى من الناس المحترمة جدا شخصية خدومة جدا جدا جدا
والله الواحد نفسة يتشرف بالناس الجميلة دى فادى وطنانى و خالد واحمد وكل الناس الجميلة اللى هنا

عم فادى من اجدع الناس فى المنتدى وانا ان شاء الله ناوى انزل دمياط وان شاء الله اشوفه وانا برده من الناس الاى بتكلم معاها فىالموبيل والكى بورد برده الواحد بيبان من كلامه وخدماته

بجد فى شباب معانا هنا فى العصابة .... صعب جدا إنك تقابل زيهم ...... ربنا يكرمك يا فادى ويجزاك خير ..... وكمان كل واحد يخدم شخص تانى ..... يا رب بالخير ليه إن شاء الله

الحمد لله عالصحبه الحلوه.............

فادي راااااااااااااااااااااااا ااااااااااااااااااااااااا اااااااااجل بمعنى الكلمة

دى حاجه مش غريبه على أى واحد من أعضاء المنتدى المحترمين بارك الله فى الأخوه أعضاء المنتدى
وخصوصا أ/محمد طنانى , أ/فادى وكل الأخوه اللى دائما بجوارنا فى أى مشكله بتقابلنا

الحمد لله العصابة كلها رجالة وجدعان وكل الشكر للرجلة الجدعان

فادى دة بجد انسان نادر جدا وجودة هذة الايام ربنا يدوم المحبة

والله يا جماعه ده كتير جدا والواحد مش بيعمل الا الواجب ..شكرا يا ا شريف وحمد الله علي سلامتك وربنا يديم المعروف بينا كلنا..