شكرا استاذ فادى (هيل بوى)

**sherif_m72** · 19-06-2011 02:42 AM

اتقدم بوافر الشكر الى الاستاذ \ فادى
انا عارف ان اغلبكم اتعامل معاه عبر الكيبورد فقط واكيد حكمتم عليه وبكل ثقه انه انسان خدوم ومحترم ومؤدب
لكن فى المعامله والمقابله الفعليه مختلفه لان حكمكم لم يفيه حقه لان المفروض اننا نضع تحت كل صفه نكتبها 100 خط ونكتب بعدها جدا جدا جدا
الموضوع هو انى موجود بصفه مستمره فى دمياط بحكم شغلى فى موقع داخل ميناء دمياط والاسبوع اللى فات حصلتلى مشكله فى العربيه وتقريبا كنت هدوخ واتعب وكان من فضل ربنا عليا انى كنت محتفظ برقم فادى عندى على الموبايل
والله العظيم بدون تفكير لقتنى بتصل بيه وبكلمه وبحكيله على المشكله كأننا صحاب من زمان
وطبعا بتصرف الابطال ولاد البلد المحترمين لقيته مش بس بيوصفلى اروح لمين عشان العيب اللى عندى لآ ده سألنى انا واقف فين ويادوب اقل من 10 دقايق ولقيته والله العظيم عندى بعربيته وفضل معايا من صنايعى للتانى ومرضاش يسيبنى مع انى اتحايلت عليه انه يروح يشوف مصالحه انما والله رفض يمشى الا لما يطمن عليا وفضل لغايه اما مشييت
والله انا عاوز اكتب اكتر بس مش عاوزكم تزهقوا من القرايه
بس مضمون الموضوع انكم فعلا متعرفوش لسه مين هو فادى (هيل بوى)
انا اسف على انى أتأخرت فى شكرى له بس ده بسبب ان كان الجهاز عندى مش مظبوط
شكرا ليك يا فادى
وشكرا لكل واحد هنا لان فعلا الجواب بيبان من عنوانه
لكن المحتوى لازم تشوفه بنفسك

**KHALED AYMAN** · 19-06-2011 02:49 AM

ده مش جديد على فادى باشا ..
انا الحمد لله حصلت على شرف مقابلته مرتين :)

**Ahmed_lol2007** · 19-06-2011 07:26 AM

معروف عن فادى طول عمره إنه خدوم جدا جدا
والله بجد نفسى أقابله وأتشرف بمعرفته

**zizo50001** · 19-06-2011 09:17 AM

فادى من الناس المحترمة جدا شخصية خدومة جدا جدا جدا
والله الواحد نفسة يتشرف بالناس الجميلة دى فادى وطنانى و خالد واحمد وكل الناس الجميلة اللى هنا

**ashrafnoby** · 19-06-2011 09:22 AM

عم فادى من اجدع الناس فى المنتدى وانا ان شاء الله ناوى انزل دمياط وان شاء الله اشوفه وانا برده من الناس الاى بتكلم معاها فىالموبيل والكى بورد برده الواحد بيبان من كلامه وخدماته

**NeeMoo** · 19-06-2011 11:37 AM

بجد فى شباب معانا هنا فى العصابة .... صعب جدا إنك تقابل زيهم ...... ربنا يكرمك يا فادى ويجزاك خير ..... وكمان كل واحد يخدم شخص تانى ..... يا رب بالخير ليه إن شاء الله

**emadhero** · 19-06-2011 12:08 PM

الحمد لله عالصحبه الحلوه.............

**omdaz_5538** · 19-06-2011 12:51 PM

فادي راااااااااااااااااااااااا ااااااااااااااااااااااااا اااااااااجل بمعنى الكلمة

**mido888** · 19-06-2011 05:10 PM

دى حاجه مش غريبه على أى واحد من أعضاء المنتدى المحترمين بارك الله فى الأخوه أعضاء المنتدى
وخصوصا أ/محمد طنانى , أ/فادى وكل الأخوه اللى دائما بجوارنا فى أى مشكله بتقابلنا

**caboo_1** · 19-06-2011 07:51 PM

الحمد لله العصابة كلها رجالة وجدعان وكل الشكر للرجلة الجدعان

الموضوع: شكرا استاذ فادى (هيل بوى)

LinkBack

أدوات الموضوع

عرض

شكرا استاذ فادى (هيل بوى) - انشر الموضوع فى :

-

-

-

-

-

-

-

المواضيع المتشابهه

شكرا استاذ محمد رمضان

شكرا استاذ حسن شكرا شركة الامل

شكرا استاذ شنورى شكرا منتدانا العزيز

شكرا استاذ كريم

سيراتو 2009 ..... شكرا ليك يا استاذ ahmed_su

الكلمات الدلالية لهذا الموضوع

المفضلات

المفضلات

ضوابط المشاركة