ايه الفروق بين الكامله المانيوال والاوتوماتيك فى ال Gen2 - Waja؟؟

**M_HaFeZ** · 28-04-2008 10:42 PM

ايه الفروق فى الكامله المانيوال والكامله الاوتوماتيك
الفرق فى السعر مش مجرد فرق الفتيس بس ولا هى هى نفس الكماليات بس اختلاف الفتيس

**fahd_628** · 28-04-2008 11:06 PM

فى الجين 2 نفس الكماليات و لكن الأختلاف فى الفتيس

فى الواجا كان فية موديل اسمة بريميوم و دة كان فية حاجات كتيير جامدة جدا زيادة بس التوكيل بطل يستوردة

**Anti_virus_abdo** · 28-04-2008 11:11 PM

بالنسبه الجين 2 هي هي بالظبط اختلام فتيس
ال waja تقريبا برضه زي الجين 2 بس مش متأكد بالنسبه waja

**M_HaFeZ** · 28-04-2008 11:37 PM

شكرا يافهد على الرد ... بس ملاحظ ان الاسعار زادت اليومين دول عن اخر مره شفتهم على كونتاكت الاسبوع اللى فات

**M_HaFeZ** · 28-04-2008 11:38 PM

المشاركة الأصلية كتبت بواسطة Anti_virus_abdo

بالنسبه الجين 2 هي هي بالظبط اختلام فتيس
ال waja تقريبا برضه زي الجين 2 بس مش متأكد بالنسبه waja

الف شكر على الرد

**MohabSaeed** · 29-04-2008 10:47 PM

للاسف الواجا مافيش منها جديد لان التوكيل وقف استيرادها و حتنزل فى شهر اغسطس القادم .

لكن ممكن تلاقى عربيات واجا " استوك " عند المعارض موديل 2006 , 2007 ........ وحتبقى ارخص من تمنها تقريبا ب 5 او 6 الاف جنيه .

المهم نرجع لنقطة الفروق وحبدأ بالواجا

واجا مانيوال :-
ودية بتنزل فول اوبشنز ( مرايات كهرباء " تحريك فقت وليس فتح وقفل " ,4 زجاج كهرباء , راديو سى دى بلاير " كلاريون " + 6 سماعات , سينسورز خلفى للركن , مفتاح ريموت+ ايموبلايزر , جنوط 16 بوصه , تنجيد الكراسى قماش ) .

واجا اوتوماتك :-
نفس كماليات المانيوال بس بتنزل ب جنوط مختلف " اعتقد والله اعلم 15 بوصه " .

واجا اوتوماتك بريميوم :-
ودية بقى الحقيقة تحفه بكل المقاييس . فول اوبشن , بتنزل بنفس الجنوط ال16 بوصة الى فى الواجا المانيوال ,الصالون بالكامل وفرش الابواب جلد طبيعى فاخر جدا , ABS +ABD , تحكم فى ارتفاع وانخفاض الاضاءة الامامية الكترونياً , راديو كاست + سى دى " يعنى ممكن يشغل شرايط كاست ويشغل سى دى " , تحكم كامل فى المرايات تحريك وفتح وقفل المرايات الكترونياً .

----------------------------------------------------------------

نيجى للجين 2

الجين 2 بتنزل بنفس الاوبشن سواء مانيوال او اوتوماتك

فول اوبشن ( سنتر وزجاج ................... ) مريات كهرباء تحريك فقط وليس فتح وقفل, تعديل مستوى ارتفاع وانخفاض الاضاءة , جينوط 15 بوصه , راديو سى دى بلاير ,
بيزيد بس فى الاوتوماتك ان فيها كروز كنترول .

**M_HaFeZ** · 30-04-2008 07:40 AM

افهم من كده يامهاب ان المانيوال اللى موجوده دلوقتى مفيهاش Abs . Ebd ؟؟؟

**tutankhamoun** · 30-04-2008 09:43 AM

المشاركة الأصلية كتبت بواسطة M_HaFeZ

افهم من كده يامهاب ان المانيوال اللى موجوده دلوقتى مفيهاش Abs . Ebd ؟؟؟

حافظ باشا ............ الجين 2 فيها ABS , EBD
و ده كلام التوكيل و من كذا مصدر هناك ( توكيل الصحراوي )

**M_HaFeZ** · 30-04-2008 10:12 AM

المشاركة الأصلية كتبت بواسطة tutankhamoun

حافظ باشا ............ الجين 2 فيها ABS , EBD
و ده كلام التوكيل و من كذا مصدر هناك ( توكيل الصحراوي )

ياباشا ربنا يخليك انا عارف والله ...
بس كنت بسأل مهاب على الواجا وده من كلامه ان النسخه البريميوم هى اللى فيها ال ABS , EBD
الجين عربيه وهميه طبعا وبتمناها والله ... بس المشكله زى ماقولت هو الاتساع علشان اخوك طويل اوى :(
وربنا ييسر ونشوفها على الطبيعه فى اقرب فرصه

**volcano12** · 30-04-2008 10:20 AM

هو من كلام حضرتك فى موضوعك التانى حضرتك 200 او 201 سم على ما أظن...

أنا طولى 185 و لما اتفرجت على الجين 2 كانت واسعه بالنسبالى و النيوبيرا و الاكسيل و الكورسا الهاتش برده نفس الكلام... برجع الكرسى لورا أوى و بسيب حته صغيره أوى بطلعها لقدام...
**بالمناسبه الكورسا السيدان معرفتش ادخل فيها!!!
و كمان عندى مشكله فى ركبتى لما بتت تنى كتير بتوجعنى عشان كده بحد السيدان أكتر.. لان الماتركس بدخل و بستريح.. بس ركبتى بتوجعنى أسرع.. عشان الكرسى واقف شويه...

أنا قصدى لما تبقى أطول و مش فارق معاك ركبتك .. يبقى احتمال كبير تعرف تركب.. بس أنا معرفش ال 15 سم دول يفرقوا اد ايه :(