الموضوع: تغيير الزيت

المشاركة الأصلية كتبت بواسطة watzmann

تعليق على نقطه رقم 3 :

انت كوكيل لشركه انا كنت اتوقع منك انك تكون مهتم جدا برأى العملاء حتى لو انت مش بتستفيد منهم مباشرة , مش يمكن بعد سنه و لا اتنين ابقا عميل عندك ؟؟؟؟ مش يمكن انقل رأى دا لحد من العملاء الحاليين بتوعك ؟؟؟؟؟ مش يمكن اكون طالب بحث و اخرج بتقرير سىء عن المنتج الى انتا وكيله و ينتشر فى دوريه و لا حتى مجله ؟
صدقنى الأسباب كتييييره جدا اللى المفروض تخليك تهتم برأى الجميع و خصوصا اننا احنا فعلا عملاء
ياسيدي الفاضل الدعايه والتوعيه لمنتج الشركه مش مهمتي انا,انا مجرد مسوق لسلعه الشركه اللي هي فعلا لها سوق كبير
تعليق على نقطه رقم 4 :

انا عندى اقتراح صغير على النقطه دى , موبيل امتلكت 60 % مش تمتلك , لأن الله اعلم هتمتلك السنه دى كام , و الله اعلم السنه الجايه هتمتلك كام , يمكن السنه الجايه تمتلك بس 30 % و يمكن 70 % انا معرفش .
ولا انا اعرف سياسات الشركه التسوقيه هي اللي بتحدد مش انا ولا اي حد
القصد هنا ايه ...... انه من فضلك يا اى بياع لمنتج او اى وكيل لمنتج اشتغل علشان تفضل تعرف تبيع و تفضل تتفوق و اعرف انه جملت " المنتج بيبيع نفسه " هيا بداية الأنهيار
برضو مش مهمتي اني اعمل اعلان لاي شركه والا موضوع هيتقفل لانه هيبقي ماده اعلانيه

تعليق على نقطه رقم 5 :

الغلط هنا على الشركة مش على العمال , ببساطه لأن الشركه مش بتشرف و مش بتفتش , الفنى عمره ميعرض نفسه للخطر او يعمل عامله زى دى غير لما يعرف ان الشركه نايمه وولا دريا بحاجه لآنهم بيتعتمدو على ان المنتج ببيبع نفسه.
الشركه مش هي المشرفه عالمحطه المفروض ان صاحب المحطه بيشغل ناس امناء علي المال والعمله بتوعه
اتمنى انك تاخد نقدى على انه نقد بناء
اشكرك لتجاوبك وتفهمك


شكرا

تحياتي

بشكل عام ياجماعه انا مش خبير او متخصص او مهندس في المواد البتروليه بس انا عندي فكره جيده عن الزيوت واستخداماتها
الموضوع وما فيه ان ماينفعش حد يقول ان شركه معينه بطلع زيت مضروب
ممكن الوسيط اللي بينك وبين الشركه هو اللي يكون مش مظبوط
علشان كده انا بنصح اي حد انه يشتري زيت من مكان محترم ويكون وكيل ويكون مكان شغال كويس علشان ميكونشي الزيت مضروب او منتهي الصلاحيه
وطبعا انا تحت امركوا جميعا فيما يخص زيوت موبيل وديه مش دعايه علشان محدش يفهمن خطا بس
يعني مثلا انتوا بتشتروا الموبيل 1 3*1=225
فممكن تشتري الجركن 4 لتر من اي محطه موبيل محترمه ب265
الجركن ده ممكن لو شلنا العموله الكبيره جدا اللي فيه يوصل تمنه ل230 انا عن نفسي ببيعه عندي ب 235 واسيب 30 من العموله بتعتي
وطبعا مش مفروض اقول كلام زي ده بس انتوا طبعا اخواني
تحياتي للجميع