السؤال واضح فى العنوان
برجاء الافادة
و لكم جزيل الشكر
عرض للطباعة
السؤال واضح فى العنوان
برجاء الافادة
و لكم جزيل الشكر
سيراتو طبعا
هيا موتور وفتيس وعفشة النترا
وشكل جديد اولة 2008
توكيل تحفة وضمان 5 سنين او 100 الف كم
مفيش حد بيدي الضمان ده ابدا لا كوري ولا ياباني حتى
لا انا معاك ان دة فعلاً الاختيار الصعب
الترجيح حالياً لكفة السيراتو
لكن عليك ان تعرف بعض العوامل المؤثرة فيها ومدى اهميتها لك
شعبية العربية .....ودة بيعنى سعر اعادة بيع
خامات ................. ودة بيعنى جودة ورفاهية
قوة تحمل لمختلف الاجزاء ........ ودة بيعنى عمر المكونات
شكل جديد لكن مش جديد .......ودة بيعنى ان الشكل اتغير جوة نفس الشركة لكن لا يعنى انة عصرى
دة غير عنصر السعر حالياً و اللى ماعتقدش انة هايفضل كتير فى صالحها
سيرااااااااتو
رأى الشخصى سيراتو
و كفاية إنك تبعد عن غبوووووووور
سيراتو
عربيه وتوكيل
علي الرغم من امتلاك هيونداي العالمية ...لكيا العالمية بنسبة كبيرة..
الا ان كيا افضل من هيونداي في مصر...ومن زمان...ودة بسبب خدمات ما بعد البيع ....
والآن ...وبعد ان انتهت مشكلة التوكيل في مصر....واعتقد ان التوكيل الجديد هايغير خطط مبيعات السيارات الكورية في مصر...يعني الكيا هاترجع اقوي من الاول...وهاتنافس هيونداي منافسة شرسة جدااا ...واعتمادها الاساسي هايبقي علي خدمات ما بعد البيع ....
واولها ....5 سنين ضمان او100 الف كم....مش 3 سنين او 60 الف...
يبقي كدة السيراتو اختيار موفق عن الالنترا.....
سيراااااااااتو
الالنترا من تاريخها هيا الافضل السيراتو هى امتداد السبكترا و السيفيا
الالنترا هى السيراتو
والسيراتو هى الالنترا
انا اخترت اللالنترا علشان من جوه أحلى
مع تحفظي على الشكل الغير منتظم للالنترا من الخارج
أنا رأي السيراتو أحسن في التوكيل والسعر والضمان لكن الانترا أحسن في الشكل واعادة البيع وعلى العموم صلي استخارة قبل الشراء
مبدئيا
السيراتو تقوم علي تصميم النترا القديم ده اولا
ثانيا الالنترا تتفوق في الشكل عن السيراتو
ثالثا الالنترا متقفله في كوريا عشان تبقي بعيد عن افتكاسات التجميع المصري و لم تظهر مشاكل كبيره بعكس السيراتو فهي لم تنزل لميدان التجربه بعد " قصدي موديل 2008 "
رابعا الهيونداي عامه يتميز بقطع الغيار الارخص و الاوفر يعني مش هتبقي تحت رحمه التوكيل و ان كان توكيل الكيا اروق و افضل في الخدمه " بس ظن هتحتاجله فتره طويله "
يعني الخلاصه عاوز النترا بس رخيصه شويه و تصميم اقدم سنه بس موديل السنه دي فكر في السيراتو
لكن كلها شويه و تعلي سعرها نتيجه الاقبال كما هو حال سوقنا المصري الغريب
و اخيرا اهه كله في جيب هيونداي سواء اشتريت هيوندداي او كيا المملوكه لهيونداي :)
اعتقد ان الالنترا متفوقه على السيراتو من حيث الابعاد " الاكبر نسبيا " , " فى امريكا متصنفة ضمن السيارات الفوق متوسطة "
السيراتو فعلا مبنية على شاسية الالنترا " ولكن الشكل القديم وليس الحالى "
سيراتو 2008 نازله بمحرك Cvvt " نفس المحرك الموجود فى الالنترا الجديده 120حصان "
توكيل محمد نصير افضل " 100 مره من غبور "
انا اسف مش حقدر اختار مابينهم ............. لانى اساسا مش بفضلهم " السيراتو والانترا " لان سعرهم مرتفع جدا ومبالغ فيه ........
لكن اعتقد السيراتو افضل من الالنترا من حيث الصيانة " توكيل نصير والضمان الممتاز 5 سنوات " , غير انها حتنتشر جدا فى الفترة القادمة .
في موقع كيا مذكور انه 105 حصان بمعني انه نسخه متطوره cvvt من موتور الفيرنا لانه نفس المواصفات
1.6 dohc 105 pwhk / 5800ار بي ام
و دي نقطه ضعف رهيبه يعني موتورها لايقارن بالنترا الجديده ممكن بالنيو اكسنت
لانه تطوير لموتور الالنترا القديم
الموقع اهه http://www.kia-cerato.com/base.html
*Kia cerato 2007 performance
(من موقع ويكيبديا)
- 1.6L DOHC engine 122 hp 0-100 km/h: 10.6 sec., top speed: 119 mph (192 km/h) for Manual transmission.
- 1.6L DOHC engine 122 hp 0-100 km/h: 13.7 sec., top speed: 113 mph (182 km/h) for Automatic transmission.
السيراتو الحالية نفس موتور الالنترا الجديدة...اما السيارتو القديمة هي اللي فيها الموتور القديم
الانترا = سيراتو
بس الانترا شكلها احلى
السيراتو الضمان اطول والتوكيل احسن
انا رأيي السيراتو لو متقبل شكل المنطقة الخلفية...
توكيل ممتاز
اعلي ضمان
نفس موتور اللانترا القوي
فتيس ستيبترونيك
كماليات زي الفل
نادر
دي مواصفات السيراتو اللي بتنزل مصر ،،
Horsepower (Hp) @ R.P.M. 105 Hp @ 5,800 RPM
من موقع محمد نصير ،،
http://www.eim-eg.com/brands/kia/Kia-Cars/cerspec.htm
موقع ويكيديا بيجيب كل المواتير اللي بتنزل للعربية و خاصة في امريكا
يا حبي دا الشكل القديم اللي قلتلك عليه في الاول...الموقع لسه مش محدث
خالي لسه حاجز واحدة من كام يوم و قاللي فيها نفس موتور الانترا ال122 حصان
و فهد و Onna برده لسه جايبنها عايزنهم يفيدونا في الموضوع ده
اها
افادكم الله انا اعتمدت علي موقع كيا العالميه " الليناك الاول " و كيا مصر اللينك التاني و مظنش الاتنين مش محدثين
عامه
يبقي الافضل يتاكد من التوكيل عن موضوع الموتور و باقي مميزات الالنترا
الباور الكهربا و المساعدين الغاز ،
كده اضمن له
و ربنا يوفق في اختيار الافضل
سيراتو عشان خاطر الوكيل وخدمة ما بعد البيع
بس الألنترا أفضل فى سعر إعادة البيع
شوف أنت بقى أيه أنسبلك مع العلم أن المواصفات الفنيه تقريبا واحده
فعلا يا نادر دة الشكل القديم و الموتور القديم و حتى مكتوب ان الضمان 3 سنين او 60 الف كماقتباس:
يا حبي دا الشكل القديم اللي قلتلك عليه في الاول...الموقع لسه مش محدث
خالي لسه حاجز واحدة من كام يوم و قاللي فيها نفس موتور الانترا ال122 حصان
و فهد و Onna برده لسه جايبنها عايزنهم يفيدونا في الموضوع ده
انا والله يا نادر لية مجبتهاش هية المركب حتيجى بكرة ان شاء الله و لسة بقى عقبال الأفراج و الحوارات دية فا انا مستنى و ربنا يكتبهالنا ان شاء الله ادعيلنا :) اونا استلمتها فعلا و هية اكتر واحدة ممكن تفيدنا فى الموضوع دة
مبروك مقدما يا فهد بس انت مش كنت داخل على الجين 2 غيرت رايك ليه
السيراتو عربيه جميله جدا وشكلها من رائي افضل من الالنترا واعتقد ان مجد العربيه دي هيرجع من تاني وواضح ان التوكيل الجديد نازل بتقله وناي يعمل حاجه للعربيه دي اللي اتظلمت اكبر ظلم في عصر التوكيل اللي فات .استخير وتوكل علي الله وانا من رائي تروح اي معرض وتركب العربيتين واللي ترتحله اكتر توكل علي الله واشتريه
الله يبارك فيك يا باشا بس والله العربية مش ليا لواحدى لو لواحدى والله مكنت حجيب غير جين 2 :)اقتباس:
مبروك مقدما يا فهد بس انت مش كنت داخل على الجين 2 غيرت رايك ليه
كلام جميل جدا ولكن هل؟؟؟؟؟
هل المساحه الدخلية للسيراتو اكبر ؟؟
هلي قطع غيارها افضل؟؟
هل ارتفاع السيارة عن الارض اعلي من الالنترا ؟
يا جماعه فيه نقطه شاغله دماغى من زمان هيا ازاى السيراتو نفس موتور اللانترا مع ان السيراتو ابطىء بكتير لانى كنت بشد معاها من حوالى كام شهر وكان واضح انها بطيئه فعلا
احمد هيا سيراتو وهيونداي نفس الشاسية والموتور مع اختلاف العفشة ثبات لصالح هيونداي بس ناشفة قوي عشان غاز وانعم لصالح السيراتو عشان مساعدين غاز على زيت
السيراتو تجميعها هو هو الهيونداي وفي قطع غيار مشترك
احمد اوعي تقول على قطع غيار النترا رخيصة
لالالالالا
واحد صاحبي بيشتكي منها قوي
حد عنده فكره عن اسعار قطع غيار النترا
انا راي السيراتو احسن حاليا لان توكيل محمد نصير ممتاز والعربيه لسه نازله شكل جديد يعني مش هتقلق من تغير الشكل وغير ان سعرها اكيد هيزيد لان فاكر الالنترا لما كانت نازله في الاول كانت سعرها زي السيراتو دلوقتي لكن زادت كتير بعد فتره قصيره ودا اللي هيحصل للسيراتو.ومتنساش فتره الضمان
انا مش فاهم معظم ردود الاعضاء تعالوا نشوف الموضوع بشكل منطقى
الانترا نفس امكانيات سيراتو و نفس مميزاتها من ثبات و تسارع و متعة قيادة و كل حاجة
الانترا شكلها تحفة من جوة و برة , سيراتو شكلها زبالة من جوة و برة
يبقى ازاى ممكن تكون السيراتو افضل من الانترا ؟؟؟؟؟؟؟!!!!!!!!!!!
حاجة غريبة و ردود غريبة مالهاش اى صلة بالمنطق , حتقوللى حشتري عربية حياتى و ادفع فيها دم قلبى بس حشتريها سيراتو عشان ضمانها اطول و توكيلها احسن ؟؟؟؟؟؟!!!!!!!!!!
بالذمة ده كلام يا جماعة ؟!! اقول ان عربية افضل من التانية و اخليها فى المرتبة الاولى و التانية فى المرتبة الاخيرة عشان عربية منهم احسن من التانية فى الضمان و التوكيل ؟
حرام عليكوا بقى كفاية هجوم على هيونداى انتوا تعبتونى و تعبتوا كل واحد بيشترى او اشترى هيونداى فى المنتدى
مش ممكن الحقد على هيونداى ده لدرجة انكوا تقارنوا عربية زى سيراتو بالانترا الجبارة اللى واقعة ضمن افضل عشر عربيات فى امريكا و اللى ما ظهرش لها اى عيب فى مصر
كفاية كده ارجوكم
هو حضرتك منفعل قوي كدا ليه يا أستاذ علي ؟؟
على فكرة الهيونداي إلنترا و السيراتو واحد و الفرق في الشكل
موتور و شاسيه واحد
و بعدين شكلها مش زبالة و لا حاجة
الشكل ده أذواق !!!!!!!!
صحيح الإلنترا حلوة ............ بس السيراتو حلوة برضه
و صحيح الإلنترا أحلى في الشكل
بس السيراتو مازالت حلوة و شكلها حلو و تابلوها حلو
و على فكرة
كيا مملوكة لهيونداي
يعني سيراتو و إلنترا يعتبروا عربية واحدة
يبقى التوكيل و الشكل و السعر هما الفرق
و بما إن التوكيل بتاع كيا و ضمانها أطول و سعرها ارخص
فهتلاقي ليها زباين كتير لأنها عربية حلوة و متفرقش عن الهيونداي إلنترا في حاجة غير الهيكل و الشكل و التصميم
و مبروك عليك الإلنترا و ربنا يباركلك فيها
----------------------------------------------------------------
بس معنى كده ان المفروض بقى ان انتشار سيراتو يبقى اكبر باعتبارها ارخص من النترا و فى نفس الوقت فيها نفس مواصفات النترا و توكيلها احسن و ضمانها اطول , و ده مش بيحصل بالمرة لانك لو لاحظت حتلاقى كل 100 عربية النترا قدامهم واحدة سيراتو , يبقى كل الناس ديه مابتفهمش ؟ انا عن نفسي خصصت شهر المصيف فى اسكندرية لملاحظة جميع العربيات و انتشارها باعتباره اكتر وقت بيبقى فيه عربيات فى اسكندرية و لاحظت ده
بالنسبة لنتشار العربيات فى الفئة من 90 الى 105 الف الترتيب كالتالى
لانسر شكل قديم - النترا - ياريس - اوبترا - نيسان صنى (قليل) و اقسم بالله لقيت بالظبط عربيتين اتنين هوندا سيتى و عربية واحدة جين 2 و ولا عربية سيراتو ولا واحدة , انا اصلا فى غير الموسم ده عمرى ما شوفت سيراتو غير عربية واحدة كانت واقفة فى شارع خالد ابن الوليد
قوة ملاحظة بقى ههههههه وربنا يوفق كل واحد للعربية اللى يختارها و اسف لو اسلوبى ضايق اى حد
الحمد لله اخيرا حد اتفق معايا وقال كلمة حق ان مفيش جين2 كتير فى اسكندرية وكمان مافيش ولا سيراتو واحدة توحد ربنا يسلم بقك يا شيخ
عموما حتى لو العربيتين زى مابتقولوا شاسيه واحد وموتور واحد يبقى النترا تكسب برده بمراحل السيراتو اللى شكلها مش ولا بد وكمان تكسبها بعوامل الامان اللى فى الالنترا ABS & AirBags واللى مش موجودة فى السيراتو دى
سيرااااااااتو
طبعا سيراتو
elantraaaaaaaaaaaaaaaaaaaaaaaaaaaa