مقارنة الرحيل: سيفيك - جيتا - مازدا - فلوينس - بي إم

**Mahmode** · 19-06-2011 01:12 PM

السلام عليكم. أنا عملت مقارنات كتير في المنتدى وكل شوية أشيل عربية وأضيف عربية للمقارنة. للأسف كل عربية ليها مزايا وعيوب. أنا حا قللكم على مزايا وعيوب كل عربية من دول من وجهة نظري. وطبعا العربيات مش نفس موديل السنة. وإلًا البي إم تكسب.

العربيات الداخلة في المقارنة:
1. هوندا سيفيك 2009 vti (هاي لاين)
2. مازدا 3 2010 هاي لاين
3. جيتا 2010 هاي لاين
4. فلوينس 2010 هاي لاين
5. بي إم 2005 هاي لاين

العربيات كلها هاي لاين والشكل الخارجي غير داخل في المقارنة ولا اللون عشان دي أذواق. وبرضو مايهمنيش فرق قوة الموتور إلا لو الموتور ضعيف بوضوح. يهمني عربية ممتازة عامة. واسعة. تكييف كويس. كماليات. مش واطية. قلة أعطال. استهلاك بنزين جيد. قطع غيار أسعارها معقولة. طبعا الكلام ده مش موجود مجتمع في أي واحدة منهم وعشان كده أنا باعمل المقارنة عشان أسمع آراء وأعمل استخارة وأرسا على نوع وأتكل على الله لحسن أنا جبت جاز من كتر المقارنات.

ودي ملاحظاتي على العربيات:
1. السيفيك ركوبة حلوة وموتور قوي وتقريبا أوفر واحدة في استهلاك البنزين. يعيبها قلة الكماليات (أقل واحدة فيهم في الكماليات) وواطية على الأرض
2. المازدا يعيبها ضيق الكنبة والشنطة وأنها بصفة عامة تقريبا أقل واحدة في المقارنة كعربية على بعضها مع إن شكلها شيك وعربية ممتازة. دا غير إنها مش متوفرة أوي مستعمل
3. الجيتا أحلى واحدة فيهم كركوبة. ما شاء الله فخمة وممتازة من جوة. وطبعا كماليات ممتازة. يعيبها واطية والأهم موضوع الفتيس الـdsg اللي مش قادر أعرف كلام نهائي فيه, ناس تقول اتصلح وناس تقول لأ. ناس تقول دا في الباسات بس. وناس تقول في موديلات 2009 بس...الخ
4. الفلوينس عربية ممتازة كا ركوبة وكماليات يعيبها إن تقريبا سعر إعادة البيع حتقع جامد وغير إنها فرنساوي والنظرة العامة للفرنساوي إنو عرضة للأعطال أكتر من غيره.
5. البي إم لا يعيبها أكتر من إنها قديمة نسبيا عن الباقين وحتبقى عاملة كيلوميترات أكتر بفرق عن الباقين. وممكن تكون عرضة للأعطال أكتر عشان أقدم وطبعا أكيد صيانات التوكيل أغلى.

**KHALED AYMAN** · 19-06-2011 01:19 PM

هتكلم عن الجيتا ...
الفتيس فى 2009 كان فيه مشاكل ..2010 محدش اشتكى ..2011 محدش اشتكى ..وكل الجيتا 2010 فتيس dsg
ملحوظه: لو ناوى تجيب جيتا ..استنى شويه..الشكل الجديد خلاص هينزل قريب اوى اوى اوى ..مجرد ما ينزل هتلاقى سعر الشكل بتاع 2010 نزل ..انت اولى بفرق الفلوس

**Mahmode** · 19-06-2011 03:29 PM

هتكلم عن الجيتا ...
الفتيس فى 2009 كان فيه مشاكل ..2010 محدش اشتكى ..2011 محدش اشتكى ..وكل الجيتا 2010 فتيس dsg
ملحوظه: لو ناوى تجيب جيتا ..استنى شويه..الشكل الجديد خلاص هينزل قريب اوى اوى اوى ..مجرد ما ينزل هتلاقى سعر الشكل بتاع 2010 نزل ..انت اولى بفرق الفلوس

متعرفش الشكل الجديد حينزل إمتى بالضبط؟ وياريت تديني رأيك في المقارنة. لو إنت مكاني تخليك مع مين فيهم. مع ملاحظة إن كلهم تقريبا في نفس حدود السعر.

**KHALED AYMAN** · 19-06-2011 03:36 PM

الشكل الجديد نازل شهر 7 حسب كلام التوكيل ..
والدليل على اقتراب نزوله اوووووى ان التوكيل عامل تخفيض على الجيتا الشكل الحالى و بينزلها اعلانات ..دلوقت البيز لاين ب 160 الف فى التوكيل الهاى لاين تقريبا 190 او 200 مش فاكر
انا لو مكانك
هستنى لما الشكل الجديد ينزل
وادور على حاله شااااااذه من الشكل الحالى ..او اخلينى فى الامان و اجيب فانتازيا هتبقى خدت كل مميزات الجيتا +قطع غيار متوفره اكتر و ارخص+ هتبعد عن الفتيس dsg

**Mahmode** · 19-06-2011 03:39 PM

انا لو مكانك
هستنى لما الشكل الجديد ينزل
وادور على حاله شااااااذه من الشكل الحالى ..او اخلينى فى الامان و اجيب فانتازيا هتبقى خدت كل مميزات الجيتا +قطع غيار متوفره اكتر و ارخص+ هتبعد عن الفتيس dsg

ماهي الفانتازيا أغلى من العربيات اللي في المقارنة يا باشا. العربيات اللي في المقارنة بيلعبو حوالين ال145 ألف. فانتازيا هاي لاين مش أقل من 165ألف (مستعمل طبعا)

**KHALED AYMAN** · 19-06-2011 03:43 PM

المشاركة الأصلية كتبت بواسطة mhdside

ماهي الفانتازيا أغلى من العربيات اللي في المقارنة يا باشا. العربيات اللي في المقارنة بيلعبو حوالين ال145 ألف. فانتازيا هاي لاين مش أقل من 165ألف (مستعمل طبعا)

اه تصدق فاتتنى دى ..واعتقد كمان الفانتازيا لو 2011 استعمال ..مش هتقل عن 180 الف ..لو هى كسر زيرو
ده الزيرو دلوقت فى التوكيل ب 212

طيب يبقى استنى شويه على ما الجيتا ينزل منها الشكل الجديد
وهتلاقى المستعمل سعره ارتاح كمان
هات واحده شاذه ..وبفرض انك عامل حسابك تدفع 145
ال 145 دول لما الشكل الجديد ينزل هيجيبولك حاله احسن من الى هيجيبوهم دلوقت

**Mahmode** · 20-06-2011 02:25 AM

إيه يا جماعة 1 بس مشارك في مقارنة الرحيل؟ دي مليونية ياخوانا. كل واحد يقول أي رأي. لو حتى إسم العربية بس.

**KHALED AYMAN** · 20-06-2011 02:27 AM

طيب انا مش هاخد جايزه ولا حاجه :)

**omar-saad** · 20-06-2011 02:44 AM

انا شايف البى ام افضلهم
موضوع الكيلو متراج الكتير والموديل
دول فى اى عربية تانيية لان مواتير البى ام معمرة جدا جدا
دا غير الثبات الوهمى بتاع العربية من الدفع الخلفى وتوزيع الوزن بنسبة 50\50
وانك تقدر تعدلها ل m3 باقل جهد ومن غير لعب فى العربية وانا طبعا مش هاتكلم يعنى ايه
m3
فانا صوتى رايح للبى ام
هاتتعب شوية على ماتلاقى حاجة نضيفة وكليو مترقليل
بس هاتركب عربية بكل اللى انتا حاططهم فى المقارنة دول

**samoevil911** · 20-06-2011 03:01 AM

بي ام الشكل دا تحفة اصلا وكماليات عالية فهتبقى اشيكهم
بس حاول تقع على حاجة كويسة

او جيتا واستني الشكل الجديد نازل خلال شهرين والله اعلم .. انا كنت سائل قبل كدا في الطارق قالي بين شهر 6 و 8 خلال ال 3 شهور دول -بس معرفش مدى مصداقية الكلام

مشاهدة نتائج الإستطلاع: بصفة مجملة تدي صوتك لمين؟

الموضوع: مقارنة الرحيل: سيفيك - جيتا - مازدا - فلوينس - بي إم

LinkBack

أدوات الموضوع

عرض

مقارنة الرحيل: سيفيك - جيتا - مازدا - فلوينس - بي إم - انشر الموضوع فى :

-

-

-

-

-

-

-

-

-

المواضيع المتشابهه

مقارنة : أفضل وكيل (جيتا)او (سيفك) أو (فوكس) أو (مازدا)

مقارنة الأربعة الكبار: كورولا - سيفيك - لانسر شارك - مازدا 3

مقارنة وحوش الياباني مازدا 3 vs سيفيك (2008-2009)

مقارنة بين جيتا هاي لاين، اوكتافيا فانتازيا و سيفيك هاي لاين

الكلمات الدلالية لهذا الموضوع

المفضلات

المفضلات

ضوابط المشاركة