الموضوع: استفسار بخصوص زيت الماتور

السلام عليكم ورحمة الله وبركاته
انا غيرت زيت الموتور عند قراءة عداد كم 117000
الزيت كان التعاون 3000
للأسف اخويا الي غيرلي الزيت وحط الجركن كله 4كجم وغير الفلتر
لما قيست الزيت لقيت الزيت علي المقياس اعلي من الماكس بكتير
قابلت المهندس ايهاب منصور وقالي لازم انزل الزيت الزيادة
بصراحة انا كبرت دماغي ومشيت عليه
كمان المهندس ايهاب لقي خرطوم فايظ الزيت مقطوع عندي وزيت الموتور مبهدل الدنيا

دلوقتي قراءة عداد الكيلو متر 120,250
كشفت علي الزيت لقيته اسود هباب ولزوجته قلت جدا وكمان نزل عن علامة الماكس بشوية صغيرين
انا عايز اعرف كام حاجة كدة
هل الزيت نزل من الفايظ للمستوي الطبيعي بتاعه ؟؟
هل فعلا زيت التعاون بيتبخر اسرع وعشان كدة قل حوالي نصف الكيلو ؟؟
هل المكنة بتاكل زيت ودة الي نقص الزيت حوالي نصف الكيلو ؟؟

ارجو الأفادة بالأسباب الممكنة لنقص الزيت حوالي نصف الكيلو في خلال 3000 كم في ظل الظروف المذكورة

والله المستعان
،
،