الموضوع: استفسار بخصوص زيت الماتور

الحل زي مقلك أستاذ حسين
تغير الزيت والفلتر وتحط لحد علامة الماكس وتحط زيت محترم كاسترول او فيسكو
تتابع الزيت كل اسبوع بالكتير ومتابعة مستمرة ومضبوطة
وشوف ايه اللي هيحصل معاك
وربنا يوفقك

المشاركة الأصلية كتبت بواسطة egman

والله يا باشا هو من البداية صعب جدا انك تحط زيت التعاون للايبيزا ، انا عن نفسي بستخدم زيت كاسترول 5000 زيت خيال وهمى وثمنه 125 جنية .


طالما ان حضرتك بتقول ان الزيت 3000 يبقى كده الزيت انتهى خلاص اولا لانه فقد لزوجته وخواصه وبالتالى تبخيره اصبح اسهل مع وجود الحرارة العالية فى الصيف اما خرطوم الفايظ ده لازم تغيره باخر جديد وتغسل الموتور عند حد متخصص مش اى بنزينة وتشوف هل يوجد اى زيت تانى ظهر على الموتور ولا لأ علشان تتاكد ان الموتورسليم لكن بصفة عامة حضرتك حاطط زيت 3000 وفعلا انتهت الــ 3000 كيلو بتوعه يبقى توقع اى تهيس يحصل والسبب ان الخواص بتاعه الزيت فقدت وانتهت جودتها وبالتالى ابسط الامور نسبة البخر هتكون عالية وكمان خد فى اعتبارك الجو اليومين دول .

1. يبقى غير الخرطوم .
   
2. اغسل الموتور .
   
3. اطمن ان ما فيش اى تسريبات تانية للعربية .
   
4. يا ريت بلاش التعاون تانى ابدا ابدا خليك فى كاسترول احسن .
   
5. يا ريت تغير الفلتر بتاع الزيت كل مرة غيار زيت لو امكن هيكون افضل .
   
   

والله يا باشا انا غير راضي عن الزيت ومش انا اساسا مع الاسف الي عملت السيرفيس دة كان اخويا
وبأذن الله هغير الخرطوم في اقرب وقت ممكن
وهغير طبعا الزيت انشاء الله بس مش هغير الفلتر لأنه لسة جديد نوفي

شكرا علي المجهود

والله المستعان
،
،