الموضوع: اسباب تأكل ونقص زيت الموتور

اخى الكريم حضرتك اما تغير زيت اولا نصيحة غير الى شل الجركن الاحمر شل هيلكس
وظبط مستوى الزيت تمام ولا زيادة ولا ناقص وخد مشوار بالعربية وانت واقف ومدور العربية شوفلنا خرطوم الفايز بيطلع بخار زيت ولا لا وشوف غطا التاكيهات بيطلع بخار زيت ولا لا ؟ وطبعا بص على الشكمان وانت دايس دفعات بنزين بيطلع دخان ولا لا؟ عشان نقدر نحكم هل الموتور بياكل زيت ولا نتيجة زيادة منسوب الزيت فى التغيير اللى فات كان الموتور بيسرب زيت من مكان معين
وبامر الله خير

السلام عليكم الاول

بص هم 3 مالهمش رابع

1 لو بتحرق عالغيار

2 لو العربية جايبة جوان وش سلندر او جوان غطاء التكهات

3 لو البستم عندك الشمايز بتاعتو متاكلة وفي الحالة دي بيكون الموتور مطلع دخنة بيضاء

بالنسبة لخرطوم الفايظ خلي احرق عالموتور وشوف الخرطوم هيطلع دخنة بيضة ولا لا

عالعموم لو جوانات فده شيء هين وسهل وماتقلقش بالنسبة لزيت شل الاصفر زيت كويس وشغال تمام

وكون ان هو بقي شكلو مسود فده عادي جدااااااااااا

عايزك تغسلي الموتور غسلة حلوة وتمشي بالعربية يومين وتقولي في تعريق عالموتور ولا لا

بالنسبة لشوية الزيت اللي نقصو عااااااااااااادي


تحياتي .......ابو عبد الله