الموضوع: حظبط الاوضة

طب والاوضة حالتها ايه؟

ايه الالوان اللى بتحبها ويمكن نساعدك فى تدخيل الوان على بعضها؟

هتغير فرش ولا الوان بس ولو امكن بقى نعرف مساحة الغرفة اد ايه؟

وهيه اوضة نومك ولا فيها مكتبك ؟

المشاركة الأصلية كتبت بواسطة gaaz

الغرفة اوضة النوم والمعيشة والمكتب وكل حاجة
وهي تقريبا تلاتة في اربعة
انا حديها لون اخضر او على حسب وصف الصنايعي اخضر قلب خصاية هههه
المهم بقى هو قالي انه حيعمل تلات حيطان لون والحيطة الرابعة الفاضية قالي حيعمل فيها ديكورات وحبشتكانات
انا مشكلتي مش في اللون
انا مش ححط فيها غير سرير ومكتب الكمبيوتر
عايز اقتراحات لحاجات صغيرة كده وتكون مش بتاخد مساحة كبيرة عشان انا مش بحب الاوضة زحمة بحبها فاضية
حد يعرف الستاير اللي بتبقى زي الالواح اللي جمب بعض وبتتفتخ وتتقفل بخيط كده بتتباع فين او بكام ؟
وحد يعرف الكراسي بتاعت الكمبيوتر المتحركة انضف نوع ايه وبكم ؟
وحد يعرف لو حبيت اجيب مراية احطها فين ؟ ادفنها في الحيطة ولا اوديها فين ولا اعلقها فين ولا ازاي ؟

ديه شوية افكار لتوزيع الفرش فى الاوضة ومتاخدش مساحة كبيرة.وابقى خلى النقاش يعملك لون عينة على الحيطة قبل ما يدهن عشان تشوف درجة اللون عاجبك ولا لا.

بالنسبة للكرسى ارشحلك محل فى اول شارع هارون اودام تسيباس خاماته ممتازة.واسعاره معقولة يعنى ممكن تجيب كرسى ثلاثى(يطلع وينزل والضهر متحرك والمساند) ب 250 جنيه.

للستارة حاول تسال عند محلات ميدان الجامع بتوع الستائر المتحركة وخد المقاس من عندك من الحيطة الاول.

ديه ركنة للكمبيوتر متاخدش مكان خالص



لو هتعمل الاوضة بالترتيب ده يبقى المرايا بدل الشباك او فوق المكتب





وربنا الموفق

المشاركة الأصلية كتبت بواسطة gaaz

ايمن برنس والله
بس هو انا من اسكندرية كنت اتمنى تقولي لو تعرف اماكن في اسكندرية
وبالنسبة للمرايا ارسم حواليها رسمة بالبوية ؟ او الصنايعي يعني يرسم ؟ ولا بلاش ؟ يحددها مثلا او حاجة كده ؟
وبالنسبة لو عندي كتب تنصحني ايه احسن طريقة اشيلهم فيها
اعملهن رف ولا ايه؟
مع العلم ان هم مش كتير ومش عايز اجيب مكتبة عشان الاوضة مش مستحملة ومش عايز ازحم الاوضة

يا هلا باهل اسكندرية وللاسف يا عزيزى مش هاقدر افيدك فى الاسكندرية.ولكن كان فى شارع بمشى فيه فى الاسكندرية ناحية المنشية بشوف فيه لوازم ديكور حلوة.

من رايى بلاش رسوم ولا تحديد حوالين المرايا عشان الحيطان ميبقاش فيها شغل كتير.

انصجك برف او رفين فوق بعد على شكل درجة السلم.والو هتحطهم فوق المكتب يبقى ادهنهم نفس لون المكتب ولو هتلمع المكتب ب اوستر يبقى الرفوف كمان.

بس خلى بالك انا لما حبيت اسيب النقاش يفنن عملى شغل فلة,مش عاوز اقلك.فافهم منه الاول هو هيعمل ايه.لان الشغل اللى بيتعمل على الحيطة ويتشال بيكلف فلوس وكله على حسابك.

ويا سلام لو تلاقى نجار يعملك حاجة كدة