الموضوع: تغيير جنوط bmw 318

المشاركة الأصلية كتبت بواسطة thebuccaneer

سعر جنط استيراد نظيف لن يقل عن 3000 جنيه بالنسبه لمقاس ال 17 بوصه, و أن وجدته بسعر أقل هيكون محتاج إلى ضبط و تعديل يعنى أنا كنت هشترى جنط 17 أية سى شنيزر اللى هو type v lightweight forged و كان سعره استيراد ب 3000 جنيه و كان هيحتاج إلى ضبط مما فيه من ثنيات و بالطبع هيحتاج إلى دهان بعد الضبط بالتسخين و هيتكلف معك و بالتالى فالأفضل أنك تشتريه جديد ب 4300 جنيه و إن اشتريت الجنوط بكاوتش نيكسن من أرابكوم هيتكلف كله معك 6200 جنيه 4 جنوط + 4 كاوتش و بيعطيك ضمان عام مع الكاوتش لأنهم الوكيل لهذا النوع من الكاوتش بالنسبه للأفضل الكونتيننتال الأفضل و سعر الواحده ب 900 - 1000 جنيه و الثانى بيريدج ستون و سعر الواحده 800 - 850 جنيه و الميشلان نظيف جدا أيضا و سعره مقارب إن لم يكن بنفس سعر البيريدج ستون وعلى فكره شركه أيه سى شنيزر بترشح الكونتيننتال و الميشلان ككاوتش. بالنسبه للنيكسن اللى قولت لك عليه بالأعلى هو كورى الصنع و الواحده ب 550 جنيه.

انت جبته ب 3000 استيراد علشان اكيد اى سى تشينزر اصلى المانى تقريبا اما بتاع ارابكوم ده هتلاقيه صينى او تيوانى يعنى شكل بس اداء صفر

المشاركة الأصلية كتبت بواسطة eslam.elrefaey

انت جبته ب 3000 استيراد علشان اكيد اى سى تشينزر اصلى المانى تقريبا اما بتاع ارابكوم ده هتلاقيه صينى او تيوانى يعنى شكل بس اداء صفر

و الله حضرتك مش مضمون إن اللى موجود عند التجار بالحرفيين ألمانى لأنه إذا كان ألمانى يجب أن يكون نيكل كروم. هل الجنوط اللى مع حضرتك كلهم نيكل كروم؟ أنا كنت هشترى جنوط m3 17 و كانت ب 3000 جنيه لكن حالة نظيفه جدا لكن مش ألمانى و التاجر قال لى إن وجدتهم ألمانى أصلى لن يقل سعرهم عن 5000 جنيه بدون كاوتش و نفس الجنوط كانت عند زهير جبر و زهير بيستورد شغل من فرنسا و قال لى 4000 جنيه و كثير من التجار بيستورد شغل من اليابان لرخص الأسعار هناك. فعلا الجنوط الموجوده عند أرابكوم تايوانى و ليست صينى لكن الأيه سى شنيزر الأصليه نيكل كروم. و سعرهم اكيد لن يقل عن 8000 جنيه إن كانت أصليه.

بس معني كدة ان المقاسات اللي مكتوبة علي قايم العربية عندي هجس في هجس لان مكتوب ان الجنط 16 ياخود 225-50وحضرتك دلوقتي بتقول من الخطا تركيب المقاس دة ارجو التوضيح؟وسوئل تاني بعد ازنك انا لو فكرت اكبر الجنط علي العفشة الاصلية اخري هيبقي كام لان المقاسات علي القايم معاك لحد 19 علي عفشتها الاصلية

المشاركة الأصلية كتبت بواسطة zegna

طب بالنسبة لل 316 e90 هيا فيها جنط 16 ياتري اخري مقاس كام؟

جنوط مقاسات 16, 17 و 18 هو أخر مقاس. و عالفكره كل الجنوط الموجوده بالصور عادى تركب على ال e90

المشاركة الأصلية كتبت بواسطة zegna

بس معني كدة ان المقاسات اللي مكتوبة علي قايم العربية عندي هجس في هجس لان مكتوب ان الجنط 16 ياخود 225-50وحضرتك دلوقتي بتقول من الخطا تركيب المقاس دة ارجو التوضيح؟وسوئل تاني بعد ازنك انا لو فكرت اكبر الجنط علي العفشة الاصلية اخري هيبقي كام لان المقاسات علي القايم معاك لحد 19 علي عفشتها الاصلية

- هو يركب لكن من الافضل تركيب هذا الكاوتش على جنط 17 لانه مناسب لارتفاع و عرض 225/50 .
الفكره ان اى اورجينال جنط 16 فى كل الالمانى بينزل راكب له كاوتش 205/55 - لو بدلت للكاوتش مقاس 225/50 حتعلى العربيه و المسافه بين الكاوتش و الرفرف حتأرب .

المشاركة الأصلية كتبت بواسطة thebuccaneer

و الله حضرتك مش مضمون إن اللى موجود عند التجار بالحرفيين ألمانى لأنه إذا كان ألمانى يجب أن يكون نيكل كروم. هل الجنوط اللى مع حضرتك كلهم نيكل كروم؟ أنا كنت هشترى جنوط m3 17 و كانت ب 3000 جنيه لكن حالة نظيفه جدا لكن مش ألمانى و التاجر قال لى إن وجدتهم ألمانى أصلى لن يقل سعرهم عن 5000 جنيه بدون كاوتش و نفس الجنوط كانت عند زهير جبر و زهير بيستورد شغل من فرنسا و قال لى 4000 جنيه و كثير من التجار بيستورد شغل من اليابان لرخص الأسعار هناك. فعلا الجنوط الموجوده عند أرابكوم تايوانى و ليست صينى لكن الأيه سى شنيزر الأصليه نيكل كروم. و سعرهم اكيد لن يقل عن 8000 جنيه إن كانت أصليه.

3000 رقم كويس لانه مستعمل مش جديد ومش كله تقريبا نيكل كروم

يعني انا فهمت من كلام حضرتك ان اي جنط يقبل اي عرض مش لازم مقاسات الفابريقة لان ال 17 بيركب علية المفروض 225-4خلفي و امامي5 او تقدر تحوطلو عرض 255-40 خلفي فقط دة بالنسبة لمقاسات بتاعت قايم العربية وبالنسبة لل18 بياخود 225-40 امامي وخلفي 255-35