لماذا لماذا ؟؟؟؟؟؟؟؟؟
عرض للطباعة
بلاش الميكانيكيون العرب بلااااااااااااااااااااااا ااااااااااااااااااااااااا ااااااااااااااش
انا اشتريت عربيتى من واحد و بعدين طلع انها اصلا من عند الميكانيكيون (العربية اللى هانى بيتكلم عليها) و الكلام ده من 5/5/2011 و لحد دلوقتى مش عارف ارخصها بسبب موضوع الموتور
ده غير التعامل و المشاكل اللى حصلت معاهم بسبب الموضوع ده واللى الواحد شاف فيه الناس دول على حقيقتهم
و انا كنت ناوى اكتب الموضوع كله بالتفاصيل بس لما اكمل ترخيص ان شاء الله
بس نصيحة بلاش اى عربية يكون ليها علاقة بيهم
انا مستغرب ازاى مركز خدمة محترم ويقوم بهذة الاعمال الصغيرة التى تفقدة المصداقية
وهل التوكيل لا يقدر على محاسبتهم لانهم مهما كان محسوبيين علية؟؟؟؟؟؟
انا اشتريت منهم عربية ميجان فى 2006 وكانت موديل 2005 وكانوا منزلين العداد وعرفت بعد كده ان عندهم شركة تأجير سيارات .
اقتباس:
بلاش الميكانيكيون العرب بلااااااااااااااااااااااا ااااااااااااااااااااااااا ااااااااااااااش
انا اتصلت بشخص هناك اللى اسمة على اعلانات كونتاكت كارز
وقال لى انة غير مهتم بالناس او ارائهم عن الميكانيكيون العرب
وان افضل دليل على ان سياراتهم كويسة انها بتتباع فى اقل من يوم من الاعلان عنها!!!!!!
انا مش مقتنع بالكلام دة لانى انا بنفسى رحت مرة هناك ولاحظت ان العربية كانت 2009 ميجان لكن كانت شكلها متبهدلة جدا مش عربية عاملة 20 الف خالص زى ماتكون كانت بتتاجر اوحاجة كدة ( استعمال متعدد يعنى مش رجل واحدة)
بلااااااااااااااااااااااا ااااااااااااااااااااااااا ااااااش الميكانيكون العرب
أولا العربيات كان متأجره من شركة سيفتى و بينزلوا العداد ، أحسنلهم يسبوا العداد ويخسروا شويه، لأنى كده غبن
عامة شوف العربيات بنفسك تحس إنهم كانو مربيين فيها مواشى
ده حتى نصيحة متكشفش عندهم و لا تعمل صيانه.
أنتظر أحسن خرج بيت أو روح توكيل المقطم عند أحمد طعيمه بيبع العربيات الى أصحابها بيبدلوها بموديلات زيروا tradeIn و العربيات مبيتلعبش فيها و إكشف عنها برده
السلام عليكم ورحمة الله وبركاته
أنا إشتريت من المكانيكيون ميجان 2009 وكانت عاملة 18000 كيلو وده فى سنة 2010 وكانت حالتها زى الزيرو (ما شاء الله لا قوة إلا بالله اللهم بارك) و أخذت شهادة منهم إن كل قطع الغيار التى ركبت فيها أصلية ولم تعمل حوادث وخلصوا ورقها بسرعة و كان سعرها 91000 (كاملة بدون فتحة سقف ولا جنوط إسبور) وفيها بعض الخدوش
هم بيأجروا سيارتهم لشركات بترول لمدة سنة مثلا وبعدين بيبعوها وفى بعض العربيات جيدة جدا وأخرى متبهدلة أو عاملة حادثة وهم بيقولوا على اللى فيها بصراحة والعربية بيبان عليها وكله حسب سعرها وكانت فى الضمان وعملت صيانة ال20000 كيلو فى التوكيل بالعبور ولم يكن بها أى شىء غريب وكان فى فصال ونزلت حوالى 2000 جنيه على ما أذكر
هناك مهندس وائل فؤاد كان بيتصل بيا لما بتجيلوا سيارة ملكهم للبيع وصحيح إن العربيات الممتازة ما بتقعدش عندهم وأنا جربتهم فعلا