الموضوع: رينو النزهه (ميجان مستعمــل)

ياجماعه مافيش ولا تعليق

المشاركة الأصلية كتبت بواسطة chato_eg

رينو النزهة !!!
تقصد الميكانيكيون العرب ؟؟
بلاااااااش تشترى من عندهم عربية مستعملة..إلا إذا كنت ناوى تفحصها فى التوكيل و تفليها حتة حتة كمان و غالبا لن ترضيك النتيجة و هتبقى خسرت ال 550 جنيه ثمن الكشف أو هما مش هيوافقوا أصلا على مبدأ الكشف لإنهم مركز خدمة معتمد...

فعلا وليد جنيدى اشترى من عندهم و ليا ملاحظات على العربية و على البيعة نفسها .... أنا ما أعرفش هو اشترى بكام و لا أسعارهم إيه لكن القصة كلها مش مبلوعة بالنسبة لى

لو عايز ...ممكن تلاقى فى التوكيل نفسه عربيات مستعملة..هى مش سياسة رسمية متبعة للتوكيل ..إنما لحد كبير دى أضمن عربيات مستعملة ممكن تلاقيها...المسئول عن المبيعات أفتكر اسمه أ/ أحمد طعيمة و هتلاقيه فى فرع مصر الجديدة بجوار المحكمة إللى فى شارع الحجاز

1- فعلا أقصد الميكانيكيون العرب .
2- أ/ أحمد طعيمة فعلا سمعت عنه أنه إنسان محترم جدا .
3- بس أنا كنت أفتكر أن الفرع ده تابع لتوكيل رينو علشان كده قولت أنه مضمون .
4- ياريت توضيح أكتر بالنسبة للملاحظات اللى على العربية والبيعة نفسها .
5- لو ليك تجربة شراء ميجان مستعمل مع أ/ أحمد طعيمة ياريت تقولها .
وأخيرا شكرا على اهتمامك وردودك ومنتظر تعليقك .

ايه ياجماعه ماحدش اشترى مستعمل من هناك خالص .

المشاركة الأصلية كتبت بواسطة ahmahm1981

1- فعلا أقصد الميكانيكيون العرب .
2- أ/ أحمد طعيمة فعلا سمعت عنه أنه إنسان محترم جدا .
3- بس أنا كنت أفتكر أن الفرع ده تابع لتوكيل رينو علشان كده قولت أنه مضمون .
4- ياريت توضيح أكتر بالنسبة للملاحظات اللى على العربية والبيعة نفسها .
5- لو ليك تجربة شراء ميجان مستعمل مع أ/ أحمد طعيمة ياريت تقولها .
وأخيرا شكرا على اهتمامك وردودك ومنتظر تعليقك .

انا شاري من احمد طعيمة ... انسان محترم جدا جدا
ومكان التوكيل خلف محكمة مصر الجديدة
ت 26386395 - 26986397
الموبيل 0101675136 بس مش عارف لسه شغال ولا لا
انا اشتريت منه في شهر 8 اللي فات (من 10 شهور)
بالنسبة للفصال مش كتير حوالى 1000 ل 2000 وبالكتير 3000
انا اشتريت 2010 سيدان ب 103000 كانت عامله 9000 كيلو والحمد لله زي الفل
لو ربنا اكرمك واشتريت من عنده ممكن يبعت معاك واحد في المرور وانت بتقعد زي الباشا لغاية لما يخلصلك الرخصة ويديهالك في ايدك وبتديله 100 جم
لو في اي استفسار انا تحت امرك وتليفوني 0121699927 (سامر)
وربنا يديلك الخير كله

المشاركة الأصلية كتبت بواسطة chato_eg

الميكانيكيون العرب مجرد مركز خدمة معتمد و ليس فرع ل eim توكيل رينو فى مصر...


ما اشتريتش مستعمل خالص قبل كده و لا حضرت واحدة حتى

بالفعل فى تجربة أو 2 لشراء ميجان مستعمل من فرع مصر الجديدة من طرف الأستاذ أحمد طعيمة و الناس كانت مبسوطة....
بس أنا مش فاكر أسماء عضوية أصحاب التجارب و لا أسماء المواضيع و إلا كنت بحثت و وضعت روابط للمواضيع

بالنسبة لعربية وليد ... العربية المفروض ماشية فوق ال 40000 كيلو بحاجة بسيطة...لكن حاجة زى الللباد الفاضل بين الموتور و جسم العربية لقيته متآكل جدا...مش عارف السبب..يمكن كانوا بيغسلوا الموتور بمياه مثلا
العربية بتاعة الميكانيكيون العرب نفسهم و هما شركة واحدة مع safety plus للتأمين ...فأعتقد إن العربية كانت بتستخدم فى إنها تعطى للعميل إللى عربيته عاملة حادثة و هتقعد أكتر من 3 أيام فى التصليح لإن دى سياسة عند safety plus

المرايات الضم..زاحدة متغيرة بأخرى عادية و التانية زى ما هى بس الموتور بايظ
الأضواء الخلفية مش شغالة صح..نور الضباب يعمل بدلا من نور الفرامل...
أحد كشافات الضباب الأمامية لا تعمل..مافيش سلك واصل من الأول للتانى

و هو بيرخص كان فيه مشكلة فى رقم الموتور...غير مطابق للمثبت فى الرخصة

الحمد لله إنها كلها حاجات بسيطة و تتلم بسهولة و إن أساسيات العربية حتى الآن تبدو سليمة..و هو كمان كشف عليها بال scanner قبل ما يشترى....

لكن بشكل عام لا أنصح بتكرار التجربة من عند الميكانيكيون العرب...لإن عيب أوى تبقى عربية تابعة لمركز بحجهم و يبيعوا العربية و هى فيها النواقص دى و إيه حكاية رقم الموتور دى كمان

أنا حتى ما أفتكرش إنى قرأت مواقف عظيمة فى أعمال صيانة و كشف أعطال..كل الميزة عن التوكيل فى إن مافيش زحمة و حجز و ممكن تقف مع العربية و هما شغالين....و يمكن أسعار المصنعيات أقل شوية من التوكيل..لكن ما أفتكرش إنه فرق فلكى إطلاقا

تجربتى الوحيدة معاهم هى....أنا أعرف ناس أضافت فردة كلاكس للميجان لإنها بتيجى فردة واحدة...و ثمنها 150 جنيه...و الموضوع اتعمل فى الميكانيكزن العرب ..رحت علشان أعمل الموضوع ده و قالوا لى الفردة ب 400 جنيه !!!

المشاركة الأصلية كتبت بواسطة ysamerlabib

انا شاري من احمد طعيمة ... انسان محترم جدا جدا
ومكان التوكيل خلف محكمة مصر الجديدة
ت 26386395 - 26986397
الموبيل 0101675136 بس مش عارف لسه شغال ولا لا
انا اشتريت منه في شهر 8 اللي فات (من 10 شهور)
بالنسبة للفصال مش كتير حوالى 1000 ل 2000 وبالكتير 3000
انا اشتريت 2010 سيدان ب 103000 كانت عامله 9000 كيلو والحمد لله زي الفل
لو ربنا اكرمك واشتريت من عنده ممكن يبعت معاك واحد في المرور وانت بتقعد زي الباشا لغاية لما يخلصلك الرخصة ويديهالك في ايدك وبتديله 100 جم
لو في اي استفسار انا تحت امرك وتليفوني 0121699927 (سامر)
وربنا يديلك الخير كله

والله الروح الجميلة دى هى اللى بتخلى الواحد يسأل عن أى حاجه محتار فيها .
شكرااااااااااااا جزيلا على الاهتمام والردود .
منتدى رائع وأعضاء رائعون .