دلوقتي انا شفت فديوهات محطوطة ليسري ابو شادي بيتكلم فيها عن البرادعي والأخطاء اللي وقع فيها في برنامج محطة مصر
ايه نظام الكلام دا
الراجل نفسه قال انه حيقدم بلاغ عن الموضوع دا
هل كلامه فعلا مظبوط ولا مبالغ فيه
وهل فيه حد رد علي كلامه دا ولا لأ
عرض للطباعة
دلوقتي انا شفت فديوهات محطوطة ليسري ابو شادي بيتكلم فيها عن البرادعي والأخطاء اللي وقع فيها في برنامج محطة مصر
ايه نظام الكلام دا
الراجل نفسه قال انه حيقدم بلاغ عن الموضوع دا
هل كلامه فعلا مظبوط ولا مبالغ فيه
وهل فيه حد رد علي كلامه دا ولا لأ
مشكلة البرادعي أنه حاشر نفسه في أمور تثير الشكوك حوله
-الدستور أولا حتى بعد الأستفتاء
-مجلس رئاسي مدني حتى بعد الأستفتاء
-وأخرهم وثيقة حقوق الأنسان الفوق دستورية ألي هي متاخدة تقريبا بالحرف من الدستور القديم
!!!!!!!!!!!
أنت مرشح رئاسي يبقى تتفضل تجهز نفسك للأنتخابات وتقولنا برنامجك الأنتخابي أنما مش معقولة حاشر منخيرك بدون صفة رسمية ولا توكيل من الشعب زي تيارات كثيرة ليبرالية!!!!!!!!!!
عادي يا باشا بقاله كام شهر مصدعنا بإنه هيقدم بلاغ هيقدم بلاغ وماعملش حاجة لأنه معندوش حاجة يقدمها أصلاً!
اتفضل الرد أهو
YouTube - ‫ط§ظ„ط±ط¯ ط¹ظ„ظٹ ظٹط³ط±ظٹ ط§ط¨ظˆط´ط§ط¯ظٹ ظˆ ظ‡ط¬ظˆظ…ظ‡ ط¹ظ„ظٹ ط§ظ„ط¨ط±ط§ط¯ط¹ظٹ‬‎
ده حاقد على نجاحات البرادعي
ايه المشكلة إن يكون لحد رأي ويعلنه!!! احنا عايزين ديمقراطية مبارك ولا ايه؟؟!! الناس لازم تتكلم على مزاجنا وإلا يخرسوا خالص!! من حق كل انسان إن يعبر عن رأيه طالما رأيه لا يشمل سب او قذف في حق احد مهما كان الرأي مخالف او معارض
البرادعي سقط من نظري
بعد ما اكتشتف انه اخره يعد على تويتر و يكتب شوية تويتات و خلاص على كدا
كلامه عام و مبيدخلش في تفاصيل
شايف انه كان رمز قبل الثورة و اثنائها
لكن دا مش وقته و كفاية عليه السيط ال خده و هو قاعد على اللاب بتاعه
يا هندسة حرام عليك..بقى البرادعي عايز يلغي مجانية التعليم..الراجل طالب بزيادة ميزانية التعليم والصحة واستشهد بلبنان والجزائر..مش لازم تتابع البرادعي طالما مش هاتتنختبه..بس بالله عليك ماتقولش على حد حاجة هو ماقلهاش..اما موضوع العصايا من النص دا فدا ينطبق تماما على واحد تاني من وجهة نظري..وعلى فكرة (وانت اعلم مني بذلك) الفرق بين د.العوا ود. ابو اسماعيل الفكري ابعد من المشرق والمغرب في الفكر..اسأل نفسك ما الفرق بين رأي كل من د. العوا ود. ابو اسماعيل في الشيعة وفي الإباضية وفي تولي غير المسلم والمرأة الولاية العامة؟؟؟!! لو عايز انا ممكن ابعت مصادر لكل منهما واترك الحكم لك...
تقبل مودتي
انا باحب المهندس اوتيفا لله وفي الله..وليس بي خصاصة في إنه يكون مش عايز البرادعي ومعارض له كمان..ولعلمي أن المهندس محمد على ثقافة وخلق عظيمين (ولا نزكي على الله احدا)..ودا إللي خلاني اعلق لأن مش المهندس محمد إللي يقول على حد حاجة لم يقلها في الحقيقة...على قكرة لم يكن في مصر مواطن واحد غيور على بلده لم يكن يؤيد البرادعي قبل الثورة..لم يكن هناك خلاف على المبادئ التي طرحها البرادعي من كل التيارات السياسية وحتى المستقلين..ولكننا الأن نختلف على طريقة إدارة المرحلة القادمة وليس على احترام البرادعي او العوا او ابو الفتوح
ارجو من حضراتك تذكر لنا مين من المرشحين الاخريين اتكلم فى تفاصيل لانى انا شايف انة الوحيد الى اتكلم فى تفاصيل حين قال لابد ان نعرف ما هى استراتجة المرحلة القادمة هل سيكون النظام برلمانى ام نظام رئاسى لدرجة انى حسيت الراجل يا عينى بيدن فى مالطة فى حين باقى المرشحين يا اما عملو كام موءتمر شعبى وسكتو على كدة وعمرو موسى يروح يصلى فى عزبة الهجانة طريقة بلدى ولا الى فى انتحابات مجلس شعب
وجزء تانى او تيار تانى للاسف عمال يخون ويكفر ويطلع فتاوى واراء يعلم بيها ربنا
وكمان فى احد البرامج قال ان مشاكل مصر تتلخص فى الجهل والفقر .................. حد شايف مشاكل تاني
انا كنت من مؤيدي البرادعي بعد الثورة "رغم انه في اتصال بالجزيرة قال انا مش هترشح للرئاسة" بس عديتهاله
وبعدين فوجئت انه مبيعملش اي حاجة
يعني اقل واحد في المرشحين التانيين جهز توجهاته و عمل حركات و مؤتمرات و دا طلع يقول انه مش هيعمل برنامج لا لما انجخ اجيب خبراء يحطو برامج
وبعدين قال لا انا هجيب خبرا يحطو برنامج دلوقتي
و بدات احس ان الناس جابته من الاول كرمز مش اكتر
وهو مردش الجميل دا و معملش ال عليه لا قبل الثورة ولا بعديها
اسمه اثر في الثورة
و نزوله يوم 28 كان من اسباب النجاح بس مش عشان هو كدا عشان احنا اديناله الحجم دا و اكتشفت انه ميستحقوش
انا الحمد لله تابعت كل المرشحين و لما اختارت ما بينهم اختارت عن اقتناع
حمدين صباحي قال انه هدفه الاقتصاد اولا برنامجه انه يخلي مصر الدولة رقم 8 اقتصاديا في العالم
حلم بس حلو و عجبني و برضو كان من غير تفاصيل
انما الدكتور العوا عنده برنامج شغال فيه من زماااااااااااااان و اتكلم عليه امبارح في العاشرة مساءا و انا قريت عليه كتير
و كمان قال انه اقتصاديا هيركز بشكل اساسي على المشروعات الصغيرة
و قال انه هدفه في اقامة دولة عادلة قبل اي شيء
كمان اتكلم على مشروعه الاقتصادي مع ايران و تركيا و انه جاهز و عرضه عليهم و رحبو بيه و كانت الحكومة هنا ال رافضاه
حضرتك لما تقولي الدستور اولا او الدولة هيبقى شكلها عامل ازاي دا المفروض اصلا مرشح الرئاسة ميتكلمش فيه
مرشح الرئاسة يقول مثلا لو النظام رئاسي انا برنامجي كذا كذا كذا و ولو مش رئاسي انا مش هترشح
فين برنامج البرادعي
اهتمامته ايه ,التعليم و الفقر ؟؟
يقولنا بقى هيعمل فيهم ايه
احد مؤيديه من صحابي لما فقد الامل فيه كنب انه حاسس انه كمان 5 سنين هيقرا خبر بيقول ان الرئيس محمد البرادعي يدين عبر حسابه على تويتر الاحتلال الاسرائيلي لمصر
أسمحلى أسجل أعتراضى على أن نزول البرادعى كام دقيقه يوم جمعة الغضب يبقى من أسباب نجاح الثوره
لو بالقياس ده يبقى نزول الأخوان يوم جمعة الغضب (ولولاهم بعد الله سبحانه وتعالى يوم موقعة الجمل كانت الثوره ضاعت ) يبقى مفروض الأخوان يكونوا رئيس مدى الحياه
رأئى فى البرادعى مش بيعجب محبيه بس ده لأنه قال كلام مش عاجبنى
قال أنه مش هيترشح ولازم الشباب ياخد فرصة الترشيح وبعد كده رشح نفسه
قال أنه بيطالب بالديمقراطيه ودلوقت عايز الدستور قبل البرلمان , طب رأى الأغلبيه راح فين
كان عارف زى كل الناس أن فيه مظاهرات يوم 25 يناير بتنادى بالأصلاح والعداله والحريه ( اللى هو بينادى بيها ) ومع ذلك سافر قبلها بيومين ومحضرش وقال محبتش أسرق الأضواء من الشباب ,
على عكس واحد تانى زى ممدوح حمزه من أكبر أستشاريين العالم فضل فى الميدان لغاية التنحى وكان شغال خدام عند الشباب وبيجيبلهم البطاطين والأعاشه وقال ( ولغاية دلوقت ) مش هسرق ثورة الشباب
طبعا فيه ناس كتير بتقول أخطاء كتير للبرادعى لكن أنا بتكلم عن 3 نقط أللى عارفهم بس مش كل الكلام التانى أللى بأسمعه
بالمناسبه , أعتقد أنك كنت حاطط توقيعك أنك بتؤيد حمدين صباحى ودلوقت بتؤيد سليم العوا
فى ناس هتقول أنت بتغير رأيك كل شويه
أنا بقولك تقبل تحياتى لأنك بتدور على اللى برنامجه أصلح مش بتختار بالعاطفه
انا مقولتش انه هو سبب الثورة في شخصه
انا قولت اسمه
هو كل ال عمله انه مرضخش للنظام
بس كدا و ال حواليه ال بيعملو كل حاجة
سواء 6 ابريل او الجمعية الوطنية للتغيير
بالنسبة للتغير ف كل ما مرشح جديد له وزنه و محترم بيعلن ترشحه بشوف كلامه و برامجه و عمل ايه قبل كدا و افاضل بينه و بين ال انا مختاره
ولما فاضلت بين حمدين و الدكتور العوا لقيت ان العوا افضل
وانا من فترة متابعه عشان سمعته كذا مرة و قريتله و حسيت انه معتدل و ذهنه حاضر دايما و لسانه طليق
اسمحلي انقل تحليل لجزء من وثيقه البردعي عن التعليم المجاني
معلش اتقمس انا بقي دور الباشمهندس محمد (اخي الكريم)
نأتي إلى المادة الكارثية التي تتعلق بالتعليم، فبغض النظر عن الغموض المتعمد في صياغة المادة 8 إلا إنها تعني بوضوح إلغاء مجانية التعليم. سيقال إن الوثيقة نصت على “وتلتزم الدولة أن يكون التعليم في مؤسساتها التعليمية في مراحله الأولى والأساسية على الأقل بالمجان. ، وأن يكون التعليم الأولي إلزامياً”
هنا البرادعي يرجع للوراء 90 سنة لم يقدم جديد على نص المادة 19 من دستور 1923 الذي يقول: التعليم الأولى إلزامي للمصريين من بنين وبنات. وهو مجاني في المكاتب العامة…
نص المادة في الوثيقة عبارة عن ردة للوراء عن نص المادة مادة 20 من دستور 71 التي قالت بوضوح أن: التعليم في مؤسسات الدولة التعليمية مجاني في مراحله المختلفة. بمعني آخر البرادعي خفض من نطاق مجانية التعليم (يعني إلغاء المبدأ). الفقرة التالية في المادة 8 من وثيقة البرادعي تنص على: وأن يكون القبول للتعليم العالي على قدم المساواة التامة للجميع وعلى أساس الكفاءة وبصرف النظر عن القدرة المالية… لكن الواقع يقول إن التعليم الجامعي في مصر قائم على أساس الكفاءة يعني مكتب التنسيق. حتى لو اختقفنا مع مكتب التنسيق فهو في النهاية يعطى مؤشر (طال جاب 60% موش هيدخل طب القصر العيني أو سياسة واقتصاد جامعة القاهرة). الصيغة بهذه الطريقة تعني فرض رسوم على التعليم الجامعي يستثني منها فئة ما يسمي “بالمتفوقين ممن لا يتمتعون بالقدرة المالية”
سيقول البعض أن المادة في روحها مستعارة من المادة 26 من الإعلان العالمي لحقوق الإنسان التي تنص على:
لكل شخص الحق في التعلم، ويجب أن يكون التعليم في مراحله الأولى والأساسية على الأقل بالمجان، وأن يكون التعليم الأولي إلزامياً وينبغي أن يعمم التعليم الفني والمهني، وأن ييسر القبول للتعليم العالي على قدم المساواة التامة للجميع وعلى أساس الكفاءة.
لكن الطريقة التي صيغت بها هذه المادة جاءت كحل وسط لترضية جميع الأطراف المشاركة في صياغة الإعلان العالمي لحقوق الإنسان (دول رأسمالية دول اشتراكية). لكن في حالة البرادعي هذه الصياغة تعني الردة عن حق “مجانية التعليم الجامعي” وإلا لماذا لم يقلها صريحة؟
تدغدغ صيغة المادة كما وردت في وثيقة البرادعي الانطباعات التاقهه لأفراد الطبقة الوسطى المصرية من حيث الفشل المدوي لنظام التعليم المصري. وهذه الانطباعات تتجاهل أن السياسات التعليمية حتى في دول العالم الأول تواجه أزمة فعلية. مثال على ذلك الانتخابات البرلمانية البريطانية والتي وجه حزب المحافظين فيها اتهامات قاسية لحزب العمال مضمونها مسئولية الأخير عن تردي النظام التعليمي في البلاد.
كما تتجاهل هذه الانطباعات حقيقة أن التعليم العالي المجاني هو تقليد لم ينكص عنه أحد في دول عدة مثل الأرجنتين، البرازيل، الصين، الدانمرك، فنلندا، اليونان، سكوتلندا.
كما أنها تتعسف في ربط تدهور التعليم الجامعي بالمجانية، على الرغم من وجود أمثلة تثبت عكس ذلك بكثير.
اسمحلي انقل تحليل لجزء من وثيقه البردعي عن التعليم المجاني
معلش اتقمس انا بقي دور الباشمهندس محمد (اخي الكريم)
--------
حبيبي ياهندسة 100%
وكان فيه فيديو البرادعي قال أنه عايز يلغي مجانية التعليم بس مكسل أدور عليه بس أنا شايفه بنفسي
بس مهما جبت وقولت غالبية مؤيديه هايبررو أي موقف ليه ويختلقو ليه الأعذار
ده مش ذم ولكنها الحقيقة ألي ملاحظها من أول الثورة........كأنه ساحرلهم !
وعموما كل واحد ينام على الجنب ألي يريحو
والله بجد خسارة اللى الراجل دة دعى لية من سنتين وخلى اللى مكنش بعرف يفتح بقة بكلمة بقى يترشح ... دة كفاية فضلة عليهم ان خلى ليهم حس !
والله ممكن ترد على النقاط المطروحة ومتاخده ضده في المشاركات
ومش معنى حتى أن البرادعي أنه زعيم الثورة والقائد الأوحد للثورة ودي فرضية بعيدة جدا عن الواقع .......أنه يبقى رئيس جمهورية مصر العربية
ألا بكلمة صناديق الأنتخابات وأحترامه لرغبات الشعب مش كل شوية طالعلنا بقصة جديدة مرة مجلس رئاسي والتانية الدستور أولا والثالثة وثيقة حقوق الأنسان
وبعدين موضوع مش طايقه لي أسباب وجيهة من وجهة نظري ونظر كثيرين وأتناقشنا فيها وبنتناقش.........فمشاعري مبنية على دلائل وبتزيد كل فترة مهما حاولت أناقض نفسي وأديله فرصة النتيجة ضده
لو عايزين تعملو موضوع لمحبي البرادعي أعملو وأكتبو يرجى عدم مشاركة معارضيه ألي ناوي يمدح فيه يتفضل يشارك:grin54:
الكلام ده بيفكرنى بالنظريه الخامسه لنيوتن
مشاركة حضرتك أعتبرتها هزار تقيل وعديتها رغم فارق السن مابيننا ومش دي النقطة الجوهرية كمان
ده غير أني مابحبش الهزار التقيل من النوعية ألي تتاخد على كذا محمل
ورديت عليك بنفس أسلوبك علشان أنبهك وأشوف قصدك من هزارك
وطلع ظني في محله وأن كان عندي حق أن الهزار التقيل ممكن يفهم غلط زي ما أنت فهمته
يبقى نريح نفسنا ونتجنب الأسلوب ده من أساسه
بس انا فاكر انه مكنش القفا كان حاجة تانية
مش البرادعي
البرادعي كان بيخيب الامل المحطوط فيه من اول ما الجمعية اتاسست
الاول قعد اكتر من سنة الناس عمالة تقولو تعالى و هو "تقلان"
و بعد كدا كل شوية برة مصر والناس مستنياه متفهمش بقى كان خايف ولا فيه ايه
بعد الثورة كل مظاهرة او مليونية يكتبلهم على تويتر شاطرين و كل الناس وافقة في التحرير
انا مبهاجموش انا بقول ان ال هو فيه دا من صنع الناس ال حواليه سواء 6 ابريل او الجمعية الوطنية للتغير مش شطارة منه
يا راجل بلاش أفترى , بقى البرادعى ما نزلش ولا مظاهره
طب أيه رأيك أنه نزل عشر دقايق فى جمعة الغضب
أزاى بتقول عليه ما نزلش
ولا أنت عايز واحد معاه نوبل وقلادة النيل وفكر متحضر وديمقراطيه ...الخ و وينزل يقف فى الزحمه
طبعا يقعد على تويتر طالما فى التكييف وبعيد عن الزحمه .. دا معاه نوووووووووبل
السيد اوتيفا هو قالك قوم قوم ودى كلمة عادية بيقولها الناس عادى من باب المودة
لكن ردك للاسف غير لائق وسيادتك تدين لة بالاعتذار على الملا:crying2:
انا شوفت من كام يوم موضوع مشارك فية السيد اوتيفا اتوقف فى نفس الموضوع 2 او 3 اعضاء قالوا عليك شتام حصل ؟ فبلاش اسلوبك دة علشان انت كدة هتوقف المنتدى كلة ... الغريبة انى مش شايف اى رد فعل من المشرفين هنا لاسلوبك ( اعتقد وبعض الظن اثم انك واحد منهم بالاكونت دة )
بص لو معاك حاجه تقدر تثبتها عليه...باب النائب العام مفتوح علطول
الراجل بيتكلم عموما بالمنطق..والصراحة أي هجوم عليه هيبقى عجز عن الرد
وبعدين هو ما شاء الله يعتبر أكثر الأعضاء وجودا مشاركة في الاجتماعي..هيجيب وقت منين عشان الاشراف
نهدى كده و نرتب أفكارنا أحسن
انا مش مرتاح للبراداعي خالص مش عارف لية