يا جماعه انا اشتريت عربيه فولكس بولو عايز اعلى العربيه شويه

**pierre** · 22-06-2011 01:16 PM

المشاركة الأصلية كتبت بواسطة ashoub

والله يباشا مش كلهم بيعملوا كده يعنى رضا اكتر ميزه فيه انه بيخاف على فلوسك ولو انتا جايب قطعه غيار غاليه بيخليك ترجعها وتجيب الارخص وبرده بيبص على الحاجه قبل متركب ولو حاجه عاوزه تتصلح بيقولك تصلحها فين ده غير انه شاطر جدا وفاهم مش قصه شيل وركب انا جربته اكتر من مره بصراحه ممتاز

باشا انا عايز اسالك على حاجه هى المساعدين بتتغير بكام اصل 200 ده رقم كبير

انا زمايلى بيقولولى 80 او 100 بالكتير وعايز اعرف رايك فى سيد ابيزا اللى فى جسر السويس و لو تعرف المساعدين الالمانى اسمهم ايه ؟

**ashoub** · 22-06-2011 02:13 PM

تقريبا فعلا 100 جنيه والاصلى مش فاكر والله اسمهم ايه بس هما صناعه اسبانى وبالنسبه لمكانيكى انا بصراحه ارتحت فى التعامل مع رضا وخليك مع رضا احسن وبرده هى وجهات نظر بس انا عمرى مشفت حد اشتكه منه وبتستلم شغل نضيف

**mgo13** · 22-06-2011 02:53 PM

المشاركة الأصلية كتبت بواسطة mohd7380

ياجماعة عايزين نتفق على حاجة الاول معظم مشاهير الفولكس من الميكانيكيين فى القاهرة بيعتمدوا على حاجة اساسية و هي تغيير اي حاجة بايظة ماحدش يحاول يصلح اي حاجة عالطول شيل ارمي القديم و غير رغم انها ممكن تتصلح و تعيش ضعف الوقت العاشته بس محدش بيعمل كدة منهم علشان كدة هما ادونا احساس ان هما ممتازين و العربية تتطلع من عندهم زيرو قال يعني هما اخترعوا الذرة على كل حال هاني ممكن ياخد على تغيير المساعدين مصنعيات 200 او 250 جنيه دة لو مفتحش فى اي حاجة تانية فى العربية و دي بقى ميزة هاني ممكن يكشفلك على العربية كلها و يقولك محتاجة اية و انت حر تعمل التعمله و غالبا كلامه صح بنسبة 90 %

موافقك 100% وبرضه م هاني اسعاره ناررررررررر بدون داعي

**mgo13** · 22-06-2011 02:55 PM

والله اخرها 50 جنية

**mesho_kimi** · 22-06-2011 04:16 PM

فعلاص أنتم بتتكلموه في اسعار نار ده تغيير مساعدين يعني ممكن تغيرهم لوحدك كبيرها أوي أمامي وخلفي 60 - 90 جنيه

**ashoub** · 22-06-2011 10:26 PM

هى علشان الدنيا مريحه فكل الصنايعيه بيزودو فى الاسعار بمعنى مفيش شغل كتير وخصوصا ايام الثوره فالكل بيحاول يعوض الخساره الى خسرها وطبعا ده كله على حسابنا احنا على اساس الى راكب عربيه ده بياخد 10الاف كل شهر فمش هتفرق معاه 100 جنيه من 10 جنيه ربنا يسطر علينا الايام الجايه