-
السلام عليكم
أولا الاستخارة و ثانيا لازم حضرتك تعرف تفاصيل العرض المقدم اليك عشان تقدر تحدد هل هو كويس ؟ عشان تقدر تقارن بين مرتبك هناك و مرتبك فى مصر و كمان لازم تستوضح من موضوع السكن و الانتقالات داخل الامارات و بعدها تقدر تقرر صح ان شاء الله .
ربنا يكرمك بالاختيار الصحيح و بما فيه الخير .
-
لازم حضرتك توضح ظروفك دلوقتي بالظبط اجتماعيه و مهنيه و ماديه ثانيا توضح او تعرف العرض المقدم ليك ماديا و من ناحيه المزايا التانيه زي السكن و الاجازات و مكان و طبيع العمل و خلافه
بناء علي كده ممكن الناس تساعدك اكتر
-
لازم تبقي عارف التفاصيل و المرتب كام و السكن عشان تحسبها كويس....و كمان بتختلف من امارة للتانية...لو هاتشتغل في دبي يبقي هاتعيش عيشة نضيفة جدا بس مش هاتحوش حاجة...لو امارة تانية يبقي ممكن تحوش فلوس كويسة بس برده احسب المرتب و احسب مصاريفك
نصيحة مني ما تضيعش فرصة السفر لانها ممكن ما تجيش تاني خصوصا ان العيشة في الامارات احسن من السعودية و الكويت
البلد هنا مش هاتقوم تاني قبل كذا سنة....ده لو قامت اصلا
و علي فكرة وجودك في الخارج مش معناه انك تخليت عن مصر...جزأ كبير من اقتصادنا بيعتمد علي تحويلات المصريين العاملين بالخارج
و كمان انت هاتسيب مكانك هنا لواحد تاني يعني فرصة عمل هاتزيد و الدنيا تمشي
-
ملحوظة مناديب بيع الاجهزة والمستلزمات الطبية اولا شركات المستلزمات والاجهزة الطبية دى كلها شركات عالمية ومركزها فى الامارات يعتبر مركز اقليمى لمنطقة الشرق الاوسط وشمال افريقيا الشركات العالمية بتهتم بموظفينها جدا اسال عن التفاصيل وان شاء الله هتلاقى سكن محترم وطبعا عربية محترمة لانها من مستلزمات عملك واكيد الراتب هيعتمد بجزء كبير على النسبة فى المبيعات اللى هتعملها توكل على الله
-
ربنا يوفقنا يوفقك للخير ان شاء الله
-
اهرب اهرب اهرب
روح جرب اهرب اجري اجري يمكن يكون فيها الخير
-
مفيش visa للمصريين حاليا
ثانيا العمالة الاسيوية ضربت الاسعار
اقل من 8000 درهم متطلعش وعلى فكرة دة بقى مرتب فلكي هناك حاليا
-
أنا هناك.........لازم تعرف تفاصيل المرتب و خلافه قبل ما تقرر أى حاجة.......و الشغل فى أى إمارة......لأنها تفرق فى سعر السكن لو الشغل مش هيوفره.
و هل هيوفرولك سيارة بالبنزين و لا لأ.......لأن هنا البنزين غالي.....أغلى من مصر مرة و نص تقريباً.
-
ساااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااافر
-
انا متشكر جدا يا جماعه على كل ردودكم واتهمامكم بالموضوع
انا ان شاء الله هاعرف تفاصيل العرض بالضبط زى المرتب والاماره اللى هشتغل فيها والسكن والكلام ده كله
وهأصلى صلاة استخاره تانى وأقرر بعدها ان شاء الله
Content Relevant URLs by
vBSEO 3.6.0 PL2