أحسبها تكسبها
عرض للطباعة
أخى العزيز
أقل من 18 الف درهم مرتب ، لا تقبل..... لو هتاخد معاك عيلتك
الاختلاف الرئيسي بين كل امارة والتانية هو ايجار السكن ، انما باقى المصاريف واحدة او قريبة من بعض زى الأكل والشرب والمدارس ....الخ
انا هتكلم عن نموذج أبوظبي اللى تعتبر اغلى معيشة على مستوى الخليج والشرق الاوسط
تكلفة السكن لشقة غرفتين ومجلس (صالة كبيرة مقفولة) وده تسع لاسرة من 4 -5 أفراد طبعا تكييف مركزى
ايجاره فى ضواحى ابوظبي ( 30 -40 دقيقة بالسيارة ) حوال 60 -65 الف درهم سنوى يعنى 5 الاف شهرى
لو شقة داخل جزيرة أبوظبي
غرفتين وصالة (90 -100 الف) سنوي
غرفة وصالة (70 -80 الف ) سنوى
التأمين الصحى إجبارى فى أبوظبي يعنى مش هتدفع حق علاج بس تأكد ان الشركة هتديلك تامين صحى يشمل عائلتك (الزوجة والاولاد ) لو انت واخدهم معاك لان ده هيفرق جامد
الأكل والشرب لعائلة مكونة من 4 اقراد حيبقى فى حدود من 3 -5 الاف درهم وده يعتمد على الاسرة نفسها
المواصلات والسيارة : ممكن تجيب سيارة قسط تدفع من 1000 -1500 درهم شهرى حسب تمن السيارة وعدد سنين القسط
نعيد الحسبة
5000 سكن + 3000 ل 5000 مصاريف شامل الفسح + 1500 قسط السيارة + 1000متفرقات (ملابس ....)
يبقى هتصرف من 10500 ل 12500 درهم شهرى
طبعا احنا كل ده محسبتش المدارس
لو الشغل هيتكفل بمصاريف المدارس يبقى خير وبركه
لو المدارس عليك فتكلفة المدرسة للطفل بتختلف من مدرسة للتانية ولكن المتوسط حوالى 25 الف درهم فى السنة لان المدارس بتبدا من 10 ل 50 الف درهم فى السنة
لو عندك طفلين فى المدارس يبقى نضيف كمان 4 الاف درهم للمصروف الشهرى
يبقى وصلنا ل 14500 ل 16500 درهم فى الشهر
تعال بقا نحسب الحسبة لو انت لوحدك (عازب)
سكن استديو مع واحد (1500 درهم ) + 2000 درهم مصاريف شخصية + 1500 درهم قسط السيارة+ 500 متفرقات
يعنى هتصرف فى الشهر من 5 - 6 فى الشهر وده طبعا مش هتحرم نفسك من اى حاجة
اهم حاجة تسال عليها
المرتب كام فى الشهر ؟؟
هل التأمين الصحى شامل اسرتك فى حالة لو انت هتاخد معاك الاسرة؟؟
الاجازة السنوية كام يوم ؟؟
هل فيه تذاكر طيران سنوية ولا المرتب هيبقى شامل تذاكر الطيران؟؟
لو عندك اولاد هل الشركة هتساهم فى مصاريف الدراسة ولا لا ؟؟
مواعيد العمل والاجازة الاسبوعية؟؟
هل لو اشتغلت اوفر تايم هيتحسب لان فيه شركات مش بتحسب الاوفر تايم؟؟
هل فيه عمولة لو شغلك بيعتمد على المبيعات والعمولات؟؟
هل الشغل بيوفرلك سيارة ومخصص شهرى للبنزين ولا لا؟؟
لو فيه اى استفسار تانى انا تحت امرك
المهندس محمد جابلك من الأخر
و كمثال على الفرق الشاسع فى الإيجارات
بيت عربي ( فيلا قديمة شوية ) مكون من 3 غرف و صالة و 3 حمامات و جنينة فى إمارة رأس الخيمة بيعمله إيجار من 40 إلى 45 الف فى السنة يعنى تقريباًُ 3540 فى الشهر.
و بيت عربى تانى غرفتين و صالة و حمامين فى نفس الإمارة يعمله من 20 إلى 24 ألف فى السنة يعنى أقل من 2000 درهم فى الشهر.
بينما الشارقة متوسطها ل 3 غرف و صالة ( شقة ) فى حدود من 50 إلى 60 فى السنة......و الغرفتين و صالة من 35 إلى 45 فى السنة......بتفرق حسب المساحة و الموقع و الفيو ( شايفة البحر ولا لأ )
انا كنت هناك مدة 4 سنين
عازب ومتزوج
حسب برضه انت هتعمل ايه وشغلك فين وناوي تجيب اهلك ولا تعيش عازب
لو شغلك في دبي : عازب تقعد شيرنج سرير بحوالي 1000 د في دبي او تاخد استوديو ب في 1000 الشارقة او عجمان
لو معاك عائلتك وشغلك في دبي : تاخد شقة غرفة وصالة في الشارقة او عجمان ب 1500 - 2000 شهري
نصيحة استخير وسافر انا كنت هناك وجيت مصر من 7 شهور بمزاجي وارادتي قال علشان بحب مصر والكلام ده
وبصراحة ندمان جدا اني جيت مصر وعايز اخلع منها
بس المهم يكون مرتب كويس يستاهل
افادكم الله
و الايجار اخباره ايه هل هيساوى نفس التكلفة و لا اقل و لا اكتر
و هل القديم بيتقسط و لا القسط للجديد فقط و هيحتاج مقدم و لا لا
و شكرا للافادة و التحليل الجيد
طاب ما البعد بين الشارقة و عجمان و بين دبى هيدفعوا فرق بنزين و الاخوة الافاضل بيقولوا البنزين غالى
الايجار بيختلف زى مصر كدهاقتباس:
و الايجار اخباره ايه هل هيساوى نفس التكلفة و لا اقل و لا اكتر
و هل القديم بيتقسط و لا القسط للجديد فقط و هيحتاج مقدم و لا لا
و شكرا للافادة و التحليل الجيد
فيه شركات كبيرة وفيه مكاتب تاجير عادية
تقدر تقول اقل ايجار لعربيه هوا 1800 درهم وده ممكن تبقى ياريس هاتش باك
فى الامارات مرابحة السيارات لو بنك اسلامى او الفوائد لو بنك غيراسلامى بتتراوح من 3.5% ل 4.5 %
وبتدفع مقدم 10 ل 20 %
لو السيارة مستعملة الفائدة بتزيد 1% شرط ان يكون موديلها معداش عليه 5 سنين
ممكن تشترى مثلا متسوبيشى لانسر بومة اتوماتيك او كيا سيراتو اتوماتيك ب 48 الف درهم
تاخدها على4 سنين هتلاقى القسط فى حدود 1000 درهم
وبالتالى تشترى عربيه افضل ما تاجر
الدنيا اتغيرت خلال ال 3 سنين اللى فاتوااقتباس:
طاب ما البعد بين الشارقة و عجمان و بين دبى هيدفعوا فرق بنزين و الاخوة الافاضل بيقولوا البنزين غالى
كانت دبي و أبوظبي غاليه جدا جدا جدا من ناحية السكن فكانت الناس بتروح تسكن فى الشارقه وعجمان لرخص السكن
فكانوا يدفعوا 1000 درهم بنزين فى الشهر اى ما يعادل 12 الف درهم مقابل انه يوفرحوالى 50 ل 60 الف فى الايجار
لكن الوضع حاليا ان الايجارات فى دبي انخفضت بعد الازمة الاقتصادية لكن مازالت الايجارات فى الشارقه وعجمان ارخص
لكن الايجارات فى دبي اصبحت فى المتناول عن الاول وده شجع ناس كتير انها تسكن فى دبي
دلوقتى الناس اللى شغالة فى أبوظبي بتسكن فى دبي قرب منطقة جبل على لقربها من أبوظبي حوالى ساعة بالعربيه 120 كليو
الامارات كل خمس دقايق بحال والتغيرات بتحدث بسرعه كبيره
و المسافة أصلاً بين حدود عجمان و دبى حوالى 15 أو 20 كيلو بالكتير
و الشارقة و دبى عاملين زى مدينة نصر و مصر الجديدة كده.....تعدى من كوبرى فى الشارقة تنزل فى دبى .
القصة كلها فى ساعات الذروة......لو بعدت عنها هتاخد المسافة من عجمان لدبى فى حوالى 20 دقيقة أو نص ساعه بالكتير لو الزحمة لسه فى أولها.
نصيحة من مجرب
البلد دي أحجسن من غيرها
مش هتعرف تعيش هناك من انت واسرتك
حلوة لو هتعيش عازب ( ولكن من وجهة نظري الفرق المادي مش مجزي نهائي مقابل التعب النفسي ليك ولعائلتك