الموضوع: وحشتووووووووووني

حمد لله علي السلامه يا اسلام
انا عارف انك حتتاقلم هناك و حتثبت نفسك
ان شاء الله ربنا يجبر بخاطرك و يسدد خطاك و علي راي جدتي يخبزلك لقمه عيش
لو فيه امكانيه تبعت لنا تليفونك و عنوانك يكون خير قوي

و ما تنساش تدعي ربنا كتير و هوه حيسهل عليك الصعب كله
و علي فكره لو حسيت ان الغربه مره ولا يهمك مسيرها تروق و تحلي و كل ده حيتحول لزكريات جميله تفتكرها و تضحك و ان شاء الله نعمل مقابله للمنتدي رمضان الجي في الحرم و تكون معانا يا كبير

المشاركة الأصلية كتبت بواسطة إسلام شاهين

إزيكم جميعا وعاملين إيه يا شعب نايل موتورز الكريم ؟ إنتوا وحشتوني جدا جدا جدا فوق ما تتخيلوا ده ثاني يوم ليه في الشغل والحمد لله الأمور متيسره والدنيا هنا حلوه وناس كويسين بس الغريب إنك تلاقي هنا جميع جنسيات العالم بلا استثناء ، بسرعه كده أوجه شكري لهيثم حجازي وده يا جماعه أخونا هنا في قطر وبيشارك معانا في نايل موتورز بس بيقلل الراجل ده عمل معايا الواجب وزياده يعني جالي امبارح وفرجني على الدوحه كلها وكان مثال للأدب والأخلاق ، ربنا يجزاه خير.

معلش مش هعرف أطول عليكم لسه الكمبيوتر اللي هشتغل عليه ما جاش أنا بكالم من جهاز ثاني ، وأدعولي بالتوفيق .

أشوفكم على خير

ياريت يا اخ اسلام نتقابل في اقرب فرصة اانا وانت والاخ هيثم في قهوة الصيادين علي الكورنيش ولا قهوة عشيرج التراثية ونقوم معاك بالواجب ولا تحضر حفلة لايف لمحمد عبدة.....

المشاركة الأصلية كتبت بواسطة hazem_khidr

يا هاني اسلام في قطر مش السعوديه :)

ما انا عارف يا اخي :D
انا قلت السعوديه قريب منه و العمره حاجه جميله تجمعنا
واد يا حازم نفسي اشوفك مجوز يا واد و افرح فيك :D:D