الموضوع: أقتراح لحل مشكلة زيت الفتيس فى رينو

انا الحمد لله لم اواجه هذه المشكلة حتى الان بس ان شاء الله لو فيه حاجه نقدر نقوم بيها يبقى خير و بركه
بس هل انتو متاكدين ان زيت الفتيس ده مش موجود في التوكيل?اصل ممكن مراكز الخدمة تستسهل و تحط اي زيت و خلاص و يقولك هو ده و هايمشي و كده..بس في التوكيل (eim) استبعد ان مايبقاش عندهم نوع الزيت ده

اقتراح محترم يا احمد باشا وانا معاكم ان شاء الله مع اني عربيتي مانيوال ومقدرش احكم على المشكله دي لكن اكيد حضراتكم اكتر حكم مني لئن عربياتكم اوتوماتيك استيبترونك بس انا ليا مداخله وياريت تقبلوها مني .............

آخر مره زرت فيها التوكيل فرع العبور اتكلمت مع المهندس في جزئيه وهي الزيوت اللي بتتعاملوا بيها ومثلا نوع فريون التكيف والكلام ده انتوا متأيديين بحاجه معينه يعني نوع الزيوت ورقمها قاللي طبعاً انا باعمل اللي رينو بتقول انه مناسب لعربيتها لئن في الأول والآخر رينو اللي مصنعه وانا حدودي لغاية الصيانه لكن في بعض الاحيان ممكن بتنسيق مع رينو الأم استبدل درجة زيت معينه او شيء اتقل او اكتر تحمل لحراره بحكم اختلاف درجات الحراره بين مصر ودول تانيه لكن برضه في حدود ضيقه جدا وبإذن من المصنع لئني في الآخر انا باحمل اسمه .........ومع ذلك الراجل قاللي احنا بنحط زيوت الفتيس والكلام ده الرقم اللي مكتوب في الكتالوج وانا مش مستورد زيوت عشان يواجهني مشكله ندره او حاجه انا باطلب من توتال وهي عليها توفير اللي انا عاوزه فا مافيش داعي ابداً اني اغير درجة او نوع زيت الكتالوج بيقول عليه طالما متوفر عندي وباجيبه بالأمر يعني انا كا وكيل مش خسران حاجه ........

يبقى سؤال آخر طيب الميكانيكيون العرب وفرنش موتورز والمراكز دي ممكن تغير في الحاجات دي ؟ قاللي ايوه ممكن لئن كل دي مراكز خدمه مش وكيل الوكيل هو احنا يا مقطم يا عبور غير كده مراكز خدمه مش اكتر وصحيح مصرح ليها تعمل صيانه لعربياتنا وواخده اذن من رينو الأم برضه لكن مش وكيل.

اللي عاوز اقوله يا جماعه احنا نعرف منين زيت الفتيس اللي بيتحط جوه الوكيل مش بالدرجه المطلوبه او المناسبه للأسف انا مش ماهر في الفنيات دي عشان كده كمان مش عارف موضوع انهم يحطوا زيت بدرجه اتقل من الازم زي ما حصل ما اخونا هنا وعشان يخففوا كثافته يزودوا شوية زيت موتور ...مش عارف اذا ده مسموح بيه عند ناس بتفهم في العربيات ولا لأ بس انا بصراحه حاسه عك ومش مفروض يتعمل ابداً مع العلم ان الموقف ده حصل في الميكانيكيون العرب حسب رواية اخونا الفاضل عمرو اللي حصل معاه المشكله دي واضطر يغير بنفسه الزيت في بورسعيد .

كمان مش عاوز تكون ثقتي في التوكيل زياده عن اللزوم واقول يمكن هو قاصد يحط الدرجه الأعلى على طول لاختلاف درجات الحراره السنوات الأخيره عندنا هنا في مصر وبرضه هاقتبس من عمرو كلامه لئنه بحث في الموضوع ده بالتفصيل جزاه الله خير وقال ان اطمن لما جمع المعلومات دي عن الزيت اللي هو 80w90 بدل من 75w80 انه مش خطر على اجزاء الفتيس لكن مشكلته الوحيده صعوبة النقل في الصباح الباكر لما راجعت الكلام ده فهمت ان لما تكون درجة حرارة الجو الخارجيه مش درجة حرارة الفتيس الحراره بتاعت الجو عندنا ان شاء الله الصيف هانشوف هتوصل لي 50 وتعدي وده ماكانش موجود زمان عندنا في مصر من عشر سنين بس كان متهيألي اقصى حراره وصلت عندنا 40 واقل شويه يبقى ايه المشكله يا جماعه في زيت يتحمل درجة الغليان اللي هانكون فيها ويمكن المشكله اللي حصلة مع احمد عبد المقصود ماتتكررش تاني ان شاء الله لو الزيت مظبوط انا قصدي آخر مغامره بتاعت Gear Box OverHeating ربنا يكتر مغامرتنا واكتشافتنا يا رب :)

ملخص الكلام الكتير اللي كاتبته ده ان درجة الزيت الأعلى اللي هي 80w90 ممكن تكون في الصالح بالذات للاوتوماتيك لئن المشكله الوحيد صعوبة النقل والزيت بارد واعتقد مش هايحس بيها غير المانيوال اللي هو انا لما اصلح الفتيس عندي واجرب واقولكم ان شاء الله :p وربنا يستر وماعملش موضوع منافس لأحمد هنا واقول الحقوني عاوز زيت 75w80 انا بهزر معاك يا احمد باشا وربنا يديم المعروف......

على فكره انا باقول وجهة نظري مش اكتر لكن موضوع نبعت لرينو فرنسا انا معاكم معاكم انا حاسس اساساً ان بقى ليا اسم هناك عندهم وعلامه سوده في رينو فرنسا واي شكوه مني ولا حاجه تاني ممكن يسحبوا مني العربيه ولا حاجه :D

انا غيرت السوفت وير مرة واحدة في صيف 2006 مع ان ماكنتش بشتكي من اي مشاكل فيه..كنت عملت حادثة و العربية قعدت عندهم اسبوع وانا بستلمها مهندس حسام قالي احنا غيرنا السوفت وير بتاع الفتيس..الحقيقة معرفش اذا كانو غيروه تاني ولا لآ

والفرق في الاداء لا يذكر الا بس العربية استجابتها للكيك داون بقت اعلى حاجة بسيطة