الموضوع: استفسار من استاذ محمد ممدوح

عندنا فى مصر بيلعبو فى كل حاجة وانتظر رد ا/ محمد ممدوح

انا عندى ECU زي عندك بالظبط كده بس انا عندى 2 من دول راكبين فوق بعض وانا بقول احتمال تكون التانيه ديه الكارته بتاعت الفتيس الأوتوماتيك بس على العموم كده تمام إنا ان شاء الله هروح لمحمد السيد طالما عنده Wiring Diagram
هو ان بس كل مشكلتى انى مش عاوز اروح لحد يكون بيشتغل عمياني

والله يا جماعه..
دي اجمد حاجة ف الدنيا..
المفروض كل الصنايعينه في اي حتة و مراكز الصيانة تشتغل بالطريقة دي..
مانيوالز و مراجع من المصنع..
يا ريت كل الناس ماشية بنفس الاسلوب..

السلام عليكم
اولا احب اشكرك كتير اوي يا استاذ ممدوح
انا رحت لمحمد السيد زي ما قلتلك وقلتله ان محمد ممدوح هو الى باعتني ليك والصراحة الراجل عمل الواجب وزياده 5 شويات المهم قلتله ان العربية كانت اوتوماتيك واتقلبت مانول دخل في العربية وقعد يدور ويبطل وقالى كل حاجه مظبوطه المهم دخل بالأسكانر ملقاش فيه اى مشكله قلتله ازاى انا دخلت عليها بالأسكانر قبل كده عند خالد قنيل بتاع صقر قريش وكانت قرية Vichel Speed Sencor ازاى دلوقتي مش قارية حاجه خالص قالى يمكن هوه مسحه قلتله كان بيمسحه وكان بيرجع تاني المهم قالى ان العربية مظبوطه والكنترول مظبوط ومفيش فرق بينه وبين الأوتوماتيك بس قالى روح لمحمد عبده هوه الى يكشف على الموتور نفسه عشان ديه مشكله موتور ولو محمد عبده قال في حاجه في الكهرباء ابقى تعالى نشوفها تاني
ومكدبتش خبر قمت طالع على محمد عبده ولاقيت صورتك يا استاذ ممدوح منوره الورشه بتاعته مع العربيه النوبيرا ام موتور 2000 وبرضه عمل الواجب زي محمد السيد (بصراحه ناس مترمين جداً) وبالذات محمد السيد المهم محمد عبده بداء يشتغل وقالى برضه ان مفيش فرق في الكنترول وبداء يراجع على الكاتينة ولائه الطمبوره بتاعتالكاتينة الى تحت فيها رفه راح مغير الترس بتاعها واتظبطت ونظف المانفولد وطلعنا نجرب برضه التسقيف موجود ولما ساقها بنفسه استغرب جدا من التسقيفه المهم الوقت اتإخر جامد وانا كمان زهقت وقالى تعالى يوم تاني نكمل مراجعه على الميكانيكا المهم وانا واق معاه اتصل بكهربائي معاه في التوكيل وحكاله على المشكله وسأله برضه على الكنترول واحد ولا مختلف قاله واحد وقاله العيب ده ان فيه هوا زياده داخل للموتور محمد عبده جاب ازازه ميه وكب على المانفولد مالقاش فيه حاجه لحد ما يأسنا احنا الأتنين وقلتله هجيلك يوم تاني فقالى وانا هجيب الكهربائي زميلى في التوكيل الى كلمته ده عشان يبص معانا على المشكله الغريبه دى وبس انا قلت اعرفك يا استاذ ممدوح يمكن يكون ليك ملاحظات على الكلام ده واحب اشكرك كمان مره على انك عرفتني على محمد السيد ومحمد عبده

إن شاء الله هعرفك خطوه خطوه
بس انا لاحظت حاجه ولسه فاكرها دلوقتي وكنت عاوز اسألك عليها
هومش المفروض ان العربية الكامله بيبقى فيها Egr وحساس شكمان ولا ايه اصل انا في وسط الكلام ده كله بسال محمد السيد اصل انا عندى الـ Egr ملغي ومتشال السليونايد بتاعه ولما سالته امال فين حساس الشكمان قالى ديه مفيهاش ديه شغاله على البتنشيومتر الى ورا البطاحه الشمال ده فأستغربت لأنى كنت قريت في المنتدى هنا وتقريبا كان من موضوعاتك ان اللانوس الكامله بيبقى فيها حساس شكمان السؤال بقى ازاي انا عندى بتنشيوميتر ومعنديش حساس شكمان وكمان فيه حاجه مش ممكن يكون الغاء الـ Egr ده هو الى عامل مشكلع التسقيف ديه كمان فيه حاجه افتكرتها لما كنت فاكك الكرسي ملقتش فيشة الأوكتين الى اتكلمت عليها وديه برضه مستغربلها