هى العربيه لما تجيب وش سلندر ده بياثر على الكرنك يعنى يعمل بوش ولازم يتجلخ وتتغير السبيكه؟
ولا مالوش علاقه؟
ارجو الرد
عرض للطباعة
هى العربيه لما تجيب وش سلندر ده بياثر على الكرنك يعنى يعمل بوش ولازم يتجلخ وتتغير السبيكه؟
ولا مالوش علاقه؟
ارجو الرد
لا ملهوش اى علاقة بعامود الكرنك.......جوان وش السلندر اما يضرب يتغير وخلاص على كدة
بس تسمح تقولنا الموضوع من اولة لاخرة وطبعا دة كلام الميكانيكى
عاوزينك توصفلنا اية اللى حصل معاك وبامر الله نحاول نفيدك
العربيه جابت جوان وبعد ماغيرتو بعديها بشهرين جابت جيوان تانى والميكانيكى قالى ده كده الوش قفع وعاوز يتقشط عند الخراط
وبعد ماعملنا الشغل ده سمعنا صوت زى النقر كده على خفيف
فالميكانيكى قال ان كده حصل بوش صغير فى عمود الكرنك ولازم المكنه تتحل والسبيكه تتغير
عشان لاقدر الله بعد كده البوش ده هيكبر والبساتم تخبط فى المكنه وهيبقى حوار
انا بقى عاوز أعرف الكلام ده صح ولا؟!
عمود الكرانك مالهوش دعوة بوش السلندر نهائى
بس صوت النقر ده فعلا احتمال كبير يكون عمود الكرنك
(بس وش السلندر مش هو اللى بوظه أكيد)
حاول تشوف ميكانيكى تانى ثقة ولو اكد موضوع الكرنك ده يبقى اتكل على الله واعمله
جابت وش سلندر : يعني الجوان ضرب وطحينة والوش قفع.
أنا بس عندي سؤال :( حضرات السادة المستشارين :: هل يختلط الزيت بالماء؟؟ أكرر هل يختلط الزيت بالماء ؟؟؟)
نعم يختلط (عند ظروف الضغط والحرارة العالية) (والطرطشة والتقليب splashing اللي بيعمله عمود الكرنك أو بالتحديد اواخر تقالات عمود الكرنك) نعم يختلط.
طيب الزيت بالمياه ده -الكلمة اللي كلنا بنرددها- (طحينة) مسارها إيه بداية من الكارتيرة ؟؟
( المصفة- الطلمبة- الفلتر- الأويل جاليري- كراسي الكرنك- سبايك الكرنك- الmain journal- جوا الكرنك نفسه- الcrankpin- والنهاية الكبرى للبيلات- وكذلك النهايات الصغرى للبيلات- وبنزات البساتم- والشنابر- والبساتم نفسها)
كل دول راحت لهم طحينة عشان تقلل الاحتكاك - بدل ما يروح لهم زيت- يبأى لازم تشيك عليهم كلهم -والمانيوال فيه كل حاجة ، لو عايز تعمل الصح.
معلومة :عارف بعد ما العربية بتتسخن صح(وده طبقا للكتالوج) بعد اما الموتور يوصل للoperating temperature : بيكون الكرنك بيلف وهو متحمل على طبقة رفيعة جدا من الزيت سمكها 0.05 مم وبتكون كافية انها متخليهوش يحتك مباشرة في السبايك.
كل الصداع ده عشان بس عاوز أوضح تأثير الطحينة على أجزاء الموتور؟
ممكن تكتفي بنص عمرة بل ربع عمرة -- وتقفل الموتور والعربية هتمشي -- لكن كل ده مسكنات !!
وحضرتك جربت والدليل : شهرين !!!
بالنسبة لسؤالك : طبعا عمود الكرنك هيتأثر هو والسبايك.
وهتعمل التشيكات بتاعته : على ما أتذكر (wear limit, out of round, bending) ويارب تكون فاهمني.
والله أعلم.
طالما العربية جابت جوان تاني بعد أقل من شهرين (باعتبار ان باقي اجزاء الموتور مش في الضياع)ممكن السبب يكون:
1- ترتيب تربيط مسامير الوش كان غلط (أصح شيء علميا انك تقرط spiral من جوه الى بره -عشان زيادات الوش تتزحزح لبره- طيب لو اشتغلت بالعكس زيادات المعدن هتتزحزح لجوه وممكن نتيجة لظروف التشغيل - تلاقي الوش اتشرخ في نص المسافة بين أي مسمارين)
2- عزم الرباط مش صح (الأخ ممكن تلاقيه بيربط بدون ساعة أو ميزان عزم - ويقولك الخبرة بقه وبتاع وانا ولله الحمد ايدي ميزان - كل الهبل ده اسمه عندي "الفهلوة ميثود" ومينفعش ببصلة)
3- إستخدام نفس المسامير القديمة (مسامير الوش الجديدة لما بتربطها بالعزم الصح بيحصلها إستطالة طبقا لحدود محسوبة بدقة) والمسامير القديمة شبعت استطالات وتعرضت لاجهادات حرارية بالعبيط (ده أحيانا وانتا بتفكها براحة خالص بتقطم) وتلاقي الأخ بيستخدمها تاني.
4- وممكن تكون المرة اللي فاتت موديتش الوش للمكشطة.
والله أعلم.
بص طالما حكمت الوش من فوق لازم الكرنك يرزع
لان منظومة الحركة عمر واحد
امرك لله هاتضر تخرط الكرنك وتجيب سبيكة
لية يخرط كرنك هو هيفك الكرنك هيودية للخراط لو فية عالى وواطى يبقى هيتخرط 0:10 وهتجيب سبايك بنفس درجة القشط الى حصل للكرنك لو لاقة سليم يبقى هتغير سبايك standard واربطها كويس بمفتاح عزم وتوكل على الله
ومعلومة صغيرة احب اوضحهالك دلوقتى قبل ماتفك المكنة وتطلعها برة ممكن تكشف على السبائك من غير مالمكنة تخرج برة
ودة بس عشان تتاكد اذا كانت السبائك سليمة او اتاكلت والموضوع كلة مش هياخد خمس ساعات داخل فيهم لما العربية تبرد خالص
الف الف شكر ليكم
والله استفدت من كلامكم
ويعنى كده لازم المكنه تنحل ويتعمل الشغل ده دولوقتى؟
ولا اكبر دماغى؟
والموضوع د ه هيتكلف كام؟
اصل انا سمعت من واحد ان مكنه الالنترا بالفتيس ب 3500 ومحدش ضرب فيها مفك؟
الكلام ده صح ولا اشاعه؟
اسف على التطويل