السلام عليكم ورحمة الله وبركاته


انا لسه راجع من العامريه دلوقتى عملت صيانة ال10000 وقولتلهم على بعض الملاحظات منها صفارة الكبوت وقالوا انها اتعملت ويارب يكون كلامهم مظبوط لانها مش بتبان فى كل الاوقات على حسب اتجاه الهوا

المهم كان عندهم غيابات كتير فى الموظفين ومتلهوجين ومحتاسين وبصراحه مهندس الاستقبال كان يخنق ورخم جدا غير المره اللى فاتت خالص كانت مهندسه زى العسل قعدت ادور عليها لكن ملقيتهاش للاسف

رغم ان الاولى كانت مجانيه لكنها افضل فى الاهتمام لكن واضح ان عجز الموظفين مخليهم عاوزين يطلسؤا بس انا غتت معاه وقولتله اكتب كل الملحوظات اللى بقولك عليها لانى مش كل شويه ادب مشورا 200 كيلو رايج جاى

سالت محمد العنانى مسئول قطع الغيار عن اسعار الاتى

الكوبلن الواحد شامل الضريبه 1750 جنيه
علبة دركسيون حوالى 5500 شمال الضريبه
دراع اشاره 800
سربنتينه التكييف 1850 جنيه

انا كنت سمعت ان الكوبلن ب 3500 واتعملت خناقات على الموضوع ده لكن ااتضح ان الاتنين ب 3500

انا شايف ان الاسعار معقوله جدا لعربيه فرنساوى جوه التوكيل واللى عجوز زى حالاتى يشوف اسعار اللانوس اول لما نزلت كانت عامله ازاى
ان شاء الله العربيه دية حتبقى خليفة اللانوس من ناحية رخص قطع الغيار وانتشارها خصوصا ان فيه منها مليون عربيه متباعه فى اوروبا لو المستوردين بتوعنا اشتغلوا صح حينزل جزاء كبير استعمال خارج منها مصر