ياجماعه اطمنوا بخصوص اسعارقطع الغيار

**amrelzawawy** · 22-06-2011 11:54 AM

تم اعاده سؤال ادمين رينو على سعر القطعتين افاد ان الكبلن الواحد بدون الضريبه 1500 جنيه يعنى بالضريبه يعملوا فى حدود 1700 يغنى فعلا جوز الكبالن ب3500 مش الواحد بس قال ان علبه الدركسيون 2750 بدون الضريبه غالبا قصده 4750 لانها بالضريبه كده تبقى 5500 وكده انتهينا من تضارب الاقوال وخلصنا من قصه السبعات

**medododo** · 22-06-2011 12:34 PM

المشاركة الأصلية كتبت بواسطة moustafa_saad

الادمن هناك بينفض نتنفيض جامد
يقولك كلمتين حلوين فى الاول ولو لقاك تقلت معاه يقولك دى صفحه معموله للتواصل البناء ومايردش بعد كده
انا كان ليا معاهم حوارات

لا ادخل علي اللينك كده وشوف الكلام انا سبت مشكلة واحد زميل لينا في المنتدي والناس مرحبة تعرف التفاصيل

ط¹ظٹط´ ط§ظ„ط¯ظˆط±ظ‰ ط¨ط´ظƒظ„... | Facebook

**MOUSTAFA_SAAD** · 22-06-2011 10:43 PM

المشاركة الأصلية كتبت بواسطة akerima

الله ينور يا مصطفي باشا يا كبير اوي ايوه كده طمنتنا - وانا معاك محمد العناني راجل محترم وفاهم قوي وانا كنت عامل موضوع قبل كده شكرتة فية وانا اثق في كلامة واسعارة اللي اداهالك - واحب اطمنك المهندسة العسل بقت في سموحة معادتش في العامرية وانا مش عارف لية انت لغاية دلوقت بتروح العمرية ما سموحة اهه احسن واقرب بكتير ليك من العامرية واروق دا انا ساعات كتير بروح الاقية فاضي تماما بتوع الكيا هما اللي بيبقوا مالينة - لو كنت قلت كنا رحنا سوا عشان انا عندي تيل عايز يتغير

ياباشا بتاعت سموحه دية واحده تانيه غير اللى باتكلم عليها مش هى المحجبه دية وتضحكلك ضحكه صافره كده تحس انها من غير نفس

انا قابلتها لما كانت عندى مشكلة التكييف اللى قولتلك عليها

لكن التانيه كانت من غير حجاب وحاجه دلع على الاخر

انا روحت العامريه علشان صفارة الكبوت ومفيش شغل سمكره فى سموح طبعا

بس لو كنت اعرف انك حتيجى معايا كنت طنشت الصفاره المره دية

بس التيل قعد معاك كام كيلو
انا فاكر انك عامل صيانة العشرين من قريب
شكلك رجلك تقيله شويه بتشد جامد وبتضرب فرامل جامد لان التيل ممكن يعدى 30 الف مستريح

**akerima** · 23-06-2011 01:34 PM

والله يا مصطفي انا كنت فاكر اني اقل واحد في مصر بيدوس فرامل بس طلعت اي كلام بس جايز عشان انا مشاويري كلها طوالي وبروح وباجي علي الدولي كتير - التيل قعد معايا كده 22000 بس انا شفتة بعد ما اتغير خلصان بعني يا دوبك فية بتاع 3 او 4 مللي بس بعد التغير الفرامل بقت باللمس يا معلم الحمد لله