الموضوع: ابيزا 2001

السلام عليكم
الحقيقة انا بصراحة من اشد المعجبين بالمنتدى وخصوصا قسم سيات واللى حببنى فى القسم ده بصراحة الاستاذ عمرو بموضوعاته الهايله واستاذ محمد وده اللى حببنى فى الابيزا وبقالى فترة بدور عليها وللاسف مش لاقى حاجة حالتها كويسة انا مش بفهم فى العربيات اوى بس فى ابيزا 2001 لسه شايفها وعايز اخد رايكم فيها هى دواخل فابريكة بس رشه بره كلها عايز اعرف هى موضوع رشه بره دى عيب كبير فى العربية وبيقلل من تمنها جامد لما بتتباع يعنى ولا موضوع الرش بره ده عادى كمان العربية لونين كلها احمر طوبى والسقف اسود بس صاحبها بيقول ان سقفها ده فابريكه مش متركب يعنى فيا تارى الكلام ده ممكن يكون صح ولا لا
العربية بصراحة عجبانى جدا خصوصا انها الشكل الجديد وسعرها مغرى جدا لدرجة ان السعر مخوفنى من العربية بس يا ترى لو اخدتها بسعر قليل وزبطتها كويس حتبقا كويسة ولا اكبر دماغى منها
على فكرة العربية عامله 85 الف

انا جييييييييييييييييت:)

كلام عمرو باشا ما بعده كلام اول حاجة عايز اقولها موضوع السقف ده يشكك في العربية كلها ممكن تكون كانت مقلوبة او السقف مثلا وقعت عليه حاجة جامدة بوظته و اتغير لان عموما القطع الحديد اللي بتتغير مش بتيجي بلون العربية يعني عربيتك حمراء مثلا مش بتجيب باب احمر لا بييجي اسود او رمادي عموما السقف ده شككني في العربية اصلا و اي ابيزا 2001 تحت ال50 الف يبقي مشكوك فيها يا اما الحالة مش اد كده او عاملة حادثة و الخبط جه في العضم و اسمكرت و اترشت بس و موضوع العربية رشه برا لو العربية رشه نظافة يبقي عادي مفيش مشاكل بتبقي تجريحات بتاع كلام عادي مفيش حاجة جت في العضم انما مثلا لو العربية اتخبطت من ورا مثلا و جت في العضم اطبقت و بعدها سمكر و رش ده يقلل من التمن لكن في الحالة دي لو الخبطة مش قوية اوي يعني بعيد عن اساسات العربية او الشاسيه و في نفس الوقت العربية حالتها العامة حلوة في الحالة دي ممكن تتغاضي عن الخبطة دي و العربية اللي معروضة عليك عاملة 85 الف كيلو العربية دي كموتور هيكون حالته حلوة لانه مش ماشي كتير اصلا بي اكشف علي العضم بتاع العربية كله البودي يعني شوف يمكن تكون مقلوبة و ممكن يكون السقف لوحده بس حصل فيه حاجة و صاحبها بيقول ان سقفها فابريكة انا مش مريحني الكلام ده خاااااااااااالص بص شوف الدواخل بتاعة العربية يعني الابيواب من جوا شوف لونها ايه لو لونها طوبي زي لون العربية يبقي السقف ده مش فابريكة لو لون الدواخل لون تاني غير لون السقف و غير لون العربية يبقي العربية دي فيها حاجة مش طبيعية لو لون الدواخل زي لون السقف و ده اعتقد انه مش هيكون موجود يبقي برضه العربية متطمنش...............






Ibiiiiiiiiiiiiiiiiiiiiiiiiiiiiiiiiiizzzzzzzzzzzzzz zzzzzzzaaaaaaaaaaaaaaaaaaaa For Ever