عصاااااااااابه اجمع .... اكوردتى فى خطر

**OmaR_FekrY** · 21-06-2011 10:25 PM

ازيكوا يا اجمل عصابه فى المنتدى
و اخبار القهوه ايه
سامع انها مش جايبه همها

ندخل فى الموضوع اللى جامعكوا فى بقى
خير اللهم اجعله خير
من ييجى يومين كده بزود الميه فى الاكورد
و لمحت بجنب عينى اليمين كده خزنه زيت الباور ناقصه لحد ال min
فرحت مشوارى و انا راجع عديت على البنزينه اشتريت علبه زيت باور
و رجعت زودت الزيت و كله تمام التمام

نيجى بقى للحته المهمه
بعد م زودت الزيت طلعت بالعربيه مشوارين تلاته كمان
و النهارده الصبح بفتح الكبوت
و اذ افاجأ
و انا ببص بجمب عينى اليمين برضو
على خزنه زيت الباور
لقيته ناقص لحد ال min
تااااااانى
اتشقلبت جمب العربيه
و ابص من تحت
و من فوق
و الحنب
مفيش نقطه زيت واحده مرشحه ولا منقطه على الارض
هتجننننن
فرحت زودته تااااااااانى
و يا انا يا هو بقى
افيدونااا ونبى يا عصابه افادكم الله

**M_Nabil** · 21-06-2011 11:03 PM

علبة الدركسيون عندك سليمة ولا فيها مشكلة؟ ممكن تكون بتسرب زيت من تحت من عند الاسكاترا

**OmaR_FekrY** · 22-06-2011 12:16 AM

المشاركة الأصلية كتبت بواسطة m_nabil

علبة الدركسيون عندك سليمة ولا فيها مشكلة؟ ممكن تكون بتسرب زيت من تحت من عند الاسكاترا

للاسف
سليمه !

**SAMEH_FOUAD** · 22-06-2011 12:23 AM

عندك حاجتين الاولى زى ماقال محمد نبيل باشا

التانية ال o-ring بتوع علبة الباور هتشوف ترشيح الزيت لو من عندها

**OmaR_FekrY** · 22-06-2011 01:23 AM

المشاركة الأصلية كتبت بواسطة semsem kane

عندك حاجتين الاولى زى ماقال محمد نبيل باشا

التانية ال o-ring بتوع علبة الباور هتشوف ترشيح الزيت لو من عندها

لا
واحده واحده بقى يا حاج سامح و قوللى ايه هو ال o - ring ده ؟

المشاركة الأصلية كتبت بواسطة tarekzein

لو علبه الدركسيون سليمه

ومتأكد من كده

يبقى هتلاقى مكنة الباور نفسها هيا اللى بترشح زيت من الأولسيهات

وأنت مبتشوفش الزيت عشان فىه غطاء تحت المكنه لو فكيته هتعرف بنفسك

والله أعلى وأعلم

طيب و الحل يا استاذ طارق
متعرفش مين يعمللى الحوار ده بعيدا عن الحرفيين
لان الحج مبحبهمش و مبيثقش فيهم

و يا سلام بقى لو ميكانيكى هوندا و شاطر و فى فيصل -الهرم - الدقى- اكتوبر

**SAMEH_FOUAD** · 23-06-2011 03:19 AM

المشاركة الأصلية كتبت بواسطة OmaR_FekrY

لا

واحده واحده بقى يا حاج سامح و قوللى ايه هو ال o - ring ده ؟

شوف ياباشا الموضوع ببساطة ان عندك عدد ثلاثة o- ring فى طلمبة الباور وعشان تعرف اذا كان فعلا منها ولا لأ هتلاقى ترشيح زيت عليها , لو لقيت فعلا , يبقى كل اللى عليك انك تفك طلمبة الباور وانت بتفكها هتلاقى o- ring دية ودول عبارة عن ثلاث كاوتشات على حرف o متركبين فى نهاية المواسير اللى داخلة للطلمبة سعر الواحد 2 جنية تقريبا يعنى ال3 هيعملوا 7 جنية بالكتير و25 جنية مصنعية وعلبة ونص زيت باور شيل

**OmaR_FekrY** · 23-06-2011 07:45 PM

المشاركة الأصلية كتبت بواسطة tarekzein

الصنايعيه بيسموها أولسيهات

الله ينور ياسامح

طب بالمره بقى قوله على حد بتاع باور كويس يكون قريب منه

ـــــــــــــــــــــــــ ـــــــ

آه خد باللك زى ما قولت ممكن الكاوتشه اللى بتنقط دى تكون من تحت

فلازم تتشاف كويس

هو فيه كام واحده اولسيهات فى العربيه
على حد علمى ان فيه كمان اولسيهات للموتور

ولازم حد بتاع باور ولا اى ميكانيكى ينفع

حاسس انه حوار !

**OmaR_FekrY** · 23-06-2011 07:54 PM

المشاركة الأصلية كتبت بواسطة semsem kane

شوف ياباشا الموضوع ببساطة ان عندك عدد ثلاثة o- ring فى طلمبة الباور وعشان تعرف اذا كان فعلا منها ولا لأ هتلاقى ترشيح زيت عليها , لو لقيت فعلا , يبقى كل اللى عليك انك تفك طلمبة الباور وانت بتفكها هتلاقى o- ring دية ودول عبارة عن ثلاث كاوتشات على حرف o متركبين فى نهاية المواسير اللى داخلة للطلمبة سعر الواحد 2 جنية تقريبا يعنى ال3 هيعملوا 7 جنية بالكتير و25 جنية مصنعية وعلبة ونص زيت باور شيل

انا مش لاقى ترشيح فى اى حته !!

ولا لازم افك الطلمبه نفسها و اكشف عليها علشان اعرف اذا كانت مرشحه ولا لآ

-

-

الموضوع: عصاااااااااابه اجمع .... اكوردتى فى خطر

LinkBack

أدوات الموضوع

عرض

عصاااااااااابه اجمع .... اكوردتى فى خطر - انشر الموضوع فى :

-

-

-

-

-

المواضيع المتشابهه

حبايبنا من دمياط اجمع هنا

الحقوووووووووووونى يا عصاااااااااابه

ركن الـ Pc Gamers ــاا اجمع هنا :)

وحوش الرينو اجمع

ينفع اجمع لاب توب ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة