ههههههههههههه...انت فظيع ..حرام عليك بتفكرهم ليه بس ...خد دى منى ليك
[youtube]http://www.youtube.com/watch?v=grYvocRwE1w&feature=related[/youtube]
نلتقى بعد الفاصل
عرض للطباعة
ما شاء الله... اييييه الجماااااااااال ده كله... 5 فدادين فراوله في المدرجات :))
مبروك للاهلوية اقتراب اللقب ( الدوري لسة مخلصش) و حظ اوفر للزمالك
متابع
بيسألو واحد زملكاوي الدستور الاول ولا الانتحابات الأول راح باصص في الارض ومعيط وقالهم الاهلي الاول
انا اهلاوى بس مش متفائل
مبروك للأهلي و هارد لك للزمالك
التفاؤل يخلينا نقول الدوري لسه في الملعب و الكورة فيها كل حاجة
لكن الواقعية تخلينا نقول إن صعب جوزيه و بهذا المستوى يفرط في 5 نقط .. مش شايف ده ممكن تحقيقه
جوزيه راجع المرادي يعمل فريق يسيطر على كل حاجة .. يا بختكو بيه ..و لا هاتفرق معاه تريكة و لا أحمد حسن و لا حتى بركات لو مشيو .. احنا ممكن نديله 11 واحد من الألتراس و هايعمل بيهم فرقة
يمكن يبان من كلامي إني مش زملكاوي لكن أنا زملكاوي .. و لكن .. مش عاوز أخد الدوري و أنا وحش أو مش الأحسن .. و حاليا الزمالك عنده مشاكل فعلا
في رأي مشكلة الزمالك الحقيقيه حسام حسن و الجهاز الفني بشكل عام + الادارة الغير مستقره
للأسف حسام حسن مدرب بيلعب فقط بروح لاعبي الزمالك و انهم لسه شباب
و عندهم حماس, انما فكر و تخطيط و موهبة فنية حقيقيه في ادارة المباريات.... فاااااااااشل
نفس الوضع بالظبط لما كان عندنا حسام البدري... ( الظاهر المشكله في اسم حسام ) :ma:
بردو كان بيلعب على روح اللاعبين و حماسهم و صلته بيهم, لكن فكر و تخطيط... فااااااااااشل
صدقني الزمالك لو جاله مدير و جهاز فني محترم فاهم كوره, هيقدر يحقق انجازات كتييير
لان عندكوا لاعبين معظمهم على قدر عالي من الفنيات ( باستثناء ابوكونيه و الصفتي ),
و يقدر اي مدرب فاهم يستغلهم في مراكزهم بشكل سليم و يطلع افضل ما عندهم...
عموماً حظ اوفر للزمالك في الماتشات المتبقيه, و اتمنى القمة تكون على مستوى عالي من الروح الرياضيه.
تقبــل تحيـاتي...
تعليقات ما بعد المبارة ....والتعليق ليكم
YouTube - ‫ط¹ظ…ط±ظˆ ط§ط¯ظٹط¨ ط¨ط¹ط¯ ظ‡ط²ظٹظ…ط© ط§ظ„ط²ظ…ط§ظ„ظƒ ظ…ظ† ط§ظ„ظ…طµط±ظ‰ ظˆظپظˆط² ط§ظ„ط§ظ‡ظ„ظ‰ ط¹ظ„ظ‰ ط§ظ„ط§ط³ظ…ط§ط¹ظٹظ„ظ‰Ȃ c;‎
مافيش فايدة الحجة المرة دى ان الجماهير قليلة الادب ...اسمعو ابراهيم حسن ..
YouTube - ‫ط§ط¨ط±ط§ظ‡ظٹظ… ط.ط³ظ† ط¨ط¹ط¯ ظ‡ط²ظٹظ…ط© ط§ظ„ظ…طµط±ظ‰ ظˆط®ظ†ط§ظ‚ط© ظ…ط¹ ط¹ظ…ظٹظ„ ط§ظ„ط§ظ‡ظ„ظ‰ ظ‡ط´ط§ظ… ظپظ‡ظ…ظ‰‬‎
اهم حاجة الروح الرياضية وبلاش تعصب وغيظ
ومبروك للفائز وهارد لك للمهزوم
وان شاء الله المستقبل للزمالك بس يبعد الحظ عن الاهلى
آخر نكتة
غير التحكيم وأرضية الملعب والجمهور والكلام ده كله ده الجديد
حسام حسن: خوف اللاعبين من الضرب البورسعيدى وراء الهزيمة
يرى حسام حسن المدير الفنى للزمالك أن هزيمة فريقه أمام المصرى البورسعيدى بهدفين دون رد فى مباراة اليوم السبت، كانت بسبب خوف لاعبيه من إحراز أية أهداف حتى لا يتعرضوا للضرب من جماهير بورسعيد.
كشف حسام حسن لمقربين منه عقب المباراة، أن الأحداث المرعبة التى عاشها الفريق ليلة أمس كان لها تأثير سلبى على أذهان اللاعبين، وجعلتهم يخرجون عن تركيزهم. وتجمد رصيد الزمالك عند النقطة 50 فى المركز الثانى، بعد الخسارة أمام المصرى.
اليوم السابع | حسام حسن: خوف اللاعبين من الضرب البورسعيدى وراء الهزيمة&
قال أحد الحكماء: ما رأيت أتعس من أربعه، رجل يلبس القديم ولديه الجديد، رجل يدعي للعشاء ويطلب المزيد، رجل يريد الانتحار وعمره مديد....قيل ثم من؟... فأطرق رأسه وأدمعت عيناه وقال: رجل في هذا الكون لا يزال يعتقد أن الزمالك قادم من جديد....!!!؟ :)
اللي بيحصل مع حسام حسن دلوقتي مع الزمالك هو نفسه اللي حصل معاه في المصري .. بدأ كويس و عمل فرقة متجانسة إلى حد كبير و فجأة لسبب لا أعلمه بصراحة الخلطة بتبوظ و المستوى يتراجع ..
لكن و الحق يقال أنا مستعد أصبر على حسام كمان سنة ..
أصل ما هو البديل ? فاروق جعفر ? حلمي طولان ? و غيرهم زهقنا من الناس القديمة اللي مابتقدمش حاجة جديدة لا فكرا و لا تكتيكا و لا نفسيا و لا أي شيئ جديد ..
لو أجنبي إمكانيات الزمالك تجيب مدرب في حدود 25 ألف دولار في الشهر .. يعني 3 تعريفة في سوق المدربين الأجانب .. لو عاوز حد مشهور أو له cv زي جوزيه و معاه جهاز متكامل من محللين و مخططين أحمال و لياقه هاتدخل في مبالغ مستحيل الزمالك يدفعها إلا لو إكتشفوا أبار بترول في ميت عقبة .. أو جلال إبراهيم يمسك وكالة الأهرام للإعلان
تحياتي ليك و أتمنى القمة تكون في المستوى و مافيش حاجة بعيدة على ربنا .. و فعلا أتمنى الأفضل يكسب أيا كان
يا باشا انا لو جبت ام سيد بتاعت الفجل من على اول الشارع حتدرب الزمالك احسن حسام حسن بيشتغل على الحماس و بس من غير فكر و لا تخطيط و لما حبة الحماس بيخلصوا مبيبقاش عارف يعمل ايه بالاضافة ان الفريق مفيهوش حلول دايما بيفوز بشيكابالا من ضربة ثابتة او من لعبة مهارية بس مينفعش فريق عايز الدورى يبقى واقف على لعيب واحد و بعدين حسام بوظ الفرقة بنفسه بالتفرقة بين اللعيبة و كرهه للبعض الاخر دا الصفتى حسام قرب يقلوا فى وشه انت شوال بطاطس مفيش مدرب عاقل يعمل كدا ...... الحل فى مدرب زمالكاوى محترم يجيى و الناس تصبر عليه و يبقى فى شد وحزم من المدرب و من مجلس الادراة مع بعض المساواة يعنى متزعلش منى فى فمصر لاعب و احد يستحق 36 مليون جنيه و كمان بتجددله و قبل نهاية الموسم و على ايه اساسا شيكا معملش لحد دلوقتى حاجة تذكر مفيش ولا بطولة واحدة يبقى 36 مليون ليه ........... راى متواضع منى لو الزمالك جاب طارق يحي و صبر عليه حيعمل شغل ممتاز مع الزمالك .
حلوة نظرية المؤامرة بتاعت الزملكاوية
جامدة والله
حسام حسن = حسن شحاتة
نفس الخطة ولتكتيك هي حاجة من ال 2
1- يابركة دعاكي ياما
2-مدد مدد مدد مدد , شدي حيلك يا بلد
ممكن أول مرة نقول عينه على الزمالكاقتباس:
اللي بيحصل مع حسام حسن دلوقتي مع الزمالك هو نفسه اللي حصل معاه في المصري .. بدأ كويس و عمل فرقة متجانسة إلى حد كبير و فجأة لسبب لا أعلمه بصراحة الخلطة بتبوظ و المستوى يتراجع ..
المرة دي عينه على إيه المنتخب ؟!!!
بيتهيق لي بعد الفيديو ده
خلص الكلام
[youtube]http://www.youtube.com/watch?v=1gggC4fwDv8&feature=player_embedded#at=130[/youtube]