المشاركة الأصلية كتبت بواسطة ghazy12
انا شايف انك بتبالغ قوي, لان مافيش حد بيعامل الزمالكويه على انهم ياهود و الكلام ده,
و لو في (بعض) الناس بتتجاوز من الاهلاويه, فلازم تبقى فاهم ان في (البعض) بردو
في الزمالك بيتجاوزا, هما مش ملايكه... و ده تحديداً مش المثال اللي بتكلم عليه
بشكل عام... الزمالك لما بيكسب, طبيعي جدااا الزمالكويه بيكونوا مبسوطين بفرقتهم
و بيقطعوا في الاهلي (على سبيل الهزار), و بتعدي عادي... اشمعنى احنا بيتمسكلنا على الواحده !!!
لما كان الزمالك اول الدوري, كانت الجمله المشهوره على لسان كل الزمالكويه سواء كسبوا
او خسروا و لما اي اهلاوي يتكلم معاهم يقولوا ( احنا بردو اول الدوري ) و يقفل الكلام على كده !!!
دلوقتي الكراسي اتبدلت, و احنا بقينا اول الدوري, و حقنا نفرح (مع اننا متعودين يعني) :ma:
عموماً... اي اهلاوي او زمالكاوي (بيتجاوز) في حق النادي المنافس اكيد ده شئ مرفوض تماماً...
لكن الموضوع من البداية و من ساعة ما جورج اتكلم و هو هزار و في زمالكويه كتيير
دخلوا و قالوا تعليقات محترمه جدااا, و كانوا زعلانين من فرقتهم, بس فاهميين ان ده هزار...
فرجاء شخصي... بلااااااش بعد اذنك نكبر الامور و يا ريت نحطها في نصابها الطبيعي و هو التهريج...
شكرااا جزيلاً لسعة صدرك, و على مباركتك الجميله للأهلي كبطل للدوري الألف سنه اللي جايين :))
انا بهزر معاك طبعاً, ده بعد اذنك يعني :))