غسيل موتور اللوجان

**Xlance2010** · 22-06-2011 03:33 PM

المشاركة الأصلية كتبت بواسطة mohamedadelemam

خلاص يا جماعة انتوا حرين...أردت النصيحة لوجه الله عشان محدش بعد كدا يعانى ويتبهدل

نشكرك للنصيحة وجزاك الله خيرا وانا لن اخاطر ابدا بغسيل الموتور بالمياه فانا عندى انه يبقى مترب احسن من ان اعانى من مشاكل الكارتة وكهرباء الموتور ... الخ وهذا رأيى ولكم جميعا تحياتى - المدون / طارق الجيزاوى

**Neo206** · 22-06-2011 08:43 PM

لو الفوم احسن يا ريت ناس تاكد لنا الكلام ده
و نبقى شاكرين الافضال

**georgedada82** · 22-06-2011 08:49 PM

ريح دماغك بيغسلوا الموتور في التوكيل بالفوم ب 30 جنيه وبيسيب لك باقي العلبة ( معني كده انك مستحيل تخلص العلبة الواحدة في غسلة واحدة ) حتي النوع اللي بيستدموه نوع مصري لو تحب اجيب لك اسمه مفيش مشاكل

**MOUSTAFA_SAAD** · 22-06-2011 10:35 PM

اغسله بالفوم

**mosomodo** · 23-06-2011 12:52 AM

المشاركة الأصلية كتبت بواسطة georgedada82

ريح دماغك بيغسلوا الموتور في التوكيل بالفوم ب 30 جنيه وبيسيب لك باقي العلبة ( معني كده انك مستحيل تخلص العلبة الواحدة في غسلة واحدة ) حتي النوع اللي بيستدموه نوع مصري لو تحب اجيب لك اسمه مفيش مشاكل

ادينا اسمه ادينا.

**Tiger77** · 23-06-2011 10:28 AM

شكرا يا جماعة على مشاركتكم الإيجابية بس حد يقولى توكيل إيه اللى بيغسل الموتور لأنى سألت فى توكيل العبور فى الصيانة اللى فاتت وأكد لى المهندس أنه لا يتم غسيل الموتور فى أى فرع من فروع مراكز الصيانة فياريت حد يقولى فرع أيه أو لو حد جرب يغسله بنفسه ياريت يقولنا أزاى وإيه إسم الفوم - مشكورين جميعا

**mohamed_selim** · 23-06-2011 11:17 AM

بص يا باشا ... معرفش اللوجان و الرينو بيعملو ايه بس فى توكيل كيا و فيات كل العربيات بيتغسل موتورها بالفوم من غير مشاكل
اكيد تكنولوجيا اللوجان مش اعلى بكتير علشان الفوم يعمل مشاكل ...

عارف عندى فى السيينا الموتور بيتغسل بالفوم من غير مشكله ... من اسبوعين كنت بشحن التكييف و الراجل بيشيك على بلف بالميه و كام نقطه وقعو عند الموتور ... حظى السئ جه فى نقطه على فيشه من الفيش و العربيه قعدت يوم مخنوقه لحد ما نشفت ...
توكل على الله و الفوم مفيهوش مشاكل ان شاء الله

**scientist9508** · 04-07-2011 02:59 PM

بسم الله الرحمن الرحيم
الأخوه الأفاضل أرجو منكم إفادتنا بأفضل طريقه نغسل بها محرك اللوجان بدون أى أضرار و الطريقه الصحيحه لفعل ذلك

و السلام عليكم و رحمة الله و بركاته

**Xlance2010** · 04-07-2011 03:23 PM

سمعت ان فيه سبراى لتنظيف الموتور ولكن الفوم والمياه بيعملوا مشاكل فيفضل عدم المجازفة

**scientist9508** · 04-07-2011 04:12 PM

بسم الله الرحمن الرحيم
أشكرك يا أخى الفاضل على إهتمامك و ردك و لو أمكن أعرف إسم الإسبراى و سعره و المكان إللى ممكن أشتريه منه

و السلام عليكم و رحمة الله و بركاته