الموضوع: ايه نظام الدايو سيلو

المشاركة الأصلية كتبت بواسطة mahmoudbadr

حمدا لله على سلامتك

يا دكتور أحمد

الله يسلمك يا دكتور محمود واحشنى والله

وانا فعلا عرفت قيمة العربية اللى انا راكبها بعد الموقف دة لانى نزلت لقيت الجنط معجون وعلى كدة العربية مرحلتش منى وفضلت مسكة نفسها من غير كاوتش خالص لانى نزلت لقيت الجنط بس والحمد لله على كل حال والخساير كلها من هبدة العربية على السرعة دى وربنا يباركلنا فى عربياتنا ويدينا خيرها ويبعد عنا شرها

انا مش عارف اشكركم ازاى جميعا انا من تأخيركم فى الرد عليا خوفتونى بس بصراحه كلامكم طمنى بطريقه غريبه
بشكر كل الاعضاء الى ردو عليا gogo1976
w-m-a
elpasha1
a_aboelseoud
pelo
mmedo4
drmomoking
mahmoudbadr
وتحياتى لكم جميعا وحمدلله على سلامتك يا دكتور احمد وربنا يكفينا جميعا شر المصائب ويلطف بينا
اخوكم م/احمد شاهين

الله يسلمك يا باشمهندس و اتبسط بعربيتك انت راكب عربية بجد وموضوع قطع الغيار امرة سهل متقلقش

المشاركة الأصلية كتبت بواسطة a_aboelseoud

- اولا مالوش لزوم القلق لانك اشتريت خلاص
- ثانيا : ما تقول لنا انت محتاج ليها ايه طيب عشان نقدر نساعدك لانى معايا دايو اسبيرو و محلات قطع الغيار للاسبيرو و الرايسر و السيلو واحد .....
و ثانى مرة مالوش لزوم القلق

شوف حضرتك انا محتاج طقم عددات (عداد الحرارة بيشتغل بمزاجه) وكمان فرش الابواب الاربعه لانهم فعلا متبهدلين جدا وياريت يكون معاه مفاتيح الزجاج ووير السرعه وماكبنة السرعه
معلش حجات كتيره بس ياريت الاسعار حتكون فى حدود كام وشاكر جدا لكم جميعا

سبحانك اللهم وبحمدك ، أشهد أن لا إله إلا أنت أستغفرك وأتوب إليك

شوف حضرتك انا محتاج طقم عددات (عداد الحرارة بيشتغل بمزاجه) وكمان فرش الابواب الاربعه لانهم فعلا متبهدلين جدا وياريت يكون معاه مفاتيح الزجاج ووير السرعه وماكبنة السرعه
معلش حجات كتيره بس ياريت الاسعار حتكون فى حدود كام وشاكر جدا لكم جميعا [/quote]
باشا
- بالنسبة لطقم العدادات بما ان العيب فقط فى عداد الحرارة انصحك الاول بأنك تشوف كوعة الثرموستات الاول و تتاكد انها سليمة أو صباع الحرارة لو عندك و كمان تتأكد ان الكهرباء لعداد الحرارة واصلة و لو كل ده مظبوط فيه ناس بتصلح العدادات بس و دول كتير لان بصراحة ممكن تروح تشترى طقم العدادات بس تلاقيه غالى جدا ده غير ان فيه تجار ممكت تقولك تشترى التابلوه بالكامل.
و على فكرة ممكن تروح عند محل اسمه هيرو ده بيبيع قطع غيار جديدة و عارف عربيتك كويس و ممكن تلاقى عنده طقم العدادات جديدة و لو رحت برده اسالة عن قطع الغيار بتاعتها اللى عنده عشان لو احتجت حاجة تانية
- و فيه كمان سرور فى شامبليون و عمارات المريلاند و فيه شارع دمشق.
فرش الابواب طبعا هيكون استيراد.
- واير السرعة ده ممكن تلاقيه جديد هو و ماكينة السرعة
و اتمنى اكون افادتك

المشاركة الأصلية كتبت بواسطة a_aboelseoud

شوف حضرتك انا محتاج طقم عددات (عداد الحرارة بيشتغل بمزاجه) وكمان فرش الابواب الاربعه لانهم فعلا متبهدلين جدا وياريت يكون معاه مفاتيح الزجاج ووير السرعه وماكبنة السرعه
معلش حجات كتيره بس ياريت الاسعار حتكون فى حدود كام وشاكر جدا لكم جميعا

باشا
- بالنسبة لطقم العدادات بما ان العيب فقط فى عداد الحرارة انصحك الاول بأنك تشوف كوعة الثرموستات الاول و تتاكد انها سليمة أو صباع الحرارة لو عندك و كمان تتأكد ان الكهرباء لعداد الحرارة واصلة و لو كل ده مظبوط فيه ناس بتصلح العدادات بس و دول كتير لان بصراحة ممكن تروح تشترى طقم العدادات بس تلاقيه غالى جدا ده غير ان فيه تجار ممكت تقولك تشترى التابلوه بالكامل.
و على فكرة ممكن تروح عند محل اسمه هيرو ده بيبيع قطع غيار جديدة و عارف عربيتك كويس و ممكن تلاقى عنده طقم العدادات جديدة و لو رحت برده اسالة عن قطع الغيار بتاعتها اللى عنده عشان لو احتجت حاجة تانية
- و فيه كمان سرور فى شامبليون و عمارات المريلاند و فيه شارع دمشق.
فرش الابواب طبعا هيكون استيراد.
- واير السرعة ده ممكن تلاقيه جديد هو و ماكينة السرعة
و اتمنى اكون افادتك[/quote]
جزاكم الله كل خير يا بشمهندس وبصراحه انت اكتر من رائع شكرا جدا ع الافاده وكمان على رسالتك ةان شاء الله حيكون فى اتصال بينا اخوك احمد شاهين

يا باشا العفو ...
بس فيه حاجة لازم تخلى بالك منها كويس جدا ....
معظم المشاكل اللى هتلاقيها فى عربيتك شغل كهرباء و بالذات كمان لو كانت اوتوماتيك عشان كدة لازم تتاكد الاول ان ضفيرة الكهرباء سليمة و كل الفيش بتاعتها راكبة و مفيش فيشة او وصلة ملغية لان لو فيه عك فى الضفيرة هتحس ان عربيتك على طول مش متظبطة و فيه كهربائى شاطر اوى فى الحى العاشر بيفهم فى العربيات دى (رايسر& سيلو & اسبيرو ) و لو حابب ممكن اديلك رقمه و كمان يستحسن تحطها على الكمبيوتر بتاعها عشان لو فيه اى حساس بايظ او تعبان تغيره عشان الحاجات دى كلها بتفرق كتير جدا و فوق ما تتصور و تخليك بجد تحس بعربيتك.
شيىء طبيعى انك تتعب شوية على ما تظبط عربيتك فى الاول و طبعا ممكن بعض قطع الغيار تتعبك على ما تلاقيها بس طبعا لو قارنت امكانيات عربيتك بأى عربيه تانية شبها هتلاقى فرق السعر يستاهل