شكر وتقدير وتحية واجبة للباشا

**mazens** · 22-06-2011 01:22 PM

السلام عليكم يا أوبلاوية

الموضوع ده عن النجم الكبير اوى والمحترم اوى طنانى باشا

حقيقى شخصية قمة فى الذوق والاحترام .............. مهما قلت موش هديله حقه

وهحكى الحكاية بإختصار مخل عشان تعرفوا اد ايه هو شخصية تستحق كل تقدير ( وده للى ميعرفش )

إتصلت بالنجم طنانى عشان العفشة عندى كانت أقرب ما يكون لعفشة الكارو ( ده لوفيها عفشة أصلاً )

المهم اتقابلنا عند العفشجى بتاعه اللى طلع 100 / 100 هد العفشة كلها عندى وخرجها بره العربية وبمزاج عالى وشغل رايق ( رغم الزحمة الشديدة عنده اللى هى بالطابور وبالحجز ) بس صنايعى ممتاز بدأ يظبطها وإللى كان عايز يتغير بس ينفع يتصلح كان بيصلحة ، المهم ظبطلى العفشة وخلهالى كأنها زيرو
الجميل فى الموضوع أن ده كان بأقل التغييرات الممكنة ( شوية كاوتش وشحم وكلام فاضى ) والمفأجاة كانت المصنعية ؟؟ أرخص من الرخص

المهم بقه أن طنانى باشا مسبنيش فضل واقف معايا ويظبط بإيدة وبنفسة فى عربيتى وراح مشوار بعربيته عشان يظبطلى الكبالن عند واحد بتاع كبالن ، ومسبنيش وفضل واقف لحد ما خلصت العربية ومشيت رغم أنه كان تانى يوم مسافر ومن حقة يرتاح شوية ، ده غير واجبات الضيافة اللى قام بيها.

بالذمة موش يستاهل الشكر والتقدير على الرجولة دى

ألف ألف ملييييييييييييييون شكر وربنا يقدرنى على رد جمايلك يا كبييييييييييييييييييييييي يييييييييييييييييييييييير

**cayman69300** · 22-06-2011 02:41 PM

دى اقل حاجة عندنا
هههههههههههههه
اصل جدوره من الصعيد
هنقول اية تانى

**ashrafnoby** · 22-06-2011 02:41 PM

بص يا باشا الناس هنا فى المنتدى جدعان جداجدا ومنهم طنانى باشا وفادى واسلام ود هلالى والناس كلهم ممتازيين وخدوميين جدا جدا وربنا يديم المحبه

**Ruin Scud** · 22-06-2011 02:50 PM

ربنا يبارك ليه الناس اللي زي كده بتبقى عمله نادره اليومين دول وخصوصا ان بيعمل المساعده لوجه الله مش قصاد مصالح أخرى.
تحياتي.

**tam77** · 22-06-2011 03:00 PM

بس ساعات بيوعد ومبيوفيش وعده

**sherif_m72** · 22-06-2011 03:43 PM

طنانى ده برنس القسم هو وفادى انا مشوفتش حد بيخدم ناس قدهم
لهم كل شكر واحترام و تقدير

**abdelaziz-waleed** · 22-06-2011 10:17 PM

دي حاجة مش غريبة على طناني باشا. هو كدة طول عمره خدوم وابن اصل
ربنا يجازيه كل خير ويجعله في ميزان حسناته ان شاء الله
واللي زيه دلوقتي بقو عملة نادرة جدا

**waoola_78** · 24-06-2011 02:03 AM

ان شاء الله هايخش الجنه بسببنا

**abousaef1996** · 24-06-2011 05:22 AM

بصراحة ده قمت الذوق والرجولة وعايز اقول ان الناس ده هى ال حببتنا فى الاوبل ولو انا من التوكيل اديهم احلى وسام

**NeeMoo** · 24-06-2011 08:58 AM

الحق يتقال ... طنانى ذوق بجد وكل الناس هنا فى المنتدى محترمين ومتعاونين ... ربنا يديم المعروف

الموضوع: شكر وتقدير وتحية واجبة للباشا

LinkBack

أدوات الموضوع

عرض

شكر وتقدير وتحية واجبة للباشا - انشر الموضوع فى :

-

-

-

-

-

-

-

المواضيع المتشابهه

2000 سلام وتحية لطنانى

رحت للباشا و طنانى عمل الواجب و زياده

سؤال في الاكسسوارات الجماليه للدايو اللانوس للباشا محمد ممدوح

شكر واجب وتحية خاصة

الكلمات الدلالية لهذا الموضوع

المفضلات

المفضلات

ضوابط المشاركة