السلام عليكم و رحمة الله و بركاته
أنا يا جماعة كنت عاوز أعمل فرش جلد لأرضية اللوجان بتاعتي
الموضوع ده يكلف كام (أرضية بس)
و ممكن حد يدلني على واحد محترف في المواضيع ديه (يعني ما يبوظش حاجة في العربية)
و ياريت يكون في الإسكندرية
و شكرا
عرض للطباعة
السلام عليكم و رحمة الله و بركاته
أنا يا جماعة كنت عاوز أعمل فرش جلد لأرضية اللوجان بتاعتي
الموضوع ده يكلف كام (أرضية بس)
و ممكن حد يدلني على واحد محترف في المواضيع ديه (يعني ما يبوظش حاجة في العربية)
و ياريت يكون في الإسكندرية
و شكرا
التكلفة طبعا على حسب نوع الجلد بس هيكون في حدود 150 - 250 جنيه
فيه اتنين كويسين قوي
أول واحد اسمه جابر النوام و ده في الشارع اللي في وش نادي الجامعة اللي في الشاطبي.
تاني واحد اسمه السجان و ده في شارع بورسعيد بعد مدرسة سان مارك على اليمين.
والله انا كنت ناوى اعمل فرش جلد للارضية لحماية الموكيت ولكن ناس نصحونى الا اغير الفرش او اعمل فرش جلد فوق الموكيت والصراحة عملت بنصيحتهم ودلوقتى كل اسبوع انزل المكنسة الكهربائية واشفط التراب اولا بأول وجايب طقم دواسات حوض مريحنى على الاخر وياريت لو نفذت فعلا وعملت فرش جلد تقول لنا عملته بكام وفين ونوعية الجلد ايه وهل فيه امكانية نعمل كمان كسوة جلد للكراسى واسعارها ايه والنوعيات كمان بالمرة ولك اطيب تحية . المدون / طارق الجيزاوى
الموضوع يكلفك من 200ج الي 400ج حسب نوع الجلد والصنايعي وفية واحد كويس في سيدي بشر في شارع طالع من جامع سيدي بشر بعد جراج الاتوبيسات وانت طالع علي العيسوي
لأ انا معاملتش فرش جلد بس واحد صاحبي عمله عندهم و بيشكر في النوام جدا
بس مش عارف بتاخد وقت قد ايه الصراحة
انا ياسيدى الفاضل كان هدفى من تركيب فرش جلد للارضية المحافظة على موكيت الفابريكة وكذلك تنجيد الكراسى ولما عرضت عليهم وجهة نظرى قالوا يعنى انت اشتريت عربية زيرو علشان تركب فرش ليه ؟ علشان لما تيجى تبيعها اللى يشتريها يتمتع بفرش الفابريكة ، ده كان ردهم وبصراحة اقتنعت به انا اتمتع بفرش وارضية الفابريكة ولما اجى ابيعها يبقى اركب فرش للكراسى والارضية وابقى ضربت عصفورين بحجر واحد وقت ما اشتريت اتمتع بفرش الفابريكة ووقت ما ابيع ابيع بفرش جديد .. ما رأيك فى وجهة النظر هذه ؟ انا عن نفسى اقتنعت بها . ودمتم بود - المدون / طارق الجيزاوى
متابع .... ويا ريت حد يقول مكان كويس في القاهره
والله وجهتى النظر ليهم وجاهة
و كل واحد و دماغه
جلد الارضيه ميزته فى النضافه
يعنى رأيكم اروح اركب ارضية جلد وفرش جلد للكراسى واتوكل على الله ؟ هاه هل من مجيب ............ ياخلق هوه
قمت بتركيب فرش داخلى للكراسى بمحل سيبر كار بإمتداد رمسيس تكلف 230 جنيه وسط وتكلفة أرضية الشنطة الخلفية 40 جنيه وسألت عن أرضية للصالون قالوا تتكلف 220 جنيه وعندهم متخصصين فى التركيب والفرش الداخلى خلال ساعة تقريبا
وأعتقد لهم أكثر من فرع وموقع على النت
شكرا جزيلا لكل من :
zkralla
moustafa_saad
و هو ده السبب الأساسي فعلا في فكرة تركيب فرش جلد للأرضية
بإذن الله تعالى أنا حركب الفرش في خلال أسبوع أول ما أفضى و بعد كده ححاول أبعتلكم الصور
و المكان الي عملت فيه و كلفني كام
ادعولي بالتوفيق يا جماعة
شكرا مرة أخرى
سألت عن فرش جلد للارضية وطلعت التكلفة 200 جنيه وفرش الكراسى جلد يبدأ من 250 جنيه وحتى 1200 جنيه والتركيب 50 جنيه وان شاء الله اركب الفرش قريب جدا واعرض ركبته فين وبكام والخامات أيه والله الموفق .
يا جماعة أنا روحت لجابر النوام و قالي إن العربية ما فيهاش عتب يخبي فرش الجلد تحته و إن ده حيخلي السير يتخلع بعد كده بسهولة و إن دية مشكلة و هو بيلزق السير ده بأمير أو دبابيس!
حد صادف نفس الكلام ده؟ طب و الحل؟ أعمل و خلاص؟