فرش أرض جلد!

**ivanoviskie** · 22-06-2011 02:25 PM

السلام عليكم و رحمة الله و بركاته

أنا يا جماعة كنت عاوز أعمل فرش جلد لأرضية اللوجان بتاعتي
الموضوع ده يكلف كام (أرضية بس)
و ممكن حد يدلني على واحد محترف في المواضيع ديه (يعني ما يبوظش حاجة في العربية)
و ياريت يكون في الإسكندرية

و شكرا

**Dr.Karim Emam** · 22-06-2011 03:04 PM

التكلفة طبعا على حسب نوع الجلد بس هيكون في حدود 150 - 250 جنيه

فيه اتنين كويسين قوي
أول واحد اسمه جابر النوام و ده في الشارع اللي في وش نادي الجامعة اللي في الشاطبي.
تاني واحد اسمه السجان و ده في شارع بورسعيد بعد مدرسة سان مارك على اليمين.

**Xlance2010** · 22-06-2011 04:20 PM

والله انا كنت ناوى اعمل فرش جلد للارضية لحماية الموكيت ولكن ناس نصحونى الا اغير الفرش او اعمل فرش جلد فوق الموكيت والصراحة عملت بنصيحتهم ودلوقتى كل اسبوع انزل المكنسة الكهربائية واشفط التراب اولا بأول وجايب طقم دواسات حوض مريحنى على الاخر وياريت لو نفذت فعلا وعملت فرش جلد تقول لنا عملته بكام وفين ونوعية الجلد ايه وهل فيه امكانية نعمل كمان كسوة جلد للكراسى واسعارها ايه والنوعيات كمان بالمرة ولك اطيب تحية . المدون / طارق الجيزاوى

**akerima** · 22-06-2011 04:24 PM

الموضوع يكلفك من 200ج الي 400ج حسب نوع الجلد والصنايعي وفية واحد كويس في سيدي بشر في شارع طالع من جامع سيدي بشر بعد جراج الاتوبيسات وانت طالع علي العيسوي

**ivanoviskie** · 22-06-2011 05:25 PM

المشاركة الأصلية كتبت بواسطة xlance2010

والله انا كنت ناوى اعمل فرش جلد للارضية لحماية الموكيت ولكن ناس نصحونى الا اغير الفرش او اعمل فرش جلد فوق الموكيت والصراحة عملت بنصيحتهم ودلوقتى كل اسبوع انزل المكنسة الكهربائية واشفط التراب اولا بأول وجايب طقم دواسات حوض مريحنى على الاخر وياريت لو نفذت فعلا وعملت فرش جلد تقول لنا عملته بكام وفين ونوعية الجلد ايه وهل فيه امكانية نعمل كمان كسوة جلد للكراسى واسعارها ايه والنوعيات كمان بالمرة ولك اطيب تحية . المدون / طارق الجيزاوى

كان إيه سبب النصيحة يعني إيه هيه وجهة نظرهم

**ivanoviskie** · 22-06-2011 05:30 PM

المشاركة الأصلية كتبت بواسطة Dr.Karim Emam

التكلفة طبعا على حسب نوع الجلد بس هيكون في حدود 150 - 250 جنيه

فيه اتنين كويسين قوي
أول واحد اسمه جابر النوام و ده في الشارع اللي في وش نادي الجامعة اللي في الشاطبي.
تاني واحد اسمه السجان و ده في شارع بورسعيد بعد مدرسة سان مارك على اليمين.

أشكرك جدا على المعلومات , أنت جربت تعمل عنده أو أي حد تعرفه عمل عنده؟
طب هو بياخد وقت قد إيه؟ و أنا بسيب له العربية و أخدها منه في وقت تاني؟ و كده عادي!

شكرا مرة أخرى ليك و ل akerima

**Dr.Karim Emam** · 22-06-2011 05:35 PM

لأ انا معاملتش فرش جلد بس واحد صاحبي عمله عندهم و بيشكر في النوام جدا
بس مش عارف بتاخد وقت قد ايه الصراحة

**Xlance2010** · 22-06-2011 05:44 PM

المشاركة الأصلية كتبت بواسطة ivanoviskie

كان إيه سبب النصيحة يعني إيه هيه وجهة نظرهم

انا ياسيدى الفاضل كان هدفى من تركيب فرش جلد للارضية المحافظة على موكيت الفابريكة وكذلك تنجيد الكراسى ولما عرضت عليهم وجهة نظرى قالوا يعنى انت اشتريت عربية زيرو علشان تركب فرش ليه ؟ علشان لما تيجى تبيعها اللى يشتريها يتمتع بفرش الفابريكة ، ده كان ردهم وبصراحة اقتنعت به انا اتمتع بفرش وارضية الفابريكة ولما اجى ابيعها يبقى اركب فرش للكراسى والارضية وابقى ضربت عصفورين بحجر واحد وقت ما اشتريت اتمتع بفرش الفابريكة ووقت ما ابيع ابيع بفرش جديد .. ما رأيك فى وجهة النظر هذه ؟ انا عن نفسى اقتنعت بها . ودمتم بود - المدون / طارق الجيزاوى

**zemoss** · 22-06-2011 06:55 PM

متابع .... ويا ريت حد يقول مكان كويس في القاهره

**miromido75** · 22-06-2011 07:59 PM

المشاركة الأصلية كتبت بواسطة xlance2010

انا ياسيدى الفاضل كان هدفى من تركيب فرش جلد للارضية المحافظة على موكيت الفابريكة وكذلك تنجيد الكراسى ولما عرضت عليهم وجهة نظرى قالوا يعنى انت اشتريت عربية زيرو علشان تركب فرش ليه ؟ علشان لما تيجى تبيعها اللى يشتريها يتمتع بفرش الفابريكة ، ده كان ردهم وبصراحة اقتنعت به انا اتمتع بفرش وارضية الفابريكة ولما اجى ابيعها يبقى اركب فرش للكراسى والارضية وابقى ضربت عصفورين بحجر واحد وقت ما اشتريت اتمتع بفرش الفابريكة ووقت ما ابيع ابيع بفرش جديد .. ما رأيك فى وجهة النظر هذه ؟ انا عن نفسى اقتنعت بها . ودمتم بود - المدون / طارق الجيزاوى

وجهة نظر محترمة و عن نفسى انا عملت كدة