أعتقد الفرق مش فظيع : طالما مش بتحود بسرعة عالية ومبتاخدش غرز (نتش) على سرعة عالية برضو.
وفي عربيات لما بيختبروها بيلاقو ان ال Body roll بتاعها قليل - وبالتالي إضافة الميزان للعفشة بتاعتها مش هتعمل التأثير الرهيب.
وعربيات تانية فاخرة جدا ومفيهاش ميزان - مثلا BMW 7 series- قولت ايه دا؟؟ عربية تعبانة - مع انها كانت 2005 على ما اتذكر.
وطبعا زي مانتا عارف إتضح ان أنا اللي تعبان - عشان لقيت فيها active suspension وفيه anti-roll feature بتنقص هوا من المساعد اليمين وتديه للمساعد الشمال أو العكس على حسب الحالة - تحود يمين -- تحود شمال -- مفيش عندهم حوارات ال body roll دي نهائي - ومتهيألي شعب نايل موتورز كله عارف البي إم لما بتحود بسرعة بتكون ثابتة ازاي.

وأكيد الميزان مش هيأدي وظيفته صح لو البيض أو كاوتشاته أو باراته بايظة- ومتهيألي دي الحالة بتاعة عربية زميل حضرتك.
ومازلت بقول ان الميزان ملوش أي علاقة بالزوايا - إلا إذا اللي بيركبه ركبه غلط أو اضطر يفك بارة الدركسيون مثلا عشان يركبه - ساعتها لازم تعيد ضبط زوايا.

والله أعلم.