هل العربية دي ممكن تتصلح؟

**eng.m7md.ali** · 22-06-2011 09:18 PM

احسن حل انك تجيبها تقسيط لو في حد بيقسط او تصبر شوية لحد مالكاشات تبقى تمام
بس بلااااااااااااش ابدا حوار النصين ده

**Mik_t4** · 22-06-2011 09:26 PM

تقسيط مضمتهاش بردو
افرض جبتها تقسيط بسعر كبير والاخر طلعت نصين بردو؟
ولعلمك حتي التوكيل مبقاش يعرف يكشفها
واتباعت قدامي مرسيدس كانت شنطها طايرة واتغيربها ربع خلفي كامل بالشنطو واتلحمت وناس كتير شافتها ومعرفتش اي حاجة
لانة كان قاصصها من ورا علب العجل عند الباب وطالع بيها لاخر الازاز من فوق
ولما لحم متعرفتش ابدا لان مفيش حد هيفك العربية لحد العلب او يشيل الازاز ويبص

**eng.m7md.ali** · 22-06-2011 11:51 PM

http://www.nilemotors.net/Nile/228036-a.html
شوف اللينك ده ياباشا

**KHALED AYMAN** · 23-06-2011 12:01 AM

تتصلح عادى جدا
بس هتصرف كتير
ومفيش احسن من الخواجه

**MASERATI** · 23-06-2011 10:38 AM

السلام عليكم و رحمة الله و بركاته

أسلم حل أنك تاخد من دى رقم الشاسية و تدقه على كروسليه أنت جايبه من بره و فى الحالة دى العربية هتبقى ملحومة لأنها أصلا هتخش نصين و أكيد فيها نقط ضعف, بس هتكون أفضل من وضع العربية اللى فى الصورة دى, لو اتصلحت .

فيه حل تانى و أنا مانصحكش أنك تعمله اطلااااااااااااااااااااقا و هو أنك تجيب عربية أخت اللى فى الصورة دى و نفس اللون و تدخلها تريبتكت و تبدل الحتة اللى عليها رقم الشاسيه و بعد ماتخلص, هتبقى اللى عامله الحادثة هى التريبتكت و بعد ماتخلص, ولع فيها و بلغ عنها و البوليس هييجى يعاين و يسحب العربية و هكذا, بس لو اتعرف أنك عامل كده, هتبقى مصيبة سودا, لأنهم بيكونوا عارفين أن فيه ناس بتعمل كده و لو ثبتت عليك هتبقى مصيبة أسود داكن.

**Mik_t4** · 23-06-2011 11:48 AM

يا جماعة هل ينفع العربية تدخل من الجمارك علي انها قطع غيار من غير ما تتقسم؟
يعني تدخل شاسية من غير محرك وبيبان وغطا كبوت والحجات دي كلها تبق مفكةكة
ولو لازم تتقطع ممكن تتقطع من عند الشنطة من ورا
لان الشنطة مش هيبق عليها تحميل جامد
ياريت حد يقولي

**MASERATI** · 23-06-2011 08:44 PM

السلام عليكم و رحمة الله و بركاته

اللى أنا أعرفه, أن العربية لااااااااااااااازم تتخرد (جاية من كلمة خردة) و ده بالقطع فى أماكن معينة , عشان تعدى من الجمارك تحت مسمى, قطع غيار مستعملة.

**Mik_t4** · 23-06-2011 09:07 PM

هل ممكن تتقطع من عند الشنطة؟

**zocor742** · 23-06-2011 10:41 PM

طيب ياجماعة فية عربياات كتيييييييييييييير مغيرة اربع وانصص وشغااالة تمام
انا عن نفسى كنت بركب فيرنا كنت مأجرها اسبوع عشان كنت برة الاسكندربة ومكنش معيا عربيتى
وبعد ماسلمتها عرفت انها مغيرة ربع قدام وبصراحة مكنتش حاسس ان فيها الهوا .
وطبعا فى عربيات مبترجعش زى الاول بعد ماتتصلح .
بالنسة للبى ام دى اعتقد هتكون مجازفة خصوصا ان المسمار فى العربية دى مكلف .

**Mik_t4** · 23-06-2011 11:36 PM

المشاركة الأصلية كتبت بواسطة zocor742

طيب ياجماعة فية عربياات كتيييييييييييييير مغيرة اربع وانصص وشغااالة تمام
انا عن نفسى كنت بركب فيرنا كنت مأجرها اسبوع عشان كنت برة الاسكندربة ومكنش معيا عربيتى
وبعد ماسلمتها عرفت انها مغيرة ربع قدام وبصراحة مكنتش حاسس ان فيها الهوا .
وطبعا فى عربيات مبترجعش زى الاول بعد ماتتصلح .
بالنسة للبى ام دى اعتقد هتكون مجازفة خصوصا ان المسمار فى العربية دى مكلف .

طيب تفتكر العربية هتكون كويسة لو نصين؟

الموضوع: هل العربية دي ممكن تتصلح؟

LinkBack

أدوات الموضوع

عرض

-

-

-

-

-

-

المواضيع المتشابهه

المروحة ما بتشتغلش ... ممكن تتصلح ولا اية

الخبطه دي ممكن تتصلح .. وازاي ؟؟؟؟؟

هل علبه الدركسيون ممكن تتصلح واللا لازم تتغير

الكلمات الدلالية لهذا الموضوع

المفضلات

المفضلات

ضوابط المشاركة