الموضوع: لانسر 2008 ولا لوجان 2011

لانسر مستعمل .. او فيرنا اتوماتيك زيرو احسن لك من الكلام دة وكفايه الاتوماتيك يريح رجلك من وجع دماغ المانيوال فى الزحمه والعربيه ممتازة ومجربه من 2004 وتكييف ثلاجه ومش ها تحتاج لتوكيل اى حد بيصلحها ويفهم فيها وحاجتها رخيصه وموجودة كلها مافيش بعد شهر وشهرين وتلاقى نفسك رامى العربيه وتركب موصلات وانت حر دة راى

[QUOTE=raedegypt;3873600414]لانسر مستعمل .. او فيرنا اتوماتيك زيرو احسن لك من الكلام دة وكفايه الاتوماتيك يريح رجلك من وجع دماغ المانيوال فى الزحمه والعربيه ممتازة ومجربه من 2004 وتكييف ثلاجه ومش ها تحتاج لتوكيل اى حد بيصلحها ويفهم فيها وحاجتها رخيصه وموجودة كلها مافيش بعد شهر وشهرين وتلاقى نفسك رامى العربيه وتركب موصلات وانت حر دة راى [/QUا





كلامك مظبوط اتفق معاك في الرأي

دور في اللانسر لو لقيت حاجة نظيفة و ان شاء اللة هتلاقي 2008 موديل عالي تبقى احسن بكثير من الفيرنا او اللوجان

يا بهوات الباشا سأل عن الميستوبيشى واللوجان يعنى محدش يدخل الفيرنا فى الموضوع.

بص يا باشا هى طبعاً الميتسوبشى عريية كويسة وسمعتها سبقاها ولو أتوماتيك كمان تبقى فى الجون بس بص كمان اللوجان عربية كويسة جددددددداااااااااً، أولاً عالية عن الأرض مبتحكش فى مطبات، ثانياً واسعة من جوة جداً، وصغيرة من بره يعنى سهلة الركن والطلوع فى الأماكن الضيقة، ثالثاً استهلاك البنزين بتاعها مشهود ليه بالكفاءة والتميز بالنسبة لموتور 1600 سى سى، أخيراً بالنسبة لقطع الغيار أعتقد أن ميتسوبيشى 2008 خرجت من الضمان أو كادت بينما اللوجان زيرو يعنى لسه فى الضمان وده نقطة فى صالح اللوجان، وأخيراً لا تنسى صلاة الاستخارة وربنا الموفق.

يا باشا لو بتسال عن عربية كعربية يعني ركوبة و كدا اللانسر طبعا عالية عن اللوجان
مع اني بحب اللوجان جدا