الموضوع: صيانه ال55 الف

المشاركة الأصلية كتبت بواسطة hpxp

انا معملتش صيانه من ساعه ال 20 الف فعايز اعرف ايه الي يتعمل

وبعتذر للعمده علي المكلمات الكتيرة والطويله وبعتذر ان كنت بدوشه انا والحج
وبالمرة الطنابير باظت
وسالت واحد صحبي مطعلش عنده الطنلبير الريمسا بس لقيت عنده بوجيهات ان جي كي 3 شمععه علي 75 جندي السعر دا كويس ولا ؟؟؟؟؟؟؟؟ وهي البوجيهات دي هتحسسني بفرق في العربيه خاصه انا مستني علي ما تقع تحت ليدي هظبطها فلاتر اسبور وخلافه

يا نهار ابيض ده فيه حجات كتير لازم تتغير البوجيهات حلوه وانا مجربها بس في احسن منها بس انسى استهلاك البنزين لأنها هتستهلك كتير جدا بس لازم تغير سلوك بوجيهات وتحط فلتر اسبور علشان تحس بفرق في نوع طنابير الماني حلوه اسمها miley النوع ده نظيف عن تجربه بالنسبه لصيانه اكيد هتغير فلتر بنزين وفلتر هوا وفلتر تكييف والبوجيهات لازم تتغير و غسيل موتور و ربط عفشه واكيد هتغير تيل فرامل خلفي وامامي مع الطنابير ويتعمل فحص بجهاز لتأكد ان مافيش مشاكل في الموتور وتحط كمان منظف انجكشن وبنزين والعلبه بتعمل 55 جنيه وده مهم جدا وفحص سير الكاتينه وسير الدينامو بيتهيألي بس كده ازا لو كان فيه مشاكل الصيانه اللي مهمه جدا هي صيانه 60000 لأن بيتغير سير التقسيمه وهو نفسه سير الكاتينه وسير الدينامو برده بيتغير ياعني طقم سيور وبيتغير مياه الردياتير ويفحص الترموستات بتاعت العربيه لو عازت تغيير بتتغير خد بالك لو طنشت صيانه 60000 وسير التقسيمه اتقطع انسى الموتور هتجيب عندك وش سلندر وتعوجلك الصبابات ياعني تقريبا موتو العربيه بسلامه عليه فاخد بالك

المشاركة الأصلية كتبت بواسطة hpxp

شكرا يا بشا علي ردك بس البوجيهات هتشتهلك كتير اوي؟ يعني مبدايا علشان الحج هو اي معاه العربيه علي طول فعلشان مش اتقتل :-)
وبالنسبه للطنابير ايه رئيك في الريمسا وسعر المايلي كام؟ وانهي الاحسن من وجهه نظرك

الريمسا بصراحه ماجربتوش فامقدرش احكم عليه انما المايلي انا مجربه وكويس جدا وسعره تقريبا من 350 ل 450 مش فاكر بس في الحدود ديه ولازم تجيب تيل جديد طبعا ونصيحتي هات التيل من التوكيل لأن كل اللي في سوق مضروب انا اشتريت تيلين من بره اصلي وعلبه بتاعتهم gm و متبرشمين وطلعوا مضروبين فانصيحتي اشتري التيل بالزات من التوكيل خد بالك التيل المضروب هيبوزلك الطنابير ويعملك بعد فتره معينه رجرجه في الدركسيون مع الفرامل على السرعات العاليه لأن التيل المضروب للأسف بيلوح الطنابير وعن تجربه الكلام ده

المشاركة الأصلية كتبت بواسطة hpxp

شككرا يابشا علي سرعه الرد
بس البوجيه هيرفع اسنهلاك اعربيه جامد اوي يعني ولا بمقدار 3-4 لتر كده مثلا لككل 100 كيلو

لأ الأستهلاك عالي وخصوصا اما تحرق

نصيحه مني وعن تجربه اشتري بعد كده Bosh شمعتين ده عن تجربه احسن من ngk تلاته شمعه

المشاركة الأصلية كتبت بواسطة hpxp

شكرا ليك يا زعيم طب واسنهلا كهم عامل ابه؟

حلو بس طبعا استهلاك البنزين اعلى من العادي بس مش زى طبعا التلاته شمعه عالفكره بوجيهات التلاته شمعه خراب بيو ت انت لو مفول التنك كله وجريت وحرقت لمده نص ساعه او ساعه تلاقي ربع التانك طار ولو مسافر اسكندريه القاهره تلاقي اكتر من نص التانك او التانك كله طار في البوجيهات التلاته شمعه انت بتحرق ب 12 شمعه يعني بتحرق 3 اضعاف العادي فده كتير جدا بتفرق انك بتجيب توب اسبيد اعلى وكمان السحب تقريبا اعلى حبه من العادي ومش هتحس بيه اوي زي ماقولتلك 2 شمعه بوش وانسى