الي كل ملاك وعشاق والمهتمين بالساجا

انا مبسوط اوي بالنادي بتاع الساجا ومبروك علينا كلنا Proton SAGA Egypt Clup

العربيه ديه اتظلمت كتير وكنت عايز اشوف اي حل عشان ادافع عنها عشان احنا في مصر لما بنسمع كلمه من غير ما ندور علي مدي صحتها بنصدقها علي طول

انا بقترح علي كل ملاك الساجا ان احنا نمسك ان احنا نمسك سلبيتها ونقاط الضعف اللي فيها نقطه نقطه ونحللها ونتناقش فيها واراهنكم كلكم ان اي نقطه ضعف في العربيه بعد مناقشتنا ليها هتكتشف انها نقطه قوه مش ضعف

ده مش دفاع عن العربيه عشان عربيتي لا ده تحليل لعربيه محترمه مش واخده حقها في السوق المصر

يالا ياجماعه واول واحد هيقترح اوق نقطه في العربيه تنكلم فيها لغايه لما نخلصها

انا معجب جدا بالساجا
وان شاء الله ناوى أجيبها بعد الامتحانات عربية محترمة جدا جدا ومش واخدة حقها
بس أول مشكلة هى قطع الغيار وعدم توافرها وغلوها فى التوكيل
ياعنى عيب العربية توكيلها
بس برضه انا متمسك بيها

طيب أنا غالبا هجيب الفيرنا أوتوماتيك بعد ماكنت هجيب الساجا أوتو خلاص
والسبب: استهلاك الوقود وتنك البنزين القليل و التحميل علي العربية في السفر بـ 5 ركاب بخلاف ما بداخل الشنطة خصوصا ان موتورها 1300
عايز رأيكم لان دي أسباب مهمة خلتني أغير رأيي للفيرنا أوتو. وياريت لو ينفع تعملوا مقارنة عملية وحقيقية بدون تحيز بينهم وأكون شاكر ليكم

اقتباس:

---

المشاركة الأصلية كتبت بواسطة alaa7sh

طيب أنا غالبا هجيب الفيرنا أوتوماتيك بعد ماكنت هجيب الساجا أوتو خلاص
والسبب: استهلاك الوقود وتنك البنزين القليل و التحميل علي العربية في السفر بـ 5 ركاب بخلاف ما بداخل الشنطة خصوصا ان موتورها 1300
عايز رأيكم لان دي أسباب مهمة خلتني أغير رأيي للفيرنا أوتو. وياريت لو ينفع تعملوا مقارنة عملية وحقيقية بدون تحيز بينهم وأكون شاكر ليكم

---

شوف يا باشا الاستهلاف فى البنزين فعلا عالى بالنسة ل 1300 سس و لكن العربية بتسحي معك زى ال1500 و ايضا الفيرنا خفيفة فى الطرق السريعة و اتمنى لك التوفيق شكرا

اقتباس:

---

المشاركة الأصلية كتبت بواسطة alaa7sh

طيب أنا غالبا هجيب الفيرنا أوتوماتيك بعد ماكنت هجيب الساجا أوتو خلاص
والسبب: استهلاك الوقود وتنك البنزين القليل و التحميل علي العربية في السفر بـ 5 ركاب بخلاف ما بداخل الشنطة خصوصا ان موتورها 1300
عايز رأيكم لان دي أسباب مهمة خلتني أغير رأيي للفيرنا أوتو. وياريت لو ينفع تعملوا مقارنة عملية وحقيقية بدون تحيز بينهم وأكون شاكر ليكم

---

باشا هقولك علي حاجه اولا استهلاك الوقود بيتظبط لوحدوا انا العربيه مش بتستهلك جامد معايا انا بروح اسكندريه ب 15 لتر يعني 250 كيلوا

ثانيا : التحميل في العربيه حمل براحتك انا كتير بسافر و معايا عدد و العربيه بسم الله ما شاء الله عاليه علي الارض و اعلي من الفيرنا كمان و طبعا ثباتها اعلي من الفيرنا كتييييييييييير

ثالثا : موتور الساجا 1300 بس موتور رياضي انتاج شركة لوتس الانجليزيه اللي بتنتج مواتير الفورميلا 1 عربيات السباق موتور 1300 بس عدد لفات الموتور عالي يقارب ال 1600 في الفيرنا

رابعا : لو هتقارن الساجا الاوتو بالفيرنا الاوتو الساجا هتكسب و انا واثق من كلامي ده و مستعد كمان انزل بعربيتي و نشوف سحب الساجا الاوتو ولا الفيرنا الاوتو الفيرنا في المانيوال انا معاك انها سحبها اعلي بس كمان سحبها اعلي في الاول انما بعد ال 100 الساجا اعلي مواتير البروتون بتعتمد علي السرعات العاليه يعني مع السرعات العاليه فوق ال 100 بتديلك اداء احسن كتيير

حضرتك ممكن تدخل معانا كمان نادي ملاك الساجا في مصر علي الفيس بوك و تعرف اكتر عن العربيه

Proton Saga Egypt Club

اقتباس:

---

المشاركة الأصلية كتبت بواسطة spiderloking

رابعا : لو هتقارن الساجا الاوتو بالفيرنا الاوتو الساجا هتكسب و انا واثق من كلامي ده و مستعد كمان انزل بعربيتي و نشوف سحب الساجا الاوتو ولا الفيرنا الاوتو الفيرنا في المانيوال انا معاك انها سحبها اعلي بس كمان سحبها اعلي في الاول انما بعد ال 100 الساجا اعلي مواتير البروتون بتعتمد علي السرعات العاليه يعني مع السرعات العاليه فوق ال 100 بتديلك اداء احسن كتيير



proton saga egypt club

---

ماتنساش فى المقارنة فى حاجات كتير ضمن المقارنة زى قطع الغيار بالنسبة للفيرنا
رخيصة جدا وموجودة فى كل مكان ( عند البقال) عكس الساجا

اقتباس:

---

المشاركة الأصلية كتبت بواسطة elpasha1

ماتنساش فى المقارنة فى حاجات كتير ضمن المقارنة زى قطع الغيار بالنسبة للفيرنا
رخيصة جدا وموجودة فى كل مكان ( عند البقال) عكس الساجا

---

صح كلامك فعلا بس انا جاوبتوا في النقاط اللي اتكلم فيها بس طبعا الفيرنا تكسب في قطع الغيار و الانتشار و اسعار الصيانات و اوسع شويه من الساجا بصراحه بس في الشكل الساجا احسن كتيير بصراحه من وجهة نظري

@ spiderloking ... كلامك محترم جدا وعاجبني
بس من رأي ناس هنا قالوا ان العربية لما تكون محمل عليها 5 وأوتوماتيك والتكييف شغال. بتتعب أوي خصوصا في السفر. + بتستهلك بنزين عالي
وياريت حد يعمل مقارنة في استهلاك البنزين بين الساجا والفيرنا في المتوسط يعني. واشوف الفرق بينهم كبير أوي لدرجة تخليني أغير رأيي عن الساجا وماجيبهاش. والا الفرق لصالح الفيرنا في المعقول.

معلش بس دي نقط مهمة أوي بالنسبالي. لأني بجد نفسي في الساجا أوي لانها عربية مميزة ومش منتشرة. وانا بحب العربيات اللي مش مصر كلها راكباها

استهلاك الساجا يا فندم في البنزين في اول 5000 الآف صعب شوية ولكن بعد كده ها يتعدل كويس جدا زي ما حصل معايا انا والأخ لبيد وبعدين لو عايز مقارنة عادلة ركب 5 افراد في الفيرنا وركب 5 في الساجا وقيس ارتفاع الإكصدامات عن الأرض ساعتها نعرف نقرر مين احسن :d وانا من دلوقتي بقولك الساجا ها تلاحظ فيها هبوط قدره 3-4 سم ويكن اقل وهيا اصلا ارتفاعها عن الأرض مش فاكر الرقم بالدقة المطلوبة ولكن الهبوط مش ها يعمل اي نوع نهائيا من انواع المشاكل !! وعلى فكرة في عضو معانا هنا كان مسافر بيها فيها اربع افراد معاه !! والتكيف شغال وكانت جايبة الـ 200 عادي جدا يا فندم !!! الموضوع المفروض بتقارن اوتو مقابل اوتو !! استهلاك البنزين في الساجا مش سئ لدرجة تجعلك ترب منها !! هوة عالي أه بس علي لدرجة كأن العربية 1600 يعني اللي وصلتله انها مثلا بتعمل مع غالبية الأعضاء 100 كيلو في الـ 10 لتر !! انا عملت معايا فترة 9 وفيه ارقام متفاوتة كتير جدا يا فندم ..

مداخلة بسيطة جدا
الناس اللي بتقول ان الفيرنا ارتفاعها اقل من الساجا الكلام دا كان مثبت لحد موديلات 2009 فقط لا غير
بداية من موديل 2010 الفيرنا اعلى مما كانت عليه والشكمان كمان اترفع اكتر من الموديلات اللي فاتت وارتفاع العربية بقا كويس جدا
وانا عن نفسي بكون مسافر ومركب فيها 6 افراد ولا عزاء لأي مشاكل بتقابلني في الطريق الحمد لله سواء من سحب العربية او التكييف او الارتفاع في المطبات او ما شابه
انا مش ضد الساجا
انا سقتها قبل كدة وعارفها ولها مني كل احترام
دي بس كانت كلمة حق تتقال للفيرنا ليس الا

انا فعلا رصدت الإرتفاع الملحوظ في الإرتفاع في التاكسي ولكن كنت فاكرها عبارة عن تعديلات من السواقين !! ولكن الترفيع ده مأثرش على اي حاجة في منظومة العفشة ككل او في البثات من حيث الفعل ورد الفعل يا فندم بما انه حضرتك من ملاك الفيرنا وانا بصراحة تواجدي في الفيرنا كان بنسبة 95% كراكب وليس كقائد ..

انا عربيتي 2010 وهي بالفعل اعلى من الموديلات اللي قبلها ودي ملاحظة جامد جدا في المطبات لأني ركبت ال 2008 وال 2009 وفي نفس المطبات اللي كانوا بيحكوا فيها واحنا راكبين 3 افراد في العربية عربيتي الحمد لله بنفس الافراد بتعدي المطب عادي جدا بدون اي صوت
الارتفاع مأثرش على اي شيء في اتزان العربية مطلقا
العربية ثابتة جدا وانت لوحدك لحد 110 ولو معاك افراد في العربية لحد 120
بيركبها عفريت بعد ال 120 لحد ال 140 معرفش ليه
بعد ال 140 بتستعيد العربية ثباتها وفي الحقيقة معنديش اي تفسير للي بيحصل دا اطلاقا ولكن دي ملاحظتي كسائق ليها
انا جايب بيها 180 على الدائري وزي ما بقلك الثبات سيء من 120 لحد 140 فوق ال 140 زي الفل وتحت ال 120 زي الفل لذلك لما بقرر اني اوصل ل 140 بخطف الحتة اللي بين ال 120 وال 140 وبتنقل حارات عادي جدا بالعربية انا بنقل بيها حارتين وتلت حارات دفعة واحدة وانا على 160 وما شابه وهي كويسة مش سيئة
لو عاوزين اي استفسارات عنها انا حاضر معاكم واعذروا لي مداخلتي انا بس حبيت اوضح الامور ليس الا بخصوص الفيرنا ما بعد 2009 !

انا مع راى الاستاذ اشرف ونصيحه منى ليك لوجه الله تعالى لو هتجيب عربية عشان السفر ومعاك اسره يبقى لاتفكر فى بنزين ولاغيره انما تفكر اولا واخيرا فى الامان.....

للأسف ما انصحكش بالفيرنا ابدا ابدا العربية دى مافيهاش غير موتور تسعه على عشره انما الباقى صفر على عشرة خصوصا الامان انا اصحاب وزمايل ليا فى الشغل عملوا حوادث بسبب الفيرنا اللى ماينفعش تجرى بيها فوق المائه كيلو لانك هتلاقى نفسك راكب مرجيحه وولا هتعرف تلمها.... إطلع على طريق اسكندرية الصحرواى وشوف فى كام عربية فيرنا عاملة حادثه

انا مجرد ما خبطت فى رصيف الايرباج فتحت وده معناه امان امان امان ومعايا اسرتى ثلاث بنات ووالدتهم بنسافر اسكندرية القاهرة باستمرار والله ما بحس انى سايق عربية والثبات بتاعها مش هينفع اوصفهولك بس باختصار مهما كانت سرعتك العربية بتبقى مكلبشه فى الارض وياما اخدت ملفات على الضيق وبسرعه عاليه (لوحدى طبعا) والحمد لله ممتازة

العيب الوحيد فى الساجا والحق يتقال هو التوكيل بتاعها بسبب رفعه لاسعار قطع غيارها بطريقه رهيبه لكن المشكله دى فى طريقها للحل ان شاء الله لانى لاقيت فى تجار ابتدوا يجيبوا ساجا متقطعه استعمال الخارج دا غير ان فى ناس كتير اكتشفت ان فى حاجات كتير بتاعه عربيات تانية بتركب فى الساجا زى تيل الفرامل وفلتر الزيت والبنزين

ايه فى الفيرنا يابانى ؟ الساجا فيتيسها وعفشتها يابانى ومحفور عليهم كلمه mitsubishi

هل الفيرنا فيها حساسات ركن فى الخلف؟

هل الفيرنا فيها اير باج؟

هل الفيرنا مجنطة؟

هل الفيرنا فيها امبولايزر؟

هل الفيرنا فيها كاسيت كلاريون ؟

هل الفيرنا مازالت مقنعه ليك؟!!!!!

شكل فيه حملة شرسة ضد الفيرنا هنا :d
ألحق اهرب انا بجلدي
هههههههههههه

اقتباس:

---

المشاركة الأصلية كتبت بواسطة megarekab

انا مع راى الاستاذ اشرف ونصيحه منى ليك لوجه الله تعالى لو هتجيب عربية عشان السفر ومعاك اسره يبقى لاتفكر فى بنزين ولاغيره انما تفكر اولا واخيرا فى الامان.....

للأسف ما انصحكش بالفيرنا ابدا ابدا العربية دى مافيهاش غير موتور تسعه على عشره انما الباقى صفر على عشرة خصوصا الامان انا اصحاب وزمايل ليا فى الشغل عملوا حوادث بسبب الفيرنا اللى ماينفعش تجرى بيها فوق المائه كيلو لانك هتلاقى نفسك راكب مرجيحه وولا هتعرف تلمها.... إطلع على طريق اسكندرية الصحرواى وشوف فى كام عربية فيرنا عاملة حادثه

انا مجرد ما خبطت فى رصيف الايرباج فتحت وده معناه امان امان امان ومعايا اسرتى ثلاث بنات ووالدتهم بنسافر اسكندرية القاهرة باستمرار والله ما بحس انى سايق عربية والثبات بتاعها مش هينفع اوصفهولك بس باختصار مهما كانت سرعتك العربية بتبقى مكلبشه فى الارض وياما اخدت ملفات على الضيق وبسرعه عاليه (لوحدى طبعا) والحمد لله ممتازة

العيب الوحيد فى الساجا والحق يتقال هو التوكيل بتاعها بسبب رفعه لاسعار قطع غيارها بطريقه رهيبه لكن المشكله دى فى طريقها للحل ان شاء الله لانى لاقيت فى تجار ابتدوا يجيبوا ساجا متقطعه استعمال الخارج دا غير ان فى ناس كتير اكتشفت ان فى حاجات كتير بتاعه عربيات تانية بتركب فى الساجا زى تيل الفرامل وفلتر الزيت والبنزين

ايه فى الفيرنا يابانى ؟ الساجا فيتيسها وعفشتها يابانى ومحفور عليهم كلمه mitsubishi

هل الفيرنا فيها حساسات ركن فى الخلف؟

هل الفيرنا فيها اير باج؟

هل الفيرنا مجنطة؟

هل الفيرنا فيها امبولايزر؟

هل الفيرنا فيها كاسيت كلاريون ؟

هل الفيرنا مازالت مقنعه ليك؟!!!!!

---

كنت عاوز اتكلم و اشرح حاجات معينه بس بعد الرد ده لازم اسكت لأن مفيش كلام تاني يتقال بعد كدا الله ينور عليك

لاحظوا اني ساكت يا رجالة :d
انا ممكن اقلب كل العيوب دي مزايا وامدح في فيرنتي حبيبتي بس بيني وبينكم الساجا تكسب في النقاط اللي فاتت دي بس مش كلها يعني :d

أنا دماغي بتلف خلاص :d
أعمل اية يا أصحاب الخبرة ... خلاص بجد هتجنن مش عارف أجيب الفيرنا والا الساجا
طيب اخر حاجة بعد اذنكوا للرجالة بتوع الساجا. استهلاك البنزين في وسط البلد والطرق مزدحمة للأوتوماتيك مع التكييف ومركب 4 بخلاف السائق. بيعمل كام كيلو في اللتر؟ وهل موتورها محترم لدرجة الاعتمادية؟
دول أهم نقطتين بالنسبة للساجا مخليني أتردد فيها

اقتباس:

---

المشاركة الأصلية كتبت بواسطة alaa7sh

أنا دماغي بتلف خلاص :d
أعمل اية يا أصحاب الخبرة ... خلاص بجد هتجنن مش عارف أجيب الفيرنا والا الساجا
طيب اخر حاجة بعد اذنكوا للرجالة بتوع الساجا. استهلاك البنزين في وسط البلد والطرق مزدحمة للأوتوماتيك مع التكييف ومركب 4 بخلاف السائق. بيعمل كام كيلو في اللتر؟ وهل موتورها محترم لدرجة الاعتمادية؟
دول أهم نقطتين بالنسبة للساجا مخليني أتردد فيها

---

السلام عليكم

حضرتم انزل شوف العربيتين على الطبيعة و اقعد فيهم عشان توصل لقرار سليم و أهم حاجة الاستخارة و ان شاء الله توصل للقرار السليم

من 8 الى 9 كيلومتر فى اللتر داخل البلد بالتكييف والحموله

من 9 الى 11 كذلك فى السفر والطرق المباشرة

من 11 الى 14 كم لكل لتر فى السفر بدون تكييف وبالحموله

من 9 الى 10 كم داخل المدينه بدون تكييف

بإختصار استهلاك مشابه لاى استهلاك محرك 1600 سى سى

الاعتماديه ماتقلقش منها

التكييف بيأثر أه وبيقلل العزم بس مش للدرجة اللى تخليك تاخد بالك منها الا لو ركزت اوى اوى فى صوت المحرك وعدد لفاته ومش بتعدى 5%

لازم تركب الاتنين وتشوف بنفسك على الواقع وانت لو من اسكندرية اهلا وسهلا ساجتى تحت امرك

وفى الاول وفى الاخر إستخير ربنا وهو خير معين

اقتباس:

---

المشاركة الأصلية كتبت بواسطة ale4hy

انا معجب جدا بالساجا
وان شاء الله ناوى أجيبها بعد الامتحانات عربية محترمة جدا جدا ومش واخدة حقها
بس أول مشكلة هى قطع الغيار وعدم توافرها وغلوها فى التوكيل
ياعنى عيب العربية توكيلها
بس برضه انا متمسك بيها

---

مبروك عليك مقدما العربيه واحسنت الاختيار
ماتقلقش من موضوع قطع الغياره ده
المستهلاكات والصيانات مافيهاش اي مشكله المشكله في قطع الغيار التقيله زي مثلا علبه الركسيون (اللي اختفي تقريبا العيب ده) او مثلا المساعدين بتعد فتره لغايه لما يتغيرو لاكن ارجع واقول اهو في الاخر بيتغيرو والتوكيل بيعترف بوجود العيب مش زي توكيلات تانيه يبقي العيب واضح زي الشمس ويقنع العميل ان العربيه زي الفل

اقتباس:

---

المشاركة الأصلية كتبت بواسطة alaa7sh

طيب أنا غالبا هجيب الفيرنا أوتوماتيك بعد ماكنت هجيب الساجا أوتو خلاص
والسبب: استهلاك الوقود وتنك البنزين القليل و التحميل علي العربية في السفر بـ 5 ركاب بخلاف ما بداخل الشنطة خصوصا ان موتورها 1300
عايز رأيكم لان دي أسباب مهمة خلتني أغير رأيي للفيرنا أوتو. وياريت لو ينفع تعملوا مقارنة عملية وحقيقية بدون تحيز بينهم وأكون شاكر ليكم

---

مين اللي قال ان العربيه ماتستحملش السفر والتحميل
انا سافرت بورسعيد صد رد والعربيه كلها محمله 3 ورا منهم اتنين وزن تقيل ومراتي قدام و3 اطفال غير الشنط اللي في الشنطه ومن غير استراحه في السكه
وكنت ماشي من 120 الي 145 طول السكه ومشغل التكييف
تفتكر عربيه وحشه تستحمل ده
والغريبه بقي ان استهلاكها في الظروف ديه كلها بتكييفها بسرعتها بتحملها عمله 14 كبلو في اللتر
هي مافيهاش مشكله استهلاك في السفر
هي مشكلتها جوه البلد ومش زي مانت متخيل
استهلاكها جوه البلد بعمل 185 في الصفيحه معايا وفيه ناس بتعمل معاهم 200 كيلو في الصفيحه
ياعني تقربيا استهلاك اي عربيه 1600 بس في نفس الوقت بدتيك اداء اي عربيه 1600
عيد نظر في تفكيرك واختار وربنا يوفقك في اختيارك اين كان

اقتباس:

---

المشاركة الأصلية كتبت بواسطة elpasha1

ماتنساش فى المقارنة فى حاجات كتير ضمن المقارنة زى قطع الغيار بالنسبة للفيرنا
رخيصة جدا وموجودة فى كل مكان ( عند البقال) عكس الساجا

---

كلامك مزبوظ 100 في ال100
وده طبيعي جدا بس ليه بقي
بس شوف الفيرنا بقلها كام سنه في السوق والساجا بقلها اد ايه

اقتباس:

---

المشاركة الأصلية كتبت بواسطة alaa7sh

@ spiderloking ... كلامك محترم جدا وعاجبني
بس من رأي ناس هنا قالوا ان العربية لما تكون محمل عليها 5 وأوتوماتيك والتكييف شغال. بتتعب أوي خصوصا في السفر. + بتستهلك بنزين عالي
وياريت حد يعمل مقارنة في استهلاك البنزين بين الساجا والفيرنا في المتوسط يعني. واشوف الفرق بينهم كبير أوي لدرجة تخليني أغير رأيي عن الساجا وماجيبهاش. والا الفرق لصالح الفيرنا في المعقول.

معلش بس دي نقط مهمة أوي بالنسبالي. لأني بجد نفسي في الساجا أوي لانها عربية مميزة ومش منتشرة. وانا بحب العربيات اللي مش مصر كلها راكباها

---

مادام انت مهتم بروضوع السفر اوي كدا يبقي الاستهلاك مش هيسببلك مشكله
وفيه نقتطين يخلو كفه الساجا تكسب المقارنه باكتساح وهما
الثبات لصالح الساجا بفرق كبييييييييييييييييير
فتيس العربيه الاوتو في الساجا من متسوبيشي مش كوري زي اللي في الفيرنا

اقتباس:

---

المشاركة الأصلية كتبت بواسطة ashraf_ibrahim

واعذروا لي مداخلتي انا بس حبيت اوضح الامور ليس الا بخصوص الفيرنا ما بعد 2009 !

---

باشا انت تنور معانا . وماتقولش كدا
وقسم بروتون منور بيك
واكيد منك نستفيد

اقتباس:

---

المشاركة الأصلية كتبت بواسطة megarekab

انا مع راى الاستاذ اشرف ونصيحه منى ليك لوجه الله تعالى لو هتجيب عربية عشان السفر ومعاك اسره يبقى لاتفكر فى بنزين ولاغيره انما تفكر اولا واخيرا فى الامان.....

للأسف ما انصحكش بالفيرنا ابدا ابدا العربية دى مافيهاش غير موتور تسعه على عشره انما الباقى صفر على عشرة خصوصا الامان انا اصحاب وزمايل ليا فى الشغل عملوا حوادث بسبب الفيرنا اللى ماينفعش تجرى بيها فوق المائه كيلو لانك هتلاقى نفسك راكب مرجيحه وولا هتعرف تلمها.... إطلع على طريق اسكندرية الصحرواى وشوف فى كام عربية فيرنا عاملة حادثه

انا مجرد ما خبطت فى رصيف الايرباج فتحت وده معناه امان امان امان ومعايا اسرتى ثلاث بنات ووالدتهم بنسافر اسكندرية القاهرة باستمرار والله ما بحس انى سايق عربية والثبات بتاعها مش هينفع اوصفهولك بس باختصار مهما كانت سرعتك العربية بتبقى مكلبشه فى الارض وياما اخدت ملفات على الضيق وبسرعه عاليه (لوحدى طبعا) والحمد لله ممتازة

العيب الوحيد فى الساجا والحق يتقال هو التوكيل بتاعها بسبب رفعه لاسعار قطع غيارها بطريقه رهيبه لكن المشكله دى فى طريقها للحل ان شاء الله لانى لاقيت فى تجار ابتدوا يجيبوا ساجا متقطعه استعمال الخارج دا غير ان فى ناس كتير اكتشفت ان فى حاجات كتير بتاعه عربيات تانية بتركب فى الساجا زى تيل الفرامل وفلتر الزيت والبنزين

ايه فى الفيرنا يابانى ؟ الساجا فيتيسها وعفشتها يابانى ومحفور عليهم كلمه mitsubishi

هل الفيرنا فيها حساسات ركن فى الخلف؟

هل الفيرنا فيها اير باج؟

هل الفيرنا مجنطة؟

هل الفيرنا فيها امبولايزر؟

هل الفيرنا فيها كاسيت كلاريون ؟

هل الفيرنا مازالت مقنعه ليك؟!!!!!

---

عندك حق في كل اللي انت قلته