الي كل ملاك وعشاق والمهتمين بالساجا

**mememsaid** · 23-06-2011 11:53 AM

انا مبسوط اوي بالنادي بتاع الساجا ومبروك علينا كلنا Proton SAGA Egypt Clup

العربيه ديه اتظلمت كتير وكنت عايز اشوف اي حل عشان ادافع عنها عشان احنا في مصر لما بنسمع كلمه من غير ما ندور علي مدي صحتها بنصدقها علي طول

انا بقترح علي كل ملاك الساجا ان احنا نمسك ان احنا نمسك سلبيتها ونقاط الضعف اللي فيها نقطه نقطه ونحللها ونتناقش فيها واراهنكم كلكم ان اي نقطه ضعف في العربيه بعد مناقشتنا ليها هتكتشف انها نقطه قوه مش ضعف

ده مش دفاع عن العربيه عشان عربيتي لا ده تحليل لعربيه محترمه مش واخده حقها في السوق المصر

يالا ياجماعه واول واحد هيقترح اوق نقطه في العربيه تنكلم فيها لغايه لما نخلصها

**ale4hy** · 23-06-2011 02:52 PM

انا معجب جدا بالساجا
وان شاء الله ناوى أجيبها بعد الامتحانات عربية محترمة جدا جدا ومش واخدة حقها
بس أول مشكلة هى قطع الغيار وعدم توافرها وغلوها فى التوكيل
ياعنى عيب العربية توكيلها
بس برضه انا متمسك بيها

**alaa7sh** · 23-06-2011 02:54 PM

طيب أنا غالبا هجيب الفيرنا أوتوماتيك بعد ماكنت هجيب الساجا أوتو خلاص
والسبب: استهلاك الوقود وتنك البنزين القليل و التحميل علي العربية في السفر بـ 5 ركاب بخلاف ما بداخل الشنطة خصوصا ان موتورها 1300
عايز رأيكم لان دي أسباب مهمة خلتني أغير رأيي للفيرنا أوتو. وياريت لو ينفع تعملوا مقارنة عملية وحقيقية بدون تحيز بينهم وأكون شاكر ليكم

**diaaeldin** · 24-06-2011 01:44 AM

المشاركة الأصلية كتبت بواسطة alaa7sh

طيب أنا غالبا هجيب الفيرنا أوتوماتيك بعد ماكنت هجيب الساجا أوتو خلاص
والسبب: استهلاك الوقود وتنك البنزين القليل و التحميل علي العربية في السفر بـ 5 ركاب بخلاف ما بداخل الشنطة خصوصا ان موتورها 1300
عايز رأيكم لان دي أسباب مهمة خلتني أغير رأيي للفيرنا أوتو. وياريت لو ينفع تعملوا مقارنة عملية وحقيقية بدون تحيز بينهم وأكون شاكر ليكم

شوف يا باشا الاستهلاف فى البنزين فعلا عالى بالنسة ل 1300 سس و لكن العربية بتسحي معك زى ال1500 و ايضا الفيرنا خفيفة فى الطرق السريعة و اتمنى لك التوفيق شكرا

**spiderloking** · 24-06-2011 02:18 AM

المشاركة الأصلية كتبت بواسطة alaa7sh

طيب أنا غالبا هجيب الفيرنا أوتوماتيك بعد ماكنت هجيب الساجا أوتو خلاص
والسبب: استهلاك الوقود وتنك البنزين القليل و التحميل علي العربية في السفر بـ 5 ركاب بخلاف ما بداخل الشنطة خصوصا ان موتورها 1300
عايز رأيكم لان دي أسباب مهمة خلتني أغير رأيي للفيرنا أوتو. وياريت لو ينفع تعملوا مقارنة عملية وحقيقية بدون تحيز بينهم وأكون شاكر ليكم

باشا هقولك علي حاجه اولا استهلاك الوقود بيتظبط لوحدوا انا العربيه مش بتستهلك جامد معايا انا بروح اسكندريه ب 15 لتر يعني 250 كيلوا

ثانيا : التحميل في العربيه حمل براحتك انا كتير بسافر و معايا عدد و العربيه بسم الله ما شاء الله عاليه علي الارض و اعلي من الفيرنا كمان و طبعا ثباتها اعلي من الفيرنا كتييييييييييير

ثالثا : موتور الساجا 1300 بس موتور رياضي انتاج شركة لوتس الانجليزيه اللي بتنتج مواتير الفورميلا 1 عربيات السباق موتور 1300 بس عدد لفات الموتور عالي يقارب ال 1600 في الفيرنا

رابعا : لو هتقارن الساجا الاوتو بالفيرنا الاوتو الساجا هتكسب و انا واثق من كلامي ده و مستعد كمان انزل بعربيتي و نشوف سحب الساجا الاوتو ولا الفيرنا الاوتو الفيرنا في المانيوال انا معاك انها سحبها اعلي بس كمان سحبها اعلي في الاول انما بعد ال 100 الساجا اعلي مواتير البروتون بتعتمد علي السرعات العاليه يعني مع السرعات العاليه فوق ال 100 بتديلك اداء احسن كتيير

حضرتك ممكن تدخل معانا كمان نادي ملاك الساجا في مصر علي الفيس بوك و تعرف اكتر عن العربيه

Proton Saga Egypt Club

**elpasha1** · 24-06-2011 03:00 AM

المشاركة الأصلية كتبت بواسطة spiderloking

رابعا : لو هتقارن الساجا الاوتو بالفيرنا الاوتو الساجا هتكسب و انا واثق من كلامي ده و مستعد كمان انزل بعربيتي و نشوف سحب الساجا الاوتو ولا الفيرنا الاوتو الفيرنا في المانيوال انا معاك انها سحبها اعلي بس كمان سحبها اعلي في الاول انما بعد ال 100 الساجا اعلي مواتير البروتون بتعتمد علي السرعات العاليه يعني مع السرعات العاليه فوق ال 100 بتديلك اداء احسن كتيير

proton saga egypt club

ماتنساش فى المقارنة فى حاجات كتير ضمن المقارنة زى قطع الغيار بالنسبة للفيرنا
رخيصة جدا وموجودة فى كل مكان ( عند البقال) عكس الساجا

**spiderloking** · 24-06-2011 03:18 AM

المشاركة الأصلية كتبت بواسطة elpasha1

ماتنساش فى المقارنة فى حاجات كتير ضمن المقارنة زى قطع الغيار بالنسبة للفيرنا
رخيصة جدا وموجودة فى كل مكان ( عند البقال) عكس الساجا

صح كلامك فعلا بس انا جاوبتوا في النقاط اللي اتكلم فيها بس طبعا الفيرنا تكسب في قطع الغيار و الانتشار و اسعار الصيانات و اوسع شويه من الساجا بصراحه بس في الشكل الساجا احسن كتيير بصراحه من وجهة نظري

**alaa7sh** · 24-06-2011 01:08 PM

@ spiderloking ... كلامك محترم جدا وعاجبني
بس من رأي ناس هنا قالوا ان العربية لما تكون محمل عليها 5 وأوتوماتيك والتكييف شغال. بتتعب أوي خصوصا في السفر. + بتستهلك بنزين عالي
وياريت حد يعمل مقارنة في استهلاك البنزين بين الساجا والفيرنا في المتوسط يعني. واشوف الفرق بينهم كبير أوي لدرجة تخليني أغير رأيي عن الساجا وماجيبهاش. والا الفرق لصالح الفيرنا في المعقول.

معلش بس دي نقط مهمة أوي بالنسبالي. لأني بجد نفسي في الساجا أوي لانها عربية مميزة ومش منتشرة. وانا بحب العربيات اللي مش مصر كلها راكباها

**sayed911** · 24-06-2011 02:12 PM

استهلاك الساجا يا فندم في البنزين في اول 5000 الآف صعب شوية ولكن بعد كده ها يتعدل كويس جدا زي ما حصل معايا انا والأخ لبيد وبعدين لو عايز مقارنة عادلة ركب 5 افراد في الفيرنا وركب 5 في الساجا وقيس ارتفاع الإكصدامات عن الأرض ساعتها نعرف نقرر مين احسن :d وانا من دلوقتي بقولك الساجا ها تلاحظ فيها هبوط قدره 3-4 سم ويكن اقل وهيا اصلا ارتفاعها عن الأرض مش فاكر الرقم بالدقة المطلوبة ولكن الهبوط مش ها يعمل اي نوع نهائيا من انواع المشاكل !! وعلى فكرة في عضو معانا هنا كان مسافر بيها فيها اربع افراد معاه !! والتكيف شغال وكانت جايبة الـ 200 عادي جدا يا فندم !!! الموضوع المفروض بتقارن اوتو مقابل اوتو !! استهلاك البنزين في الساجا مش سئ لدرجة تجعلك ترب منها !! هوة عالي أه بس علي لدرجة كأن العربية 1600 يعني اللي وصلتله انها مثلا بتعمل مع غالبية الأعضاء 100 كيلو في الـ 10 لتر !! انا عملت معايا فترة 9 وفيه ارقام متفاوتة كتير جدا يا فندم ..

**Ashraf_Ibrahim** · 24-06-2011 03:04 PM

مداخلة بسيطة جدا
الناس اللي بتقول ان الفيرنا ارتفاعها اقل من الساجا الكلام دا كان مثبت لحد موديلات 2009 فقط لا غير
بداية من موديل 2010 الفيرنا اعلى مما كانت عليه والشكمان كمان اترفع اكتر من الموديلات اللي فاتت وارتفاع العربية بقا كويس جدا
وانا عن نفسي بكون مسافر ومركب فيها 6 افراد ولا عزاء لأي مشاكل بتقابلني في الطريق الحمد لله سواء من سحب العربية او التكييف او الارتفاع في المطبات او ما شابه
انا مش ضد الساجا
انا سقتها قبل كدة وعارفها ولها مني كل احترام
دي بس كانت كلمة حق تتقال للفيرنا ليس الا

الموضوع: الي كل ملاك وعشاق والمهتمين بالساجا

LinkBack

أدوات الموضوع

عرض

الي كل ملاك وعشاق والمهتمين بالساجا - انشر الموضوع فى :

-

-

-

-

-

المواضيع المتشابهه

نداء الى كل ملاك وعشاق كيا سول مصر

فقط .. المحبين والمهتمين يدخلوا .. مقــــابلة قــريبة باذن الله لقســم نيسـان

رابطة ملاك وعشاق الالنترا 2005-2006 الشكل القديم

مطب شديد بالساجا

موعد للقاء ملاك وعشاق فولكس

الكلمات الدلالية لهذا الموضوع

المفضلات

المفضلات

ضوابط المشاركة