[youtube]http://www.youtube.com/watch?v=WXralocMtHk[/youtube]
[youtube]http://www.youtube.com/watch?v=WXralocMtHk[/youtube]
سيبك الأول من عمرو أديب و شردي و المعدين غلطوا و الا لأ
لكن واضح ان عبد الرحمن اضرب في عصب ضربة قوية...مصري قطري
كان ممكن يحرجهم بصورة أشيك بكتير لكن الغضب سيطر على تفكيره و ملقاش طريقة ينفي فيها اللي جاء في التقرير
لا يا باشا
الموضوع مش مصرى قطرى
لانه فعلا كان معاه جنسيه قطريه
المشكله انهم قدموه
عبد الرحمن يوسف القرضاوى الابن السادس للشيخ يوسف القرضاوى
وهى ده الى بتجننه ليه ؟
مش عارف؟
وراجع كل كتاباته
هتلاقيها عبد الرحمن يوسف !!!
انا مش فاهمه كده
انا عايز حضرتك تستفيض عشان يهمني اعرف
بيتنرفز جدا من اضافه لقب القرضاوى
مش فاهم
عدم اقران نجاحه لوالده
عدم احراج والده
خلاف مع والده
اختلاف المنهج
عقده نفسيه
صراحه مش عارف افهمه
لا يمكن ان يكون مصري قطري لان
دول الخليج لا تسمح بازدواج الجنسية ،
صرح اليوم على موقعه
بالتنازل عن الجنسيه القطريه
منقول من ياهوو
وشهادته من قطر
أزمة على الهواء في القاهرة اليوم مع الشاعر عبد الرحمن القرضاوي
شارك هذا على...
- البريد
شبكات إضافية
شارك هذا عن طريق البريد الإلكتروني...
- شارك
- شارك 432
- تويتر 5
- أعجبني 53
- طباعة
- أرسل
http://news.makcdn.com/image6334798_320_235/340X297.jpg
http://news.maktoob.com/files/imagef...16/feature.jpg 2011/6/23 الساعة 11:15 بتوقيت مكّة المكرّمة
http://i1.makcdn.com/images/news/images/newhp/plus.gif http://i1.makcdn.com/images/news/images/newhp/minus.gif
بسبب اختلاف على طريقة تقديمه تفجرت أزمة بين الشاعر عبد الرحمن يوسف القرضاوي ومقدمي برنامج القاهرة اليوم على شاشة اليوم في شبكة أوربيت عمرو أديب ومحمد مصطفى شردي مساء
الأربعاء.
فبعد تقرير تقديمي للشاعر والإعلامي رد نجل الداعية الإسلامي يوسف القرضاوي قائلا "أحب أسجل اعتراضي على التقرير السخيف المعمول الذي لا يعبر عني".
وتركز اعتراض القرضاوي على تقديم التقرير له على أنه مصري-قطري قائلا "أنا مصري ولست مصري قطري، وثلاثة أرباع كلام التقرير لا يعبر عني ولا يمثلني بأي شكل من الأشكال"، وكان شردي عقب على التقرير وقدم القرضاوي بأنه شاعر مؤثر في الساحة الإعلامية المصري عبد الرحمن يوسف.
وانتقل القرضاوي من الهجوم على التقرير إلى معديه قائلا "عيب أن يكون لدي موقع بلغ زواره 12 مليون ولا يكلف معدو البرنامج أنفسهم مشقة الدخول لمطالعته".
فرد شردي مدافعا بأن طاقم الإعداد اعتمد على معلومات موقع موسوعة ويكيبيديا، ويذكر أن ويكيبيديا يتيح لأي من مستخدمي الموقع المسجلين تحرير البيانات دون مراجعة لصحتها.
ومع تصعيد القرضاوي هجومه خاطب مقدمي البرنامج قائلا "إذا المعدين عندكم لديهم مشكلة أنا على استعداد لتعليمهم الإعداد" فطالبه عمرو أديب بالتراجع قائلا "لأ حضرتك لا تتهجم على المعدين" فأجاب "خلاص أنا ممكن أمشي (أذهب)" فوافقه أديب "أوك أمشي".
وواجه البرنامج أزمة تغطية المساحة الفارغة عقب رحيل القرضاوي بإعادة الشيخ عمر عبد الكافي لتقديم الفقرة التي سبقت التقرير الأزمة.
وفجرت الأزمة فيضان على مواقع التواصل الاجتماعي ما بين مؤيد لعبد الرحمن الذي رأى كثير أن من حقه الغضب على التأكيد على كونه نجل للشيخ القرضاوي وهو ما يرفضه دوما، كذلك الإصرار على وصفه بالقطري، فيما أيد آخرون أديب لإيمانهم أن يوسف تمادى في اعتراضه.
ونشر الشاعر على موقعه الرسمي صباح الخميس بيانا يحدد فيه أسباب انسحابه من البرنامج والتي تركزت في اعتراضه على طريقة تقديمه وفي تعريفه على أنه مصري قطري.
ولم ينف يوسف حمله للجنسية القطرية لكنه أكد تنازله عنها اعتزازا بجنسيته المصرية مع التأكيد على احترامه للشعب القطري ولما قدمته له قطر خلال عقدين من الزمان، وقدم يوسف في النهاية اعتذارا لمن آذاه الشجار لكنه أكد أنه لم يكن لديه بديل.
اللي حصل انبارح بصراحة مفهوش ريحة الادب
التقرير فعلا اهانة وواضح جدا لذق اي حاجة فيه والتركيز علي انه قطري , مع ان الراجل وطني جدا , وبيشتم فى مبارك وعيلته من زمان اوي , على عكس عمرو اديب المنافق هو واخوه عماد اديب
الشاعر :عبد الرحمن يوسف يروى ماحدث معه فى برنامج القاهره اليوم ويصدر بيان فى الفيس بوك
بيان لمن يهمه الأمر
بيان لمن يهمه الأمر هذا بيان لمن يهمه الأمر بخصوص ما حدث في برنامج (القاهرة اليوم) على قناة أوربت ليلة الثالث والعشرين من يونيو 2011 . أحب أن أوضح الحقائق التالية : أولا : أنني ذهبت لهذا اللقاء برغم ضيق وقتي ، بعد إلحاح من المعد ، وذلك احتراما لاسم ال...برنامج ، ولزملاء في مهنة الإعلام التي أتشرف بالانتماء لها . ثانيا : أنني قد اتفقت مع رئيس تحرير البرنامج على أن يتم تقديمي وتعريفي بشكل معين اعتمادا على موقعي الإلكتروني بالطبع ، وليس اعتمادا على الكلام المرسل على الإنترنت ، وهذا أمر معروف بالبداهة ، ولا يحتاج إلى اتفاق ، ولكنني فوجئت بتقرير يخالف ما تم الاتفاق عليه ، ويظهرني بمظهر الشخص المشكوك في انتمائه وولائه ، ويذكر الكثير من المعلومات المغلوطة بل والكاذبة في بعض التفاصيل، ولو أن مقدما البرنامج اعترفا بخطئهما لمرَّ الأمر، ولكنهما أصرا على إظهاري في شكل المخطئ ، وكأنني لا أعرف من أنا ! ، مما أكد لي أنني أمام فخ ، من أشخاص يتصورون أنني فريسة سهلة !!! ثالثا : أنني قد ولدت في دولة قطر ، وعشت فيها عقدين من الزمن ، وحملت الجنسية القطرية في فترة من فترات حياتي ،وهذه مشيئة الله وفعل المقادير، شأني في ذلك شأن كثير من المصريين الذين دفعتهم ظروف أهلهم المادية أو السياسية للعمل بالخارج، ولا يحق لأحد أن يحاسبني على هذه الظروف ، وأؤكد أنني مثل كل مصري حقيقي لا أتنكر لبلد عشت فيه عزيزا مكرما ، فأنا أعتز بقطر ، وبأهلها ، وبذكرياتي فيها ، وبدراستي وتعليمي في مدارسها وجامعتها ، ولي فيها أصدقاء هم أهلي وأصدقاء عمري ، ولكنني مصري أعتز بمصريتي ، ولا أحمل إلا الجنسية المصرية . رابعا : أنني قد تنازلت – مختارا - عن الجنسية القطرية ، وذلك احتراما لنفسي أولا، واحتراما لشعب عظيم منح كلماتي ثقته وتشجيعه ثانيا ، فما كان يليق بي أن أهجو رئيس الدولة السابق مع وجود شبهة احتمائي بجنسية أخرى . خامسا : أنني لم أكن أحب أن يحدث هذا الشجار على الهواء بهذه الطريقة ، ولكني في نفس الوقت لا أقبل أن يشكك أحد في انتمائي لوطني بأي شكل من الأشكال ، وقد دخلت هذا الاستوديو بنفس مطمئنة ، وبثقة تامة في كلمة الذين اتفقت معهم على هذا الحوار ، ولكنني فوجئت بتقرير يسيء لي بشكل لا أقبله ، ولا يقبله أي شخص محترم . سادسا : أحب أن أعتذر لكل من آذاه ما شاهده على الشاشة ، وعذري أنني لم أفعل ما فعلت إلا غيرة على مصريتي التي أعتز بها .. والله يسدد الخطا ... .
عبدالرحمن يوسف .23/6/2011
1-اعداد زبالة ازاي برنامج بيتصرف عليه ملايين بيعدوه من ويكيبيديا!!! دا لو واحد عمل بحث صغير في كلية وكتب في المراجع ويكيبيديا البحث بيتقطع لأن ده مش مصدر موثق واي حد ممكن يعدل عليه
2- انفعال عبد الرحمن يوسف غير مبرر نهائياً كان ممكن يتكلم بهدوء
3- عدم اعتذار المذيعين واعترافهم بخطأهم قلة أدب بصراحة ومننساش عمرو أديب من كام شهر في Arabs got talent لما نجوى كرم قالتله انا همشي قام باسها !! هو يعني علشان عبد الرحمن يوسف مش واحدة جاية بملاية لف يبقى يمشي براحته
على فكرة كلامي لا ينفي ان اديب أخطأ
لكن في وسائل العلام بقى الشذوذ عن القاعدة انك تبقى حرفي
لكن أديب عايز يستفزه من البداية ليه و المفروض انهم ماشيين في سكة واحدة؟؟
بصراحة الأخ عبدالرحمن يوسف ده تنح قوي و كلامة مستفز جدا و مفكر نفسه لما يقولهم أنا ماشي انهم هيقعدوا يتحايلوا عليه و يبوسوا ايده عشان يقعد !!!
بس عمرو أديب عمل معاه الصح.
في حاجة غامضة في الموضوع ده
مش قصدي كده...ده حتى أديب كان بيبصلوا باستغراب
لكن بص على كلام عبد الرحمن يوسف في موقعه...عايز يقول ان اللي حصل في التقرير متعمد لاحراجه ادام المصريين
فأنا سؤالي ليه أصلا يكون ده هدف البرنامج و انت من الشخصيات الغير معارضة على الأقل..لأفكار و توجتها برنامج أديب؟!!!!
ده اللي عايز أقوله
بص كده:
اليوم السابع | اعتذار من السلفيين (1)
اليوم السابع | اعتذار من السلفيين (2)
عبدالرحمن يوسف طلع مغرور جداً ومكنتش فاكره كده
حتى اسلوبه فى نقد المعدين كله جليطة ملهاش معنى
بإختصار القضية كلها مسلسل
لن أعيش في جلباب أبي
بعد التفصيل وتوضيح الصورة بالمقال ده والربط بينه وبين الفيديو
+1
لأني ماعرفوش وأول مرة بصراحة أسمع عنه وهو مفترض أن كل المتفرجين يعرفو من هو وكان رده بناء على كده فرئي أنه غلطان علشان أنسحب دون التوضيح بقدر كافي لوجهة نظره ده غير أسلوبه كان تهكمي
وعمرو أديب غني عن التعريف ماهو ألا أنسان بوشين 3
من أبتدء بالغلط هو البرنامج نفسه بمعديه بمقدميه وأنزلق للغلط معهم الشاعر وأحساسه بالفخ المعد ليه وأغلب الظن أنه يعرف في نفسه خبرته القليلة كمحاور جعله يفضل الهروب من المواجهة ألي كانت غالبا ستضعف من موقفه أن أكمل البرنامج.
هو انا حسيت ان الاخ عبد الرحمن يوسف زى ما يكون حد داس على جرح بيوجعة وبيدايقة ومش عاوز كلام فى النقطة دى
سواء بقى المعدين غلطو او مغلطوش هو شكلة الموضوع بالنسبالة جرح هههههههههههه ومقدموش رد غير كدة والى عملة
ولو مكنش بالنسبالة جرح او حاجة بتدايقة كان قال والله يا جماعة الموضوع فى غلط بس عاوزين نصلحة بطريقة عادية ولطيفة ومشيت الامور
وانا شايف عمرو اديب مقالش حاجة اصلا عاوز امشى قالة اتفضل امشى هيعملة اية يعنى يتحايل عالية يقعد
وكمان والنبى واحد بالطريقة الى بدا بيها الكلام دى لو حد كان وجهلة سوال مش على مزاجة كان هيبقى ردة ازاى
فريق الاعداد وشردي وأديب غلطانين
بس عبد الرحمن كان مشحون زيادة وضيع حقه
انا شخصياً ملتمس له العذر
شردي وأديب رفضوا الاعتراف بالخطأ الواضح وضوح الشمس
ولو كانوا اعتذروا فعلاً كان تم تدارك الموقف وكانوا قدروا يمتصوا غضب يوسف وكان كمل الحلقة
عمرو اديب
بالامس قبل 25 يناير قالها بصراحه انا مبحبش الاخوان
اليوم بعد 25 يناير الاخوان منظمين حلوين
عمرو اديب
استفزازى لدرجه الغرور ولا يعرف ويقدر المواقف الحوارية
هدور لحضراتكم على فيديو كان مجتمع مع اثنين من شيوخنا منهم اللى اذكرة جمال قطب والرابع امراه بشعر اصفر تضع قدم على قدم
وسبحان الله جته مداخلتين روقوه على الاخر
انا بعلنها صراحه انا لا احب عمرو اديب بيكبر فى حجمه اكبر من اللازم وخصوصا الايام ده
بالرغم من ان الشاعر عبد الرحمن تمادى في غضبه ولكن نلتمش له العذر فهو غاضب !!!!! و الغاضب مش عارف بيقول ايه
اما المعدين فهم فعلا مش كويسين يعني الراجل يقولهم هتقولوا عني كذااا و هتدخلوا على موقع كذا تجيبوا منه اللي هتقولوه عني لانه شخصيه مش معروفه قوي و اهتماماته كتير يقوموا جايبين كلام تاني خاااااالص فده اعتبره فشل
اما عمرو اديب فده لا اعتبره مذيع خااااااااالص لانه عباره عن برنامج زعيق و رغي و تريقه على كل ما هو اسلامي بالاضافه الى انه راجل المفروض انه مذيع محترف و له برنامج و له سمعه و فجأه الضيف غضب جداااا يعمل ايه ؟؟؟ يمتص غضبه او يدي فاصل و يشوف اللي حصل لا !!!!!!!!! ده قاعد يتفرج على عبد الرحمن وهو مضايق زي ما يكون بيتفرج على ماتش مش المفروض انه المذيع وانه المتحكم في البرنامج ولا هو قاعد بيتفرج عليه !!!!!!!!!!!!!
برغم الغضب الشديد اللي حصل لعبد الرحمن الا ان عمرو هو الغلطان لانه كان ممكن يلحق الموقف انما هو قعد يتفرج فقط ولما اتكلم قاله متشتمش المعدين !!!!!!!!!!!
1- عبد الرحمن يوسف شخص مناضل بلا إختلاف
2- عمرو أجيب والتباع بتاعه شخص هجاص
3- عمرو أديب دوره في البرنامج ليس الوصول للحقيقة وإعطاء كل ذي حق حقه ولكن دوره الوحيد الذي يحترفه هو رفع شأن أشخاص وإهدار كرامة آخرين ويستخدم في ذلك أسلوب التهجيص والتهريج وسوء الأدب في الحديث
ولو عايزين نقيم اسلوبه نقيمه بمحاوري الجزيرة ومنهم مصريين زي أحمد منصور وبيحاول في برامجه إنه يعصر الضيف ويعتبر نفسه عدوه في النقاش حتى لو كان متفق معه في المبادئ - لكن بيحاوه بأدب ولباقة وحوار هادف - وغيره من محاوري الجزيرة ستات ورجاله تحس إنهم راقيين
4- الواضح إن عبد الرحمن كان متوجس ومتأهب لأي محاولة للتقليل من شأنه أو تشويه صورته ولذلك اول ما شم ريحة تهمة مخفية كانت تدعى عليه في السابق بأنه يعارض مبارك بكل شجاعة إحتمائا في جنسيته القطرية وفي مكانة والده
ولذلك اول ما توجس هذه المحاولة تعصب وخرج عن السيطرة وواجههم بمخاوفه بقوة ربما تكون أكثر من اللازم
وبما أن زمام المبادرة مهما حصلت ستبقى في يد المذيع الصايع والتباع ومعدي البرنامج فلذلك كان من الصعب عليه أن يلقنهم درسا في الأدب هم لا يعنون به أصلا ولا تفرق معاهم والفيديوهات على النت مليئة بحقارة هذا الأديب ولم يكلف نفسه بالتنحي هو الآخر
5- أعتقد أنه من المفروض بعد الآن أن يمتنع المناضلين عن الظهور في القنوات والبرامج الغير محايدة والإكتفاء بقناوت مثل الجزيرة و25 يناير والحوار اللندنية والبي بي سي والمستقلة والكثير من القنوات الحرة المحايدة التي بحق تستاهل أن يدعموها بوجودهم فيها بدلا من دعم هذا القنوات الصفراء
أعوذ بالله من الكبر...في ناس كتير اخدت حجم اكبر من بتاعها بعد الثورة . ومش هنسى كلمة يحيى الجمل لما كان عبد الرحمن بينتقده ورد عليه يحيى الجمل وقاله : المشكلة يا عبد الرحمن ان في شباب كتير صغير اخدهم الغررو والكبر.
وبعدين أيه المشكلة لما قالوا حقيقتك انك قطري؟ حتى لو تنازلت عنها فكان ممكن تقول انا تنازلت عنها خلاص..وخلص الموضوع. انما طبعا لانه عارف كويس ان كلمة قطري = اسرائيلي و ان ابوه هناك قاعد معاهم يولعها ضد الكل مصر وسوريا وليبيا والسعودية ومستجرأش يقول حرف واحد على قطر فبالتالي حاجة تعرررررررر انه يكون معاه جنسية قطرية.
بحب اشعارك اه قبل الثورة...انما حاليا انت صفر يا عبد الرحمن.
عمرو اديب اتصرف بإحترام والراجل مغلطش ابدا...رغم اني مبطيقش عمر لكن فعلا الراجل محترم ومغلطش نهائياً.
المهم
انا اى حاجه فيها عمرو اديب حتى لو منطقش بكلمه يبقى عمرو اديب ده عاو ز يولع وهوا الغلطا!!!!!!!!!!!!
هوا الراجل عمل ايه
واحد اتكلم باسلوب قمه فى قله الادب وقمه فى السفاله
وكان الرد بكل احترام يبقى فين المشكله !!!!
انا رايي قلة قدب من عبد الرحمن يوسف كان يوضح وجهة نظره بادب مش تقرير سخيف وانا ممكن اعلمهم
وفاكر نفسو ملك العالم ولما عمرو اديب قالو ما تهاجمش المعدين قالو طب همشي قالو امشي هيقولو ايه يعني ؟
ازاى المفروض ان عمرو اديب يبوس ايده ويقوله ابوس جزمتك استنىاقتباس:
انا رايي قلة قدب من عبد الرحمن يوسف كان يوضح وجهة نظره بادب مش تقرير سخيف وانا ممكن اعلمهم
وفاكر نفسو ملك العالم ولما عمرو اديب قالو ما تهاجمش المعدين قالو طب همشي قالو امشي هيقولو ايه يعني ؟
لو حد دخل على الموقع بتاعه
وعلى الفيس او التويتر هتلاقوا ال 2 مليون بيشتموا فيه
ديه قله ادب وبربنا
عمتا انا مش عارف الناس مستحمله تشوف عمرو اديب ده ازاى ده اول ساعه الا ربع فى البرنامج بتاعه عباره عن رغى عشان يقولنا وجهه نظره العبقريه الفظيعه اللى طبعا متهمش حد
ثانيا عمرو اديب ده كل همه انه يطلع التيار الاسلامى مبيفهمش وناس متخلفين ومعندوش اى احترام او اسلوب فى اداره الحوار ده واحد طلع بفلوسه على الشاشه
فس حاجه مهمه ان عمر اديب متحول من المتحولون وكلنا عارفين
وهودائما عبيط في كل حاجه وغاكر نفسه واكل السمكه وديلها
وهوغاوي يشوه كل شئ
انا شايف ان عبد الرحمن يوسف راجل نضالي وفيها ايه انه قطر هو كان بايده
كفايه انهكان في التحرير واتنيين بياكلو عيش علي قفانا ----- وبعدين ده اتفاق انا قلت للك المقدمه تكون بشكل معين
تقوم تغير لكيد في غرض ما
وبعدين هانروح بعيد في الحلقه بتاعة حازم ابو اسماعيل الاعداد برضه كان مصر انه تربي في احضان الخوان وعما يلزق ليه اي حاجه
هو عمر اديب طول عمره تافه
للأسف هي دي الحقيقة المرة
أنا متابع عبد الرحمن من 8 سنوات ومنهحه انت لخصته في الجملة دي
هو رافض كل حاجة من ريحة أبوه ... وياريت ابوه يلحقة لأن أنا خايف عليه من زمان بسبب منهجه واعجابه بنفسه
ربنا يهديه
بس ده ما يمنعش ان هتيف الدرجة التالتة عمرو أديب أسلوبه أغبى من الغباء ونفس الحركة عملها في حلقة حازم أبو اسماعيل بس حازم ابو اسماعيل مؤدب
+11111111111
واضح جدا ان عبد الرحمن يوسف هو واحد من ناس كتير ظهرت خلال الثورة و اعتتبرت نفسها رموز للثورة و بالتالي هم فوق اي نقد و من حققهم التطاول علي الجميع باعتبارهم من مناضلي التحرير
انا زي معظم الناس مش باحب عمرو أديب بس بصراحه اللي عمله امبارح كان أقل واجب مع المغرور المتعجرف اللي اسمه عبد الرحمن يوسف
و انا لا أعرف اذا كان في خطأ من المعدين ام ان هذا مجرد ادعاء من عبد الرحمن يوسف علي اعتبار انه فاكر ان الموقع بتاعه ابو 12 مليون "بني ادم" معروف للجميع و هايظهر في نتائج البحث قبل الويكيبديا
القضية مش في الخطأ و لكن المشكلة في الاسلوب المتعالي المتغطرس اللي تكلم به لمجرد انه فاكر نفسه من ابطال التحرير
يعني ايه يقول له لا تتهجم علي المعدين يروح التاني يقوله يبقي هامشي!!!! يعني يا اشتم البرنامج براحتي يا أزعل و امشي....طب غور في داهية!!!
الموقف ده زي ما تكون راكب عربيتك و تكون بتتكلم في التليفون او سرحان و تحك في اللي قدامك (خلاص انت غلطان ) و تكون نازل تتأسف و تعرض انك تصلح عربيته....تبص تلاقي التاني نزل من عربيته و رزع الباب و قي وسط الشارع وقف يجعر و يقولك " انت ما بتشوفش يا ابن ....." هاتعمل ايه؟؟؟هاتقول اصل انا غلطان يبقي لازم اتغاضي و اعتذر و لا هاتنزل و توقفه عند حده؟
ممكن يكون في خطأ حصل من معد البرنامج...لكن عبد الرحمن يوسف كان في منتهي قلة الأدب و الوقاحة
و عمرو أديب لبسه صح و هو يعتبر طرد و ليس انسحاب