الموضوع: انطباعي عن زيارتي للجين 2

من كتر ما قرأت عن الجين 2 هنا ف المنتدى كنت بفكر اشتري نيو اكسنت وقفت كل شىء لحد ما اشوف موضوع الجين 2
المهم رحت اليوم توكيل عز العرب اللي فشارع زاكر حسين
اتفرج على السيارة وبشرح وافي من مندب البيع
انطباعي عنها ما يلي
1 - خامات الفينش من زراير و مؤشرات و زراع النور و قربه الميه و بعض الاجزاء اللي لها علاقة بالمياه و الضفيرة بالسيارة ( سيئة الصنع و الخامه)
2- صالون السياره واسع جدا عكس ما يقال ان الكنبه الخلفيه ضيقة
3 - الكماليات بالسيارة رائعة:
2 فوج لايت امامي و2 خلفي
الزجاج الخلفي و المرايات لهم مزيل شبوره
نور التابلوه بيعلى ويوطى حسب راحتك
امكانية تعليه وتوطية اتجاه نور السيارة
كاسيت سي دي
الفرش البيج من هنا ورايح سيكون لونه اسود
الكراسي منتهى منتهى الراحة في الجلوس وفي هذه بالذات تتفوق على معظم السيارات
الجنوت ونوع الكاوتش ممتاز
امكانيه توسيع الشنطة بطي الكنبة
حساس خلفي بالسيارة للركن
2 اير باج

4- السيارة تصميمها رائع
5 - بناء على كلام مندوب البيع بالتوكيل ان بروشور السيارة مكتوب به استهلاك السيارة من البنزين 5.9 لكل 100 كيلو لكن المندوب قالي ان استهلاكها من البنزين 170 في الصفيحة داخل المدينه 250 على الطوالي
6- الناس ف التوكيل عارفين ان فيها abs اما حكايه ال adb ولا ال dbe ده فميعرفوش اذا كان فيها ولا هما مسمعوش عنه اصلا
7- بناء على الكلام مع المندوب حتى السنه الماضيه كانت الصيانه سيئه الصيانه دلوقتي ممتازة والناس اللي فالضمان شايفين شغلهم تمام
8- السيارة 2007 فيها مشكلة في الفرامل واتعالجت ف 2008
9-السيارة اللي بتنزل بره بموتور مختلف مش حتنزل هنا ابدا عشان السعر
10 - شهر 9 و 10 سيشهد نزول 6 موديلات من بروتون هما نيو واجا و بريسونا وجين 2 و ويرا موديلين تانين نسيت اسمهم منهم واحده هاتش باك صغيرة

----وانا خارج من عندهم وقفت امام سوبر ماركت لقيت شاب بيركن ب جين 2 سيلفر سألته معاك من امتى قالي من شهر 6 الماضي
- عامله معاك ايه قالي بروح الصيانه في مواعيدا بس يعني مفيش مشاكل تانيه خالص بس هما اخر مرة قالولي تعالى نغير لك ماستر الفرامل عشان فيه عيب فهروح لهم يوم الاحد ( كلام مطابق لكلام المندوب ف التوكيل)
- انا كان ليا ملاحظة مكناش سامعين بعض من صوت الموتور اللي سايبه داير عالي جدا مش موضوع زائير اسد ده اسمه نعير كراكه مع ان صاحبها بيقول موتور وعفشه زي الفل
اسف للاطالة ولكم تحياتي