اولا : الخبر

#0a0a0a

شرف يقرر إلغاء المجلس الاستشاري الدائم التابع لرئيس الوزراء

د.علي الغتيت


قرر الدكتور عصام شرف رئيس مجلس الوزراء إلغاء المجلس الاستشاري الدائم التابع لرئيس الوزراء وإلغاء تعيين الدكتور علي الغتيت رئيسا لهذا المجلس.

صرح بذلك الدكتور أحمد السمان المستشار الإعلامي لرئيس الوزراء.



#0a0a0a

و في الأهرام

على الغتيت

تأكيدا لما نشرته "بوابة الاهرام" صباح اليوم، قرر الدكتور عصام شرف رئيس مجلس الوزراء، الغاء المجلس الاستشارى الدائم التابع لرئيس مجلس الوزراء، والغاء تعيين الدكتور على الغتيت الذى كان رئيسا لهذا المجلس.صرح بذلك الدكتور احمد السمان المستشار الاعلامى لرئيس الوزراء.

#0a0a0a

ثانيا : التحليل بقى , و هو مجموعة اقوال و آراء لمجموعة من النشطاء , انا ناقلها لكني مقتنع تماما بيها

إبراهيم عيسى:عصام شرف طلب تغيير 13 وزيرا ورفض المجلس العسكري؟ بدعوى أن التغييرات ستحدث بعد الأنتخابات فخفض إلى 6 ورفض آيضا


سمعت أخبار عن حل هيئة مستشاري رئيس الوزراء كلها، هل ده صحيح؟ شرف أكيد مش هيرفد مستشاريه اللي منقيهم بنفسه، دي عمايل الجيش و الجمل

كده الصورة وضحت، شرف حاول يخلص من الجمل و يغير أغلب الوزراء، و الجيش رفض، حاولوا يتفاوضوا على تغيير أصغر راح الجيش قلب و شال الناس المحترمة

اللي بيحصل الأسبوع ده انقلاب عسكري على الوزارة رغم أنها وزارة ضعيفة و مش عاجبانا لكن القادم أسوأ، هنفضل كده لحد امتى؟

كده لا معنى لاستمرار شرف، و لازم نبدأ دعوة حقيقية لأنه يستقيل و ينزل معانا الميدان و نحشد لمواجهة كبرى يوم 8 يوليو، هل يتوقف الخلاف العبثي؟

أنا موافق أن الانتخابات جزء من الحل، بس انقلاب الجيش على الحكومة اللي هو أصلا مكبلها معناه أنه لا يقبل أي تدخل مدني في ادارة الدولة

يعني ممكن يسوفوا في الانتخابات أو يحاولوا برضه يفضلوا مسيطرين رغم الانتخابات، أنا مستعجل على الانتخابات بس احتمال المواجهة قائم أيا كان

الجيش بيلاعبنا لعبة الكر والفر يعنى لو الثورة ضاغطة عليهم هينفذو مطالبنا ولكن لو الثورة نامت العسكر هيخربوها

قبل كده كان ممكن نتكلم عن دعمه لكن دلوقتي التكتيفة كاملة، على الغتيت هو الطرف اللي كان بيتفاوض مع المطالب الفئوية مثلا

فيه صراع و ضاري كمان و شرف خلاص انهزم تماما

استقالة شرف شرف له وللثورة

المشكلة هل هو عنده الصلابة الكافية للاقدام على الخطوة دي؟ فيه فرق بين راجل نضيف و راجل شجاع

شوف ازاي نضغط على شرف يستقيل لأن كده خلاص أي مجال لاصلاحات من ناحية الحكومة دي اتقفل، الجيش هيرجع الحزب الوطني بجد

الكلام ده معناه إن شرف مالوش أي سلطات خالص وفي الحاله دي لازم يبرأ نفسه وسمعته ويعلن الحقيقه ويستقيل

دي اللجنة اللي عاملة الشغل اللي بجد، لو فيه أي حاجة نافعة حصلت كانت طالعة منهم لو فيه أي مقترح عاقل طلع و اتركن برضه منهم

اللي قدم حلول للجامعة و الأطباء و طرح قائمة محافظين مقبولة هم (و اتركن كله) و اللي بيفاوض العمال هم، و اللي بينقح جداول الناخبين

إذن إلغاء اللجنة دى مش محرد تطور هامشى .. ده معناه مرحلة جديدة

هنفضل كده لغاية ما تلاقى عتمان رئيس الوزرا والمهدى وزير الاعلام والعسار باقى الوزرا والداخلية اسماعيل الشاعر ولا حتى العادلى