الغاء الدعم عن بنزين 95..رئيس الوزراء ... كلام نهائى

**hossam_elwani** · 07-10-2012 02:14 AM

"قنديل": الحكومة ستلغى الدعم عن بنزين 95

قال الدكتور هشام قنديل رئيس الوزراء، إن الحكومة عازمة على إلغاء بنزين 95، مشيرًا إلى أنه ليس من المنطقى دعم المواطن المصرى لسيارات الأغنياء والدبلوماسيين والأجانب.

وأضاف قنديل فى حوار لبرنامج "مصر الجديدة" الذى يقدمه الإعلامى معتز الدمرداش ويذاع على قناة الحياة، إن الدعم لا يصل إلى مستحقيه، وسعر الأنبوبة يصل إلى 50 جنيها، لافتًا أن سيتم إعادة النظر فى كل أسعار الوقود والسولار.

وأوضح رئيس الوزراء أن الحكومة تعمل على توفير فرص عمل حقيقة للمواطنين، مؤكدًا أن شهرى ديسمبر ويناير المقبلين ستظهر أثار التنمية الاقتصادية للمواطنين.

وأشار إلى أنه تم ضبط 160 مليون لتر سولار قبل بيعهم بطريقة غير قانونية، وتم القبض على أحد موظفى الدولة فى قضية رشوة سولار، لافتاً إلى أن الحكومة تعمل على رفع كفاءة محطات الكهرباء، وأن إجراءات الترشيد توفر لنا 1000 ميجاوات، وتابع القول بأنه سيتم عمل كوبونات وكروت ذكية لتوزيع أنبوبة البوتاجاز والبنزين.

بس عندى سؤال احصائى هو كام عربيه فى مصر بتمشى ببنزين 95 ... وقد ايه الدوله حتوفر لو تم الغاء الدعم كليا من عليه ؟؟؟

**S O P H O S** · 07-10-2012 02:51 AM

فعلا ده حقيقي

**m_adeleid** · 07-10-2012 03:13 AM

مش المهم كام عربيه بتمشي ببنزين 95
المهم الحكومه بتدعم بنتزين 95 بمبلغ قد ايه في السنه؟
المبلغ ده كنت قريته بس مش فاكره دلوقت
بس هوا مستفز بصراحه

**SYD** · 07-10-2012 03:14 AM

ربنا يارب ييسر الأمور وفعلا نفسنا نحس بأثار لنمو الأقتصاد

اما بالنسبة للسيارات التي تسير ببنزين 95 فاعتبر ان كل عربيات مرسيدس ابتداء من 2010 - بي ام 2010 - فولكس التربو واودي وسيات وسكودا (كل مجموعة فولكس التي تحمل tsi) وفولفو وفيات
يعني تقدر تقول بنسبة 60% من كل العربيات الأوروبي ابتداء من 2010 تعمل ببنزين 95
انا شخصيا عربيتي موديل 99 ومع ذلك مكتوب في الكتالوج بتاعها توصية باستخدام بنزين 95 فما بالك بكل سيارات فولكس ابتداء من 2000
انا بس قولتلك 2010 عشان تكون مشاركتي مؤكدة بنسبة 100% لكن لو بحثت وراء كل سيارة من المصنعين الوارد ذكرهم يمكن تلاقيهم بينصحوا بيه من قبل 99 كمان
بس انا شخصيا مش هضحك عليك - انا بستخدم 92 لأن عربيتي كلها علي بعضها ماتجيبش نص ثمن فتيس اي عربية فولكس موديل 2010 يبقي ازاي هحط 95 - انا لو هغير الموتور كل 3 سنين اوفرلي من استخدام 95 علي طوول علشان احافظ علي الموتور

**ahmedwagdy03** · 08-10-2012 09:47 AM

مبلغ الدعم اللى حيتوفر حوالى 300 مليون جنية فقط على حسب كلام حازم الببلاوى الوزير السابق.
أما العربيات اللى بتستعمل بنزين 95 فهى جميع العربيات الحديثة ذات المواتير التى تعتمد على نسب الإنضغاط العالية مثل مواتير tsi فى الفولكس . بالبلدى المواتير ذات السعات القليلة و التى تعطى خرج قدرة عالى
مثلها أيضا الكيا سبورتاج 1600 الجديدة و نوعية السيارات suv مثل سوبارو xv ...ذات مواتير أقل من 1600 حتى يمكن تسويقها فى مصر

**heba hesham** · 08-10-2012 04:23 PM

المشاركة الأصلية كتبت بواسطة ahmedwagdy03

مبلغ الدعم اللى حيتوفر حوالى 300 مليون جنية فقط على حسب كلام حازم الببلاوى الوزير السابق.
أما العربيات اللى بتستعمل بنزين 95 فهى جميع العربيات الحديثة ذات المواتير التى تعتمد على نسب الإنضغاط العالية مثل مواتير tsi فى الفولكس . بالبلدى المواتير ذات السعات القليلة و التى تعطى خرج قدرة عالى
مثلها أيضا الكيا سبورتاج 1600 الجديدة و نوعية السيارات suv مثل سوبارو xv ...ذات مواتير أقل من 1600 حتى يمكن تسويقها فى مصر

لو فعلا المبلغ اللى هيتوفر من الدعم هيكون 300 مليون جنيه
يبقى فعلا قرار فى محله..بس مهم بقى ان احنا نحس بالمبلغ ده فى حاجات تانية..

**midnightman_74** · 08-10-2012 09:20 PM

المشاركة الأصلية كتبت بواسطة heba hesham

لو فعلا المبلغ اللى هيتوفر من الدعم هيكون 300 مليون جنيه
يبقى فعلا قرار فى محله..بس مهم بقى ان احنا نحس بالمبلغ ده فى حاجات تانية..

بيقولو أن دعم الطاقة ١١٠ مليار جنية ( سولار وبوتوجاز وبنزين وغاز )
يعنى لو بيدعم ال ٩٥ ب ٣٠٠ مليون جنية يبقى حاجة بسيطة جداً

**ahmedwagdy03** · 09-10-2012 10:37 AM

المشاركة الأصلية كتبت بواسطة midnightman_74

بيقولو أن دعم الطاقة ١١٠ مليار جنية ( سولار وبوتوجاز وبنزين وغاز )
يعنى لو بيدعم ال ٩٥ ب ٣٠٠ مليون جنية يبقى حاجة بسيطة جداً

هى حاجة بسيطة بس تعتبر خطوة على الطريق لإلغاء الدعم عن بنزين 92 بعد سنة أو أكثر على أن يكون الرفع تدريجيا أيضا .

ملاحظة : جميع الحكومات المصرية منذ سنة 1978 إستوعبت درس مظاهرات 1977 جيد جدا و أصبحت لا تلجأ لرفع الأسعار مرة واحدة و لكل السلع و كان النظام السابق محترفا فى ذلك حيث كان يلجأ لرفع الأسعار على جرعات صغيرة متكررة حتى لا يشعر بها المواطن فجأة و لكن بالتدريج فيعتاد عليها