الموضوع: Linea T-jet VS megane II hb

المشاركة الأصلية كتبت بواسطة JapRuleZ

الفرنساوى ضايع اصلا

و مين اللى قال كده ان شاء الله ؟
مش معنى ان لينيا تربو طلعت يبقى الميجان بقت تعبانة و ضايعة

طبيعى اللينيا تسبق و مستريح ديه عربية تربو يعنى

و مش معنى كده ان ماتور الميجان تعبان او ضايع .. بالعكس هو مش ممتاز فى الشد بس مرضى جدا و لو موتور ضايع مكانش اكثر من حد يجيب بيه 220+ و هو ستوك

طبعا انا اتكلمت على موضوع الموتور بس انما العربية كثبات و كأوبشنز و كستايل اكيد مش محتاجة كلام من اى حد

المشاركة الأصلية كتبت بواسطة yoko

انا مشككتش في العربيه لكن إنت كان كلامك كمقارنة لأ الميجان واللينيا يتقارنوا وكل واحده هتتفوق في حاجات
أما السرعة أنا مجريتش بيها على سرعات الا نادرا فأكيد إنت أدرى لكني مستصعب ال٢٢٠ لإن العربيه تقيلة والموتور مش مساعد قوي عارف لو أكتر من ال١٦٠٠ أقولك تجبها مستريحة
أنا اللينيا جبت بيها ٢٢٠ بس ده أخرها فعلا ولو الهواء ضدي بتقف على ٢١٥ مبتعديهاش

يا يوكو باشا انا قصدى مفيش مقارنة فى المواتير ما بينهم اكيد اللينيا هتطلع مستريح و فعلا كل واحدة هتتفوق فى حاجات معينة دا كلام منطقى جدا .. بس اللينيا اكيد تتفوق فى الموتور و التسارع ..

السرعة صدقنى تجيب و ممكن تسأل ياسر الصياد انا مرة شفت عنده صورة للعداد كان حوالى 225 .. انا للحقيقة جبت 215 بس كنت حاسس ان لسه فيها طبعا مش كثير بس كنت حاسس انى ممكن اجيب الـ 220 بس الطريق مسمحليش اجيب اكثر من كده .. متهيألى اليوم ده الهواء كان معايا

العربية تقيلة فعلا بس بعد الـ 100 الاداء بيتحسن كثير عن قبل الـ 100

على فكرة انا مش بقول ان الميجان احسن او اوحش من اللينيا بس بصراحة اتضايقت لما لاقيت كومنت ان الفرنساوى ضايع و ديه مش حقيقة فعلا

و الله اللينيا من العربيات اللى انا بحترمها جدا و بحبها و كانت مفروض تبقى هى الاولى فى السوق دلوقتى بس نقول ايه بقى لأوماترا


و ربنا يبارك لينا فى العربيات كلها ان شاء الله