والله انا ماردتش اعقب على الكلام دة لانى مش مقتنع اصلا ان يبقى فرق مابين الجروس والنت 60 حصان كاملة وكمان الفرق مابين المانيوال والاتوماتيك 35 حصان
عرض للطباعة
الله يكرمك راكز في الكلام
110 حصان دول قولنا الاوتوماتيك ورقم تقريبى
الجرى ده نسبة كبيرة على السواق مش العربية وليه ظروفة وحساباته ومش موضوعنا
مين قال انهم بيكدبوا؟!! الماتور بيكون فعلاً بيطلع عدد الاحصنة اللى بيقولوا عليه لكن العدد ده من عند الكرنك مش من عند العجل يعنى قبل مايتوصل بالفتيس ولا الدينمو ولا الباور ولا التكييف ولا اى حاجه نهائى
لو أنت متابع أخبار الهوندا هتفتكر أول مانزلت السيفيك الجيل الثامن في مصر قالك دى 140 حصان وبعديها بشوية قالك لأ دى 125 حصان وفي الأخر هيا على الداينو لا كدة ولا كدة
حاول تقرأ وتبحث وأنت هتعرف المعلومة وتكتسب خبرة
انا بسال حضرتك بعد مبدور على المعلومه
و بستفيد منك طبعا لانك خبره
بس لما ماتور 170 يطلع 110
امال ماتور الجيتا بيتاعى 102 حصان ده بيطلع كام
و ازاى sir ماتور رياضى و هو فى فقد 60 خصان
انا متابع لما جيل الثامن نزل و قالو 140 و كملن الكرولا لمل قالو 135
منين بقا ماتور Sir رياضى و هو بيطلع على الكرنك 110 للاتوماتك مش المانويل كده انا مركز اهو
طيب مش فى جروس و فى نت ياعنى فى الكتالوج بيكتبو 170 جروس
110 نت ولا ايه
سيبكم من لغه الأرقام عشان انا بقول التقريبى وأنتم مصممين انها الفعلى
نفهم ونتطلع من المناقشة دى بنتيجه
المانيوال لو بيفقد قوة في حدود 10-12% الاوتوماتيك بيفقد 15-17%
اللى عاوز يتأكد عملى يطلع الحرفيين يجرب على الداينو ويجيب لنا النتيجة
هو ده مش موضوعنا ولا ليه علاقة باللي بنتكلم فيه بس خليني معاك
جريت مع minicooper S من 60 ل 160 و هوا ورايا بفرق عربية (كذا مره )
جريت مع 325 cope من 0 - 140 و فرق عربيتين
دول اكتر حاجة فاكرهم الباقي كله عربيات عادية
يا عم سمسم ونبي اللي حيسمعك دلوقتي حيقول دا سمسم عربيته 1600cc و سنهوري 1200cc ههههههه
فرق ايه يا عم بس
موتورك B16A بيطلع 170 حصان
موتوري B16A4 بيطلع 174 حصان
كونترولك P2T-A11 بينزل لامريكا على عيني و على راسي كل ما هناك انه مش مقفول على سرعة معينة
لكن مفيش اي حد قال انه اقوي من نفس الكنترول اللي بينزل لمكان تاني في تجميعه للسرعة
كونترولي P2T-y01 هو هو الكنترول بس ده كود المنطقة اللي نازل فيها y01 ده اللي بينزل في الشرق الاوسط
الفتيس بتاعك كوده S4C و فيه LSD و دي حاجه ملهاش علاقة بالتجميع خالص ولا بقصر ولا طول النقله
الفتيس بتاعي برده S4C
و في الاخر تقولي 6.5 من 0-100 و جمبك واحد كمان و مشكلتك انك مش عايز تجربها و تثبتلنا و تكبسنا
خلاص بقى اي حد يقول بقى انا بجمع من 0-100 في 3 ثواني ولما تيجي تقوله وريني يقولك لا والله اصلي مش بحب اقرص عالعربية خلاص والنبي دا اسمه كلام برده ؟؟.......ينفع كده :)
يا جماعة احضرونا بقى في الكلام ده الراجل دا حيموتني ههههههه
ههههههههههههههههههههههههه هههههههههه
انا عمال اضحك على كلامك جدا ياعم هو حد قالك ان عربيتك 1200 سى سى انا بس عارف ان كنترولك مقفول فحبيت اغيظك شوية
عموما كويس والله مش انا لوحدى بقى اللى قطعت المينى كوبر s , بس طلعت اجدع منك واتعادلت مع bmw 330 2010 ب272 حصان حتة واحدة
عموما ياعم الكلام دة لو واحد فتاى بيقول الكلام دة انة جاب ارقام عمرة ماوصلها لكن انا الحمد لله هاكذب لية وبعدين انا مصور فيديو الحمد لله بس ممكن يكون اثبات انا بقول ممكن ولما نتقابل هنعرف ان شاء الله
عموما انا وانا جاى انهاردة خليت صاحبى تانى يجيب 100 كم وانا كمان كنت ماشى على 100 لانى متاكد جدا
اصلى يامان
صباح الخير و يوم جديد من المناهدة هههه
كل ده زي الفل ناقص بقى حاجتين ترفعلنا الفيديو اللي اظاهر عليه مزنوق في موبيلك و مش راضي يطلع منه ههههه
و اول ما نتقابل انشاء الله نجرب بقى .... اه ماهو حاجة زي دي لازم تتجرب كده و نستفيد كلنا و نظبت عربيتنا زي عربيتك كده تجيب 6.5 ثانية من 0-100
وبعدين ركز يا سمسم كنترولي مواصفات شرق اوسط مين قال انه ياباني و مقفول لو قصدق على قصة 180 اللي العربية مكانتشي بتعديها قبل كده فانا كان عندي اسبراتير بايظ و غيرته و ظبتت و جابت 200 مرتاح الحمد لله
و بعدين ما تشوف صحيح يوم تاني للمقابلة عشان كل الناس طالعة مارينا عشان redbull drift event
Based on the dyno graphs examined in this article, we can be quite confident in establishing a reference point for dyno'ed power for the B16A engine. For a manual stock B16A,
The 1G 160ps B16A should deliver around 136ps when dyno'ed on a Dynojet facility.
The 2G 170ps B16A should deliver around 144ps on the Dynojet.
DYNO ??????????what does it mean sorry for being ignorant
ياعم مش انت اللى قولت انة يابانى هو انا جيبت كلام من عندى ولا شوفت حاجة مانت اللى قايل العربية بتحلف ماهى معدية 180 انا زنبى اية , وقولتلى بردة عربية ek4 كدة
انا كل اللى اعرفة انك قولتلى ان الاسبراتير عندك وحش وكنت فاتح الكهرباء على الاخر وقولتلك كدة غلط والمفروض تبقى فى النص دة اللى انا فاكرة صح ياماااااااااااااااااااااا اااااااااااااان
وبعدين 6.5 ثانية 7 ثوانى 7.5 ثانية كل محصل بعضة هات بس حد يعدينا بالتسارع دة غير محرك فوق ال3000 سى سى , مش كدة ولا اية ياصاحبى
باشا صباح الفل
تصحيح بسيط بس :grin54:
ده جهاز بيقيس القوة حصانية والعزم الخارج من المحرك... بس كده صح
في منه بقى بيقيس قوة المتور كده وخلاص في الهوا
وفي منه العربية تتحط عليه العربية كلها عشان يشوف وصل اد إيه للعجل
ابوس اييدك للمرة التانية ماتقولش إن هو ده قصدك بس إنت مبسطها عشان الناس تفهم
افلتها عليك كده :grin54: قلي بقى هتعمل إيه :glasses12:
احمد ياعماد انا بشرح الداينو اللى بتتحط علية العربية وبتتقاس بية قوة محركها وكأنك ماشى على الطريق عادى وبتجرى وعن طريقة بتعرف قوة المحرك وعزمة
ولا بقى جيبت سيرة انواع ولا دة كذا نوع وفية منة كذا وكذا انا مش هعملة موضوع منفصل واقعد اشرح فية
لو عملت اية مش هتعرف تزنقنى ابداااااااااااااااااا والله والحمد لله ههههههههههه
انت اللى بسط الامور شوية وماتعقدهاش لما تلاقينى قولتلك مافيش غير نوع واااااااااااااااااااااااا ااااااحد بس منة ابقى قول الكلمتين دول وسلملى على الداينو ياباشا
ومتهيالى من سياق الموضوع احنا بنتكلم على النوع دة
YouTube - ‪92 Honda Civic SiR II Dyno‬‏
متهيالى كدة انت تاخد بالك كويس يابو حميد
YouTube - ‪0-100 km/h 6.6 seconds Civic 97 hatch with stock SIR engin‬‏
انظر كدة الى هذا الفيديو ياسنهورى واعطنى انطباعك وتعليقاتك
بقولك اية انا فحت المكنة المرة اللى فاتت عشان اجيب التسارع دة ماعنديش استعداد اعملة تانى ماتوزهاش فى دماغى خلينى متعود على اللى انا عودت نفسى علية وداخل على 8 شهور والحمد لله ماجريتش مع حد غير من 100 وانت طالع , وبعدين انا لسة هغير الزيت ومستنى تجربتك فى الماجنيتك
وتاكد تماما ان كلامى ثقة وعمرى ماهضحك عليكوا يعنى انا دلوقتى لو كنت قولتلك جيبتها فى 7.5 ثانية مش كنت هتصدقنى على طول ولا كنت هتطلب اثبات بردة لان انت عارف ان دة الطبيعى
وبعدين انت بتقول ان عربيتك بتجيب من صفر الى 100 فى 7.5 ثانية يعنى باقلها ماشاء الله طبعا 15 سنة بدون ان يقل هذا الرقم , مع كثرة الاستخدام يبقى بردة هناك مشكلة ما وانا مش هاجدلك فى دة لانى عارف الرقم دة وجيبت اقل منة وبعدين انا عمرى مابصيت لارقام النت فى التسارع خالص لانهم ليهم حسابات تانية خالص
عموما هذا لا يفسد للود قضية
ومسيرك تركب معايا العربية وانت طبعا اكيد ليك نظرة فى التسارع والسحب سواء على سرعات عالية او منخفضة وهتعرف كلامى كويس وهتشوف بنفسك فى يوم من الايام
اللى انا ممكن اجربهولك حاجتين :
1- السرعة القصوى اللى انا جيبتها
2- نمشى جنب بعض على سرعة 100 هتلاقى السرعتين زى بعض لو عندك مظبوطة
غير كدة ماوعدكش , او ممكن اعمل التسارع دة بعد تغير الزيت والبوجيهات بسبليت فاير تانى
لا معلش بقى كلامك كان محدد قوي إن الدينو مش بيقيس الماتور فلهوا بيتحط عليه العربية كلها لكن ده داينو ودة داينو
بيتهيألي كده تخلي إنت بالك كويس يا سمسم
وانا زنقتك وإنت برضه مش مقر بكده, صدقني مفهاش أي حاجة وحشة إن المعلومة تكون ناقصة ونكملها
بص بص قول وراية كده
" أنا كتبت معلومة مش كاملة يا جماعة وشخص تاني كملها ودي مش عيب أبدا"
لو مش عايز تكتبها قلها كده بس بينك وبين نفسك على سبيل التجربة هتلاقيها مش بتوجع أبدا والله
اية ياعم اللى انت بتقولة دة .
كلامك اية وقصدى اية والله ابدا انا من بداية المناقشة على موضوع الداينو واللى كان بيقصدة محمد نبيل من كلامة على الداينو دة الجهاز اللى انا جايبة فوق .
واللى انا اكلمت علية الداينو دة ماقصدش غيرة ولا جيبت انواع , هو انت دة كمان هتعمل علية حوار
وبعدين صاحب السؤال قال ياجماعة هو اية الداينو دة ؟
انا قولت بالنص
دة جهاز العربية بتتحط علية وبتم من خلالة قياس القوة الحصانية والعزم الخارجة من المحرك يعنى من الاخر اللى بتوصلك فعلى من الماتور كجزء من سيارة مش ماتور كدة وخلاص فى الهواء الطلق .
دة كلامى ولو انت تعبت نفسك شوية هتلاقى :
1- بتتحط علية العربية : دة معناة اية قولها انت انا مش هقول
2- بيقيس قوة العزم والحصان الفعلية اللى خارجة من المحرك كجزء من سيارة : يعنى افهم من كدة انى بتكلم على دة
وبعدين يااستاذ احمد ماهو احنا لو جيبنا النوع التانى يبقى القوة الحصانية الفعلية لل b16a هتبقى 170 حصان ودة احنا عارفينة مسبقا وبديهى اى حد يبقى عارفة لان دة اللى بيقيسوا علية الشركات المحرك قبل ماتركب فى العربية , يبقى هقولة لية بقى وهجيب سيرتة لية اصلا
ومعلش انا مش شايف ان فية معلومة ناقصة لو فية معلومة ناقصة خلى كدة صاحب السؤال يقول ان فية معلومة عندة ناقصة او اى حد تانى
وانت بقى اللى قول ورايا انا غلطان انا غلطان كان لازم اقرى كويس مشاركة سمسم قبل ماأرد على اى حاجة هههههههههههههههههه
حبيبى قلبى يابو نسمة بردة مش هتعرف توقعنى ياجميل انسسسسسسسسسسسى ياعمرو
إنت ليه محسسني إن أنا بحاربك وخلاص ولا بحاول اغلطك وخلاص
اقرأ إنت بقى كويس مشاركتك ده الي انا عملها اقتباس
هتلاقي إن إنت رادد على نفسك كويس قوي ووفرت عليَّ الرد
مفيييييييش فاييدة
عموما يا سيدي أنا عارف إنك مستحيل تطلع غلطان لإن الناس كلها عارفة مين سمسم
أنا بيتهيألي خلينا مانتناقش أبدا في أي حاجة ليها علاقة بمعلومات عشان إنت بتزعل
احنا برضه هنفضل صحاب إن شاء الله وليك عليَّ يا سيدي على اد مقدر مش هنتكلم في أي حاجة تقنية عشان شايفك بتضايق قوي منها
ولا أقولك :d أرد برضو على الحتة ده عشان اوريك بالضبط إيه المشكلة هنا
صاحب السؤال سأل إيه هو الداينو
الإجابة الكاملة إن الداينو ده جهاز يقيس القوة والعزم وفيه منه بيقيس فلهوا وفيه منه بتتحط عليه العربية إنت بقى قلت في نصك "مش ماتور كدة وخلاص فى الهواء الطلق" ودة اللي أنا قصدي عليه ناقص لإن الداينو في منه بيقيس فلهواء الطلق كده
بص ياسامح خلاص رسالتك وصلت ليَّ واللهِ
أنا آسف وانا غلطان وانا كل حاجة وحشة ياعم
ومتزعلش مش هصلحلك أي معلومة لو أنا كنت عارف إن فيها حاجة مش مظبوطة حتى لو إنت قلت إن السمك بيطير فلهوا لإن مهما رديت مش هأقدر ازنقق
انت عامل مشكلة على اية انا واخد كل الكلام دة بهزار وعادى جدا وبنضحك مافيش اى مشكلة عموما انت لسة معرفتنيش
وبالنسبة لموضوع الداينو عشان اجيبلك فية النهاية
واحد دلوقتى بيقول اية الداينو دة , انا رديت وقلت الكلام اللى انا قولتة انا شرحت النوع اللى يخصنا اللى هو قياس المحرك بعد تركيبة داخل السيارة , لان اكيد الناس كلها عارفة النوع الاول اللى بيقيس المحرك لوحدة فى الهواء الطلق على حد تعبيرى
جئت حضرتك مشكور وقولت لأ انا هكملك معلومة ( على اساس انى مش عارفها يعنى ) طيب انا هاقول النوع دة لية واحنا اصلا بنتكلم من الاول على قياس المحرك بعد تركيب جميع اجزاءة انت مش عايز تفهم الجزئية دية
ياباشا ماتحسسنيش انى بكلم ناس مش عارفة ا ى حاجة دول بسم الله ماشاء الله كلهم بقوا موسوعة وفهموا الدنيا فيها اية خلاص انا بشرح الحاجة اللى الاخ السائل ماكنش عارف موضوع الجهاز ازاى بيقيس المحرك بقوتة الفعلية بعد توصيلة
انت بقى مصعبها على نفسك لية وعامل منها مشكلة لية دة مش هوندا دة داينو والحمد لله الناس كلها عارفاة كويس مش محتاجين ولا انا ولا انت حد يعرفهم بية
والى عايز يعرف بيسال مافيش مانع
وبعدين هو انت ماكنش ينفع تزود وتقول النوعين فى مشاركة منفصلة بدل ماتعمل لمشاركتى اقتباس وتكتب عليها قصيدة وهتفلت ازاى وزنقتك المرة دية لية ياعم دة كلة لما تشوفنى قولت حاجة غلط عقب عليها , لكن انا جيبت نوع من الداينو عايز انت تزود خير وبركة ماقولتلكش لأ ولا منعتك
وانا هعتبر الكلام اللى انت قولتة فوق دة انة ماتكتبش لانى مش عارف انت كتبتة بناء على اية , وانت مش بتحب طلع نفسك غلطان عشان انت سمسم معلش استغفر الله العظيم هو انا نبى مثلا مابغلطش , وانا اصلا عايز اعرف انا غلط فى اية عشان اقولك انا غلط فية
عارف انت عملت زى اية واحد بيسال على موديلات هوندا سيفيك وانا قولتهملة روحت انت رديت عليا كلامك صح بس ناقص لان فية سيتى واكورد , وكذا ....... , طيب ماهو اصلا بيسال على السيفيك اية اللى دخلة فى باقى الانواع دلوقتى
طيب مالراجل اصلا فاهم الاول دة بس مش عارف التانى ازاى بيشتغل وعبارة عن اية ........
عموما ياحمد باشا حصل خير وانا عادى والله ومافيش زعل ولا حاجة واتمنى انت اللى ماتكونش زعلان وفهمت كلامى بطريقة حادة , لا والله كنت بضحك معاك بس انا ليا عتاب عندك لما نتقابل ان شاء الله عشان انا مش بحب الكلام الا وجة لوجة بيبقى احسن كتير
وشكرا ياباشا على مجهودك
قولوا لا إلاه الا الله ... لا يجوز الحلفان بالنبى .
وبعدين يا محمد Ek4 ربنا يكرمك يارب حروف كلامك بتخلينا نحول على ما نفسرها ... دى الفرانكوا أراب ارحم يا عم .
وبعدين انتوا كلكم بلا استثناء مبتزهقوش من المناهدة ... انا تعبتلكوا بصراحة ولو شفتكوا فى المقابلة اللى شكلها مش هتحصل اصلاً هشوف أبعد مكان عنكوا وأعملى قعدة مخصوص جنب أبو حنين السكرة ان شاء الله حتى لو هرجع اشرب شيشة تانى .
وشكل الرُكنة دى هينضملها اعضاء كتير ...! :Copy of m-s5:
مش عارف ليه الموضوع اتحول لخناقة من غير داعي
علي من يصحح معلومة ان يتحلي باللياقة وعلي من يستقبل النقد ان يتحلي بسعة الصدر
وصلوا علي النبي داينو ايه اللي هايزعلنا من بعض ولا حتي هورس باور
انا نفسي قلت لكم اني جبت ال 100 كم بلانسر بطة في سبع ثواني و نص بهدلتوني ومحدش صدقني عااااااااااااااادي مقعدش اناهد معاكم لاني عارف اني عملت كده فعلا واقناعكم بالقوه مالوش لزمه
ياجماعة ربنا مايجيب مشاكل حصل خير
بس انا نفسى بجد حاجة تتغير فى معظم اعضاء القسم هنا هو اسلوب طريقة التعديل سواء باضافة معلومة , او بتصحيح معلومة
والمشكلة انهم ممكن يطلعوا فاهين غلط فى الاخر
فانا بطلب من حضراتكم جميعا لو فية اى تعديل يكون باسلوب كويس
مش كفاية القسم نايم كمان يبقى فية منازعات على كلام فاضى عمرنا ماشوفنا فى اقسام تانية
شكرا على حسن تعاونكم
والله شكلى كده هاخد جنب لوحدى
ولا تقوللى بقى أبو حنين
ولا زفت الطين
عشان أنا جالى إزبهلال رسمى
وذهول مؤقت
وتحول لا إرادى
أقعدوا بالعافيه