مش عشان حاجة يا رجالة بس نعرف مكن العربيات بتاعنا عامل ايه
ياريت اللي يشارك يقول المكنة اللي معاه ابه
عرض للطباعة
مش عشان حاجة يا رجالة بس نعرف مكن العربيات بتاعنا عامل ايه
ياريت اللي يشارك يقول المكنة اللي معاه ابه
Honda civic sir
1600 c.c
من صفر الى 100 : 6.5 ثانية ومن صفر الى 200 فى 22 ثانية
ستوك بدون تعديلات سوى فلتر اسبور
يا رجالة انا لسة جديد معاكو براحة و متخضونيش
هوا إيه هوا الـ sir ولامؤاخذه يا رجالة؟
بعد إذنك يا سامح باشا
ال SIR هو إختصار لجملة ( بصراحة مش فاكر الجملة :shyy:)
بس دي أعلى فئة في السيفيك ومواصفاتها زي ما سامح بيه قال كده، ولكن هو نسي يقول إني سرعتها القصوى 270
يعني تقدر تقطع بيها 99% من العربيات اللي موجودة في مصر، والعربيات اللي بتشوفها بس في توب جير تقدر تناطح معاهم كويس قوي.
يعني من الآخر بورش بس بسعر معقول.
ربنا يحرسها لك يا سامح بيه. يا مسيط كل الهونداوية
أصل أنا خلاص باخلص في حتة سيفيك 2009 vti. فا إزاي أعرف هيا sir ولا لأ. أنا عاوز أقطع زيكم :030104_emM7_prv:
شكرا FrozenFire بس الموضوع غريب بالنسبالي عشان أنا أعرف إن فئات الهوندا (2009 - 2010) LXI و VTI فا الـ SIR دا محله فين من الإعراب؟ يعني مثلا فيه LXI و LXI SIR؟ و VTI و VTI SIR؟
سيفيك 2009 من 0 - 100 في حوالي 12 ثانية.
ال SiR دية اختصار لكلمة sport injection racing
ودية مواصفاتها
محرك : 1600 سى سى 2 كامة مزود ب vtec قوتة 170 حصان
عدد لفاتة : 8500 لفة ويمكن الوصول بسهولة الى 9500 لفة
العزم : 18 كجم
السرعة القصوى : 260 كم انا جيبتها فعليا فية ناس جابت 270 بس انا مش هقول على حاجة غير لما اجيبها
التسارع من صفر الى 100 : 6.5 ثانية
اتفضل ياباشا ماتغلاش عليك وربنا يخليك
للاسف مافيش عندنا سيفيك الجيل الثامن sir وعموما هو ال sir كان اخر موديل لية سنة 2000 وبعد كدة بقى type r والموديل بتاع الجيل الثامن دة نزل منة فقط فى اليابان نسخة اسمها mugen ووقوتها 231 حصان
اخبار قطع الغيار ايه يا سمسم ؟
سمسم باشا أخبارك اية؟ مافيش مقابلات قريب؟ ضبط لنا موضوع مقابلة كده على مزاجك
كان عندى استفسار هو ماتور الـ SiR اللى عندك بالمواصفات دى كوده اية؟
عشان لحد معلوماتى ان مافيش ماتور سيفيك SiR أستوك بيرمى عزم 18 كجم و Redline في معظمهم 8200 لفة وأنت بتقول انه ممكن بسهولة يوصل لى 9500 ممكن تشرح لى ازى؟ وكمان السرعة القصوى اللى اعرفها بتكون 235 كم/س عشان لما العداد بيلف تحت مبيدش قرأت سليمة عشان العدادات عندنا اخرها 230 وبرضه تجميعة 0-100 في 6.5 ثانية دى تخص السيفيك 97 التايب أر انما في افضل أحوال SiR ممكن تديك 7 أو 7.2 ثانية
ما شاء الله يا سمسم علي عربيتك
خليك براحتك بس لما أجيلك بال s2000 هيبقي فيه كلام تاني ;)
محمد باشا اخبارك اية يارب تكون بخير
ربنا يسهل ان شاء الله هعمل موضوع عن المقابلة بس مستنى الناس تخلص المصايف والامتحانات عشان كلة يبقى موجود
انا النسخة اللى عندى b16a الجيل الثالث مانيوال الفتيس كودة S4C , الكنترول OBD-2A
بالنسبة بقى لموضوع الاربى ام الحمد لله العربية بتجيب معايا 9500 لفة عادى جدا بدون اى مشاكل واول لما بوصل للعدد اللفات دة الماتور بيفصل والاقى الاربى ام رجع تانى ل8500 لفة
السرعة القصوى انا جيبتها وحسبتها على GPS مش العداد وجيبت بالظبط 258 كم وكان العداد عندى ساعتها معدى ال230 بكتير
وبردة بالنسبة للتسارع والله خليت صاحبى مسك STOP WATCH وروحت ظبط الكاوتش ومونت 95 ورحت لطريق مستقيم والحمد لله جيبتها فى 6.5 حتى صاحبى ماكنش مصدق
بالنسبة للعزم هو اصلا فى الB16A الجيل التانى 16 كجم وVTEC بيفتح عند 5800 لفة دة غير انة بيوصل لاقصى عزم عند 7800 لفة
وانت عندك بالنسبة لكل الكلام اللى قولتة عن مواصفات المواتير
وبردة ماتنساش انى مركب فلتر اسبور سيموتا اوريجينال اللى جيبناة انا وانت من بورسعيد فاكر كل دة بيفرق
بالنسبة للجيل الثالث : عزمة 18عند 5200 لفة وال VTEC بيفتح عندى عند 5200 لفة ودة انا عارفة كويس بالنسبة لل VTEC مش محتاج انى ابحث لانة بيفتح عندى عند عدد اللفات دة
اللى مستغربلة ان الناس على النت بتعمل اقتباس لمواصفات الجيل التانى وتحطها فى الجيل الثالث مش عارف لية.هما اة زى بعض فى مواصفات وخواص المحرك بس ماننساش الكنترول والتعديلات اللى حصلت على الثروتل بودى والضفيرة وحساس الهواء الزيادة , وطبعا بعض الزيادات على الشكل
عموما انا الحمد لله دلوقتى اخر سرعة ليا 160 كم وفين وفين لما بجيبها البلد بقت زحمة جدا ومليانة مطبات والواحد خلاص زهق من الجرى وربنا يهدينا انا عملت كل اللى فى نفسى خلاص
وياريت ياجماعة تهدوا وبلاش السرعة والله ماليها لزمة
الله عليك يا سمسم يا مدلعنا :))
ياعم هدوخك لية بس هو دة كمان vtec هتعاند فية
عموما ياعم سنهورى سيبك من النت واللى نتتوة
دية ياجمااااااااااااااااااااا ااااااااااعة تجربة شخصية
من صفر الى 100 : 6.5 ثانية
من صفر الى 200 : فى 22 ثانية وكسر
السرعة القصوى اتحسبت على ال gps : 258 km
الvtec عندى بيفتح عند 5200 لفة
كل التعديلات اللى معمولة فلتر اسبور وكانت ساعتها بوجيهات سبليت فاير لان الكلام دة كان من فترة
كدة كويس ياعم سنهورى اى خدمة يامان
سنهورى باشا أنا موجود بس الشغل وبقالى فترة مأموريات سفر كل كام يوم فامبقدرش ادخل كثير بس بحاول قدر المستطاع
المهم أنا كنت مستنى سمسم يجيب من المانيوال أو من مواقع موثوق منها الكلام بتاع التسارع والعزم و 9500 لفه عشان العزم 18 كجم ده يخص مواتير انتجرا مش سيفيك
سمسم باشا المفروض الماتور عندك سوق يابانى وأخر سرعته 180 كم/س محددة مسبقاً من قبل الصانع والكنترول مش متعدل! الا لو الماتور عندك سوق غير يابانى ممكن تشرحلى النقطة دى؟
وبالنسبة للـ 9500 و 6.5 ثانية دول برضه أحب أشوفهم بنفسى المقابلة اللى جايه لو معندكش مانع وهجيب معايا أستوب وتش :) وليك عندى 10 لتر بنزين 95
محمد باشا انا بقولك جيبت 258 لو عايز اجيبلك شهود اصحابى كلهم موجودين يشهدوا بكدة لو مش مصدقنى وبعدين انا هكذب لية يعنى
بالنسبة لاخر السرعة 180 كم الكلام دة فى الكنترول اليابانى لكن مش فى الكنترول ال USDM
المفروض تبقى عارف الكلام دة
وعشان تتاكد من كلامى دة كود الكنترول بتاعى PT2 A11 طبعا بخلاف الرقم الثابت بتاع كنترول هوندا 37582
والله العظيم ياجماعة والله كمان مرة انا عربيتى بتجيب 9500 لفة بسهولة جدا على الاول والتانى والثالث وبتفصل لما بتجيب الرقم دة وترجعنى ل8500
بالنسبة لتجربة القيادة طبعا العربية ماتغلاش عليك بس انا خلاص بطلت لعب وقرص من زمان وبقيت بجرى بس سرعات مفتوحة بلاقى فيها متعة اكتر من الحرق على المكنة وخلاص بدون داعى
على فكرة انا فى نفق الازهر كنت جايب 185 كم فى الساعة على الرابع فقط لسة ماجيبتش الخامس
وان شاء الله لما نتقابل هشرحلك الدنيا دية اكتر
ودة فيديو يثبت ان ال B16A STOCK بيجيب من صفر الى 100 فى 6.3 ثانية مش 6.5 كمان
YouTube - ‪CIVIC B16A 0-100 6.3s‬‏
ودية استوك على فكرة
معلش ياجماعة غلطة مطبعية بس مش عارف انا كتبتها كتير ازاى ماخدتش بالى والله خالص الا دلوقتى
اقصى عدد لفات وصلتلة 9000 لفة فقط لاغير على النقلة الاولى , الثانية , الثالثة , الرابعة بعتذر عن هذا الخطأ غير المقصود
ههههه
طب تعلالي بقى و خد الفديو ده اللي عاملين فيه تقرير رسمي فهمي نظمي عن ال SI موديل 99 اللي هيا ال SiR عندنا و فيه من 0 - 100 في 7.6 ثانية و ماتنساش انهم بيجربو عربية زيرووووو مش زي عرباتنا ماشيه بقالها سنين و العقل و المنطق بيقول ان كل ما السنين تعدي ممكن 7.6 دي تزيد مش تقل
[youtube]http://www.youtube.com/watch?feature=player_embedded&v=4FmV9kk09Qs[/youtube]
و ادي الرابط عشان سعات مبعرفش احط الفيديو او الصور في المشاركات
http://www.youtube.com/watch?feature...&v=4FmV9kk09Qs
بالنسبة للفلتر الاسبورت فكلنا عارفين ان انضف انواع الفلاتر يوم ما حيزود حاجة حيرفع 2 هورس بور اخره و مفيش بقى الكلام الدارج انه بيزود 8 و 10 و 15 هورس بور
بالنسبة للفيديو بتاع ال EG6 في نقطتين
1- EG6 يعني هاتش باك يعني اقل من وزن السيدان ب 150 كج تقريبا
2- ايه اللي ياكد ان الموتور استوك ؟
حبيبي يا سمسم والله ما بعاند بس انا بحب افهم كل حاجة جت ازاي
ا
انا بجيب ال 100 براحتي خالص مش وراية حاجة :):):)
سنهورى حبيبى
يابنى الحاجات دية بتعدى عليك ازاى بس اللى بيتجرب دة محرك b16a2 ال158 حصان او ال 160 حصان زى مالناس كلها عارفة
عموما حصل خير وانت عارف انى بهزر وبحب انكشك واعرف ياعم كل حاجة جت ازاى حق بردة
بس تاكد تماما ان مافيش كلمة هكدب فيها او ألفها لان دة مش طبعى
ولو عايز المقابلة القادمة اجيبلك اكثر اصدقائى شاهد معايا كل الاحداث دية
مرورا بالسرعة 258 كم , وال6.5 ثانية تسارع لانة اللى كان ماسك الستوب وتش , ومرورا بال185 كم فى نفق الازهر , ومرورا بال 9000 لفة
185كم في نفق الأزهر؟؟؟؟؟؟ يا باشا دا إنتحار!!!!!! وبرضو 258كم دي انتحار ومش عارف فين الطريق اللي يستحمل السرعة دي.
يابني مين جاب سيرة كدب دلوقتي احنا بنتكلم في حاجة طبيعية يعني لو اتجربت 100 مرة حتبقى نفس النتيجة مش بنتكلم عن حاجة حصلت مرة و لما نقول عايزين تجربة تانية تقولي حاجبلك الشاهد
سؤال هل دلوقتي حالا تجيب ال 6.5 دول ؟؟ لو اه يبقى تمام قوي و خد عربيتي هى كمان خليها تجيب 7 ثواني انا مش عايز 6.5 ياعم
و متزعلش مني والله مباكدبك والله كمان انا بحب نكشك ليا عشان بنتكلم في حاجات انا بحبها
ياسمسم باشا شهود اية وكذب اية هو احنا في محكمة على فكرة انا مش بكذبك لا سمح الله ان بس كل الموضوع انى سمعت أرقام جديدة على ودانى قلت لما افهم الدنيا فيها اية
موضوع الكنترول الامريكى انا عارف طبعاً انه مش مقفول على سرعة لكن هل من الطبيعى أنك تشترى مكنه jdm وتلقى راكب عليها كنترول usdm ؟ ولا الليلة كلها المفروض تكون jdm ! المفروض انك كنت تقول وتوضح أنك مغير الكنترول أو المكنه كانت جاية بكنترول أمريكى عشان الناس تفهم
موضوع الفيديو أولاً دى eg6 هاتش باك ومش مكتوب أستوك خالص؟! زى ما سنهورى تفضل وقال ممكن تقولى عرفت أو مكتوب فين في الفيديو انها استوك؟ مع العلم ان الفيديو متصور في بيروت - لبنان
طيب كويس يا باشا ان الذاكرة بدأت تنتعش هنعدى الغلطة دى :)
ودى شوية لينكات بتوضح الكلام اللى باقوله عشان يبقى الكلام مبنى على معلومة
Honda Civic Si - Wikipedia, the free encyclopedia
سيفيك Si موديل 99-00 محرك B16A2 من 0-100كم/س في 7.2 ثانية
Honda Civic Type R - Wikipedia, the free encyclopedia
سيفيك تايب أر الجيل الأول والثانى ولو لحظتم هتلقى الجيل الثانى 200 حصان 2.0 لتر وبيجمع من 0-100 في 6.2 و 6.4 ثانية وسرعة قصوى للسوق الاوروبي 235 كم/س وبالمنطق صعب ان الـ SiR تكون أسرع منها أو حتى تثبت معها
Honda Civic
ده برضه في شوية معلومات
وأخيراً سيفيك تايب أر 1997
Hondamentalism
لو دوست على Heritage وبعدين 1997 و Specs هتلقى من 0-100كم/س 6.8 ثانية
ياباشا ولا ذاكرة ولا حاجة بس نفسى تيجة تشوف انا بكتب ازاى انا والله ببقى فاتح الموضوعات كلها وبرد على كل واحد ورا بعض وببقى عايز اخلص بسرعة عشان ماتشغلش فكويس انها طلعت بغلطة مطبعية واحدة بس
هههههههههههه وعلى فكرة مافيش اخطاء تانى كلة بعد كدة سليم 100×100