نشر نجيب ساويرس بكل وقاحة على حسابه على تويتر قبل قليل، هذه الصورة:
معلقا تحتها:
Micky and Minnie after
اللهم سلط عليه من يفضح أمره و يهتك ستره عما قريب
عرض للطباعة
نشر نجيب ساويرس بكل وقاحة على حسابه على تويتر قبل قليل، هذه الصورة:
معلقا تحتها:
Micky and Minnie after
اللهم سلط عليه من يفضح أمره و يهتك ستره عما قريب
والبلد هتولع عشان صورة ؟
لاحول ولا قوة إلا بالله .
لا مش علشان صورة ......... بس علشان طريقة التعامل
أقرأ عنوان الموضوع مرة أخرى
الصورة هي حلقة في سلسلة طويلة
ده لبس السعوديين
احنا مالنا
سلسلة أيه يعني اللي البلد هتولع عشانها ؟ يعني هل البلد تستحق تتحرق عشان كام واحد عملوا بوست على كام كاريكاتير ؟
حضرتك مخنوق منهم حقك وممكن ترفع عليهم قضية سب وقذف بردوا حقك وممكن كمان تجيب صورة قرد وتكتب فوقيها سويرس بعد التعديل براحتك ياسيدي وأحنا في دولة قانون كل واحد ياخد حقه بالقانون ومفيش حاجة أسمها البلد هتولع عشان صورة ولا حتى ألف... أتمنى متاخدش كلامي بشكل شخصي كلامي بشكل عام لكل اللي بيفكر بالطريقة دي ممثلاً في موضوع حضرتك وخد بالك أن المصريين منعوا البلد تتحرق وتتسرق وحموها بأجسامهم أثناء الثورة وعندهم أستعداد يحموها ألف مرة كمان .
تعليقاً على الصورة : صورة سخيفة تنم عن أنحطاط في التفكير وتعمل بمبدأ العاطل عالباطل وهو شيء كلنا نكرهه أحنا في بلد أسلامي وغير مسموح الأستهزاء بأي رمز يمت للأسلام بصلة .... الصورة سقطة كبيرة لنجيب سويرس .
هو المرة دية نجيب ساويرس شخصية الأسبوع ؟
كل اسبوع ماشاء الله الأسلاميين يمسكوا حد حملة تشويه منظمة
مرة البرادعي .. مرة ساويرس .. مرة خالد منتصر .. مرة عمرو حمزاوي
يخرب بيت الملل !
أشك انو يعمل كده هو مش بالذاجه دي . بس اللي محيرني انو كاتب بعد شويه
It seems people lost their sense of humour..no disrespect meant !
شكلو بيهزر ياما الأكونت بتاعو اتعملو هاك.
يا سيدي الراجل مش قاصد يعني البلد هتولع
يعني هتولع واحنا لما بنئول للطفل أبوك لما يجي من برة هيموتك من الضرب يبئى هيموته!!!!!!!!
[QUOTE=Tyler_Durden;3873604739]
ده لبس السعوديين
احنا مالنا
[/
QUOTE]
وياتري سويرس يقصد السعودين !!!!!!!!
كمان السعوديون دول مش مسلمين !!!!!!!!!!!
[QUOTE=AshTurbo;3873604753]
سلسلة أيه يعني اللي البلد هتولع عشانها ؟ يعني هل البلد تستحق تتحرق عشان كام واحد عملوا بوست على كام كاريكاتير ؟
طب ما تسأل السؤال صح ليه سويرس يحط البوست ده النهاردة
عن المسلمين وكمان يوم الجمعة؟؟؟؟؟؟؟؟؟؟؟؟
QUOTE]
نفس الاجابة السابقة:grin54::grin54:
ايه شغل العيال ده ؟
الاخوة اللي متضايقين من غضب الناس
يا ريت الاخوة الغضبانين يسخروا منهم شوية و نشوف هايبقى شعورهم ايه
طبعا ده مش تحريض على الاخوة , لكن يا ريت نراعي بعض شوية بدل ما احنا عاملين زي المعسكرات المتناحرة
هوه كان بيهزر وبعدين لقى الناس بتزعل وواحد قال ليه على البوست انو يلبس ميكي لبس قساوس وكهنه وهو رد عليه قاله انو عادي مافيش مشكله قام معتزر وده رده
NaguibSawiris10 mins agovia Twitter for BlackBerry®
I apologise for any who don't take this as a joke , I just thought it was a funny picture no disrespect meant! Assef!!
الإسلامويين (وليسوا الإسلاميين) فاكرين نفسهم قوى مؤثرة وهيألبوا الناس على اي حد واقف في طريقهم...
كلام نجيب ساويرس على تويتر بخصوص الصورة :
I apologise for any who don't take this as a joke , I just thought it was a funny picture no disrespect meant! Assef!!
-------
اعتذار راقي جدا لما حس ان الناس اخدت الصورة بشكل يؤذيهم، اتحدى ان يكون حد قبل كدا اعتذر عن حاجة دايقت الطرف الاخر! الغزوات و اللي مش اخوانية تبقى وحشة والخ...من الحاجات الجميلة واللي محدش اعتذر بعدها!
بالمناسبة، في ناس مسلمين حاطين الصورة دي وعلمانيين وغيرهم...ولكن لانه نجيب ساويرس ملياردير و زمته نضيفة ومسرقش فلازم طبعا يطلع كخّة..ولازم نطلع فيه عيب.
طبعا عشان محدش يستذكي ويقول مانت بتدافع عنه عشان من دينك، لا ياسيدي انا مسلم ولكن الحق يتقال الراجل دا نضيف من ساسه لراسه وطالما علماني الهوى يبقى عمره ما هيكون عنده حتة استفزاز الاخرين. عكس القساوسة والشيوخ اللي ليل بنهار بيستفزوا في بعض!
بالمناسبة، الصورة مفيهاش حاجة، دا شكل ميكي وميني النسخة الإسلامية مفيهاش حاجة يعني..! لو هنتكسف من حجابنا ونقابنا ودقننا يبقى عليه العوض فينا وعرفوا فعلا يكرهونا في أصولنا.
وشكراً.
علي فكرة المعسكرات المتناحرة دية مش حاجة عيب ... طالما المسألة سلمية والحوار لم يصل علي إستخدام ألفاظ نابية مفترض انة يثري الفكر للطرفين ويطور من افكارهم
احنا بس لسة جديد علينا ثقافة الإختلاف .. في الأول حنتعصب شوية ونزعق وحركات وبعد كدة حنتعود .. وبعدين دة منطقي جدا في السياسة
بالعكس اعتقد انه صحي .. يالا نهاركم بيضحك :grin54:
أنا مش موافق طبعا على موضوع زي إسلامي أو طائفة تنسب لنفسها الإسلام أو إتباع السلف لكونهم بيلبسوا جلاليب و بيربوا لحيتهم ..
طيب و باقي المصريين اللي مابيلبوس جلاليب و بيحلقوا دقنهم دول مش على طريق السلف الصالح .. طب على طريق إيه ?
أنا شايف إن مادام الإنسان بيتبع التعاليم الإسلامية و حسن الخلق و يؤدي الفروض إذن هو على طريق السلف الصالح و مسلم جيد .. بصرف النظر عن لبسه و هيئته ..
لكن إننا نقول إن لبس المسلمين هو ده و اللي يقول حاجة عنه يبقى بيشتم المسلمين ده خلط و غلط .. أغلب المسلمين المصريين مش بيلبسوا كده و نحسبهم على خير إن شاء الله ..
طبعا لا أوافق على الصورة بتاعة ساويرس و هي دايقتني إنسانيا و ليس دينيا لأني لا أحب السخرية و حرية إختيار الملبس هي حرية إنسانية و تؤذيني هذه الصورة كما تؤذيني صورة تتريق على البرادعي مثلا لأنه بيلبس نظارة أو لأنه بيتهته أو عندما يصف البعض فلان أنه ماسوني لأنه يرتدي حظاظة مثلا أو عندما يسخر بعض السعوديون أنفسهم (أصحاب هذا الزي) من المصريين لأنهم يأكلون الفول مثلا ... و مع ذلك هذا النوع من السخرية لا يثير أي مشكلة عند البعض و يتحركون فقط عندما يمسهم الأمر
لا حول ولا قوة إلا بالله أنا مش مصدق الردود!
هو مفيش مسلم رد وألا في مسلمين بينكم ؟؟؟
ايه الحلاوة الطحينية دي
واحد يقول لك الاسلاموين بيحسدوا الراجل ... قال ايه ... اصل بسلامته غني ومعاه فلوس
يا راجل حرام عليك .... يعني انت دخلت في قلوبهم وعرفت الحقيقة اللي ما يعرفهاش حد الا انت
وسؤال منطقي جدًا بيقول : وايه المشكلة اللي في الصورة .... يقدر بسلامته يعمل نفس الصور مع قسيس ولا راهبة
يقدر واحد مسلم يعمل نفس الصورة مع قسيس ولا راهبة ... قسمًا بالله كان زمانه راح في شربة ماية باسم الوحدة الوطنية
المظاهرات قامت في بلاد المسلمين كلها علشان رسام قذر رسم صور مسيئة للمسلمين .... ايه الفرق مش عارف ؟
وقال ايه : اعتذار الراجل كان في قمة التحضر .... دي بقى مش هاعلق عليها علشان ما حدش مني
سبحان الله .... حتى ال آآآآآآآه حرام على الاسلاموين
ياخدوا فوق دماغهم طول النهار و حسيهم عينهم بقولوا : آه
أنا بقى هاقول آآآآآآآآه غصبًا عن الطخين واللي مش عاجبه ياكل حلاة طحينية
كيدك في نحرك يا ساويرس ان شاء الله
وسيكون انفاق اموالك حسرة
وان شاء الله كلمة الله هي العليا وكلمة الذي كفروا هي السفلى
النقاب زي امهات المؤمنين بغض النظر عن الخلاف من كونه فرض ام لا هذه الصورة تتهكم من زي امهات المؤمنين سواء فصد ام لا يقصد
واعتذاره عير مقبول لانه يقنينا كان يعلم ان تلك الصورة لن يقبلها علي الاقل التيار السلفي
الراجل أعتذر على تويتر .. ومع ذلك ماحذفش الصورة ولسه موجودة إلى الآن !!!
حسبي الله ونعم الوكيل
خلى الناس تعرفه على حقيقته
وعموما هو تحت مستوى الشبهات وأيام النهب أنتهت وده ألي فاقده توازنه ههههه
http://www.nilemotors.net/Nile/227190-a.html
ولما حضرتك اسقطت اللباس على فئة معينه من المسلمين كده مش عارف ان اصل اللباس ده هو لباس امهات المؤمنين ولباس رسولنا الكريم صلى الله عليه وسلم
مش فاهم بقه اشمعنا نلبسها في السعودية يعني
هو ده مش له اصل وكلنا عارفين كده
ليه قلب الأمور بالشكل ده وقلب الحقائق على الناس
اولا مسألة ان اللي مش معاياي يبقى عليا ده منطق عجيب وغريب
يعني هو حد قالك قبل كده انك لو مصلتشي ركعتين السنة تبقى كافر يعني
ايه الكلام والمنطق الغريب ده
انا بتعجب هو اي حاجه في طريق ما تريد وخلاص
انا بعمل سنة في الدين هل انا قولت ان اللي معملهاش كافر او مش من الدين في شئ
بلاش المنطق ده لأن ده منطق هزيل وبيدل على ان مفيش منهجية في الكلام ومفيش حجه نتكلم فيها
ثانيا حضرتك شايف دي على عينا وراسنا ولكن ليست ملزمة للمسلمين لأن حضرتك لو عاوز تتكلم في الدين ممكن تتكلم بقال الله وقال رسول الله وليس حكرا على احد الكلام بالدليل من القرآن والسنة ولو بحثت على ما تتحدث عليه انت وتقول رايك فيه هتجد كلام كتير بادلته واضحه وضوح الشمس ومش محتاجه راي من احد يلزم به الناس او يعاتبهم فيما يفعلونه من لباس او لحيه مادام هناك ادلة واراء علماء الدين في السلف وفي الخلف ايضا ولا خلاف في ذلك
مسألة ان الصورة ضايقت حضرتك انسانيا اولا قبل دينيا فده اللي بنتكلم فيه دائما
حضرتك لك مطلق الحريه في رايك ومنطقك
ولكن انا برد على حضرتك لأن حضرتك لم تحتفظ بهذا الرأي لك ولشخصك وانما بتحتج بهذا المنطق لنا في سبيل الرد على الكلام واستيائنا من هذه الصورة
يعني هناك فارق انك تحتج بهذا على الملأ
وقتها لا تلوم احد انه يرد عليك ليصحح هذا الكلام مادام هناك ادلة له ليست من عقولنا ولا من افهامنا
ولكن ده كلام موجود وبيدرس بين العلماء بقاله اكتر من 1400 سنة
مش معقولة يعني مفيش عالم واحد او مجموعه فهموا غير الكلام ده طول السنين دي كلها
يعني ده مما يضحك بصراحه اني اكون متخيل ان وقتنا هذا هيجي من يجد شئ جديد في الدين محدش اخد باله منه اكتر من 1400 سنة من طلاب علم وعلماء واتقياء واولوياء وسلف وأئمة وجميع المسلمين
فتح الله عليك
إعتراضي يا أبو عبد الله أن نقول أن هذا الزي الموجود في الصورة خاص بأتباع السلف لأنه هراء هذا الزي هو الجلابية السعودي و من يلبس هذا الزي هو متشبه بالسعوديين و جلاليب الدفة و الأصيل .. و طبعا السلف لم يكن لديهم الدفة و الأصيل و الشماغ ..
طيب لو عرفت إن السلف كانوا يرتدون المئزر على سبيل المثل .. لماذا لا نرتدي المئزر الآن مثلا ?
ده رأيي .. المعني بالصورة هم السعوديون و المتشبهين بهم ..
أنا رديت عليك بس لأنك عملتلي qoute و لكن إذا إستمر أسلوبك هذا في وصف رأيي بالكلام المضحك مثلا فليس لك مني إلا التجاهل .. حفاظا على الحوار و إحتراما للأعضاء الراغبين فيه
و السلام عليك
حسبي الله ونعم الوكيل
الاخ Tyler_Durden والنقاب الم يكن زي لامهات المؤمنين واللحية الم يكن الرسول صلي الله وسلم ملتحي؟
هذا اصورة فيها العديد من اشكل السخرية من ضمنها الزي السعودي كما قلت ومن ضمنها النقاب واللحيه ايضا والسخريه منهما سخرية من زي امهات المؤمنين ومن الاقتداء بالرسول صلي الله عليه وسلم في اللحيه
+1111111111111
تنظيم القاعدة في المنتدي شغال الله ينور :16:
الحلو انهم مش كتير ... ميكملوش 10 بس ماشاء الله شغالين زي الفل وكأنهم قاعدين فاضيين للمنتدي
وماليين المنتدي دعاية سلفية وأي حد يقول بم يلاقي التنظيم بينادي بعضة .. هجووووووووووووم :grin54:
وإنضم ليهم ناس تقولك بمنتهي البراءة إية دة هما المسلمين فين !
وواحد يقولك علي اللبس السعودي لبس الرسول !
لقد خالفت القاعدة رقم 13 بالتطاول والهجوم على الأعضاء وتم حصولك على وقف مع انذار
مشرف ب2
برجاء مراجعة قواعد المنتدى
مش صوره تافهه زي دي ال هتولع البلد
ياريت الناس تختار العناوين بحكمه شويه .....
+1111111
والله كنت داخل أقول الكلمتين دول
بجد تسلم إيدك
والموضوع أصلا يبين اللى عنده غيرة على دينه من اللى مش فارق معاه
وقال ايه يقولك برادعى وحمزاوى واسوانى هما مين أصلا عشان حد يوجع دماغه بيهم
يولعو كلهم ف بعض لكن إن حد يتهكم على أى مظهر من مظاهر الدين ويقلبوها هزار بجد شئ مستفز جدا
الأول الإتهام بالهجوم علي الدين
بعدها الإتهام بالهجوم علي أحكام الدين
بعدها الإتهام بالهجوم علي أشخاص يدعون إلي الدين
بعدها الإتهام بالهجوم علي مظاهر الدين
وأتمني يتخذ ضدك نفس الإجراء اللي إتخذ بشأن بعض الأعضاء لأنك بتوجه إتهامات باطلة لتشويه صورة أشخاص و جماعات و تيارات
اعتذار ايه و قرف ايه و نيلة ايه
الراجل دا كدا حصل على لقب سافل عن جدارة
وانا صحيح مسلم بس مبنتميش للجماعة السلفية و لا دقني طويلة و استحالة اقبل صورة زي دي تحت اي ظرف
انا داخل الموضوع و متوقع ان الناس كلها متدايقة من الصورة الاقي الناس بتدافع عنه
ازاي يعني حاجة زي كدا بيتدافع عنها
دي انحطاط اخلاقي
انا مش عارف انا ازاي في يوم من الايام كنت بحترم واحد زي دا
قنبلة ثانية بغض النظر عن الديانة
تبين الفساد ألي كنا عايشين فيه في عصر مبارك وحاشيته ألي منهم البيهين ساويرس وغالي وعز (في الحبس) عقبال الباقي
http://www.nilemotors.net/Nile/228653-a.html
أي واحد محايد هيقول ببساطة إن نجيب ساويرس وبلسانه بيحارب العفة والفضيلة وبيحاول نشر الرزيلة والأدلة على ذلك لا تحصى
من قنوات ميلودي لأون تي في اللي أعلن قبلها إنه هيطلع قناتين ومجموعة افلام لمحاربة الحجاب لأنه لن يقبل أن يتجول في شوارع مصر وكأنه يتجول في شوراع طهران - مرورا بأفلامه القذرة لملاهي وانتهاءاً برغبته قبل الثورة في عمل شواطئ للعراة
واحد هيقولك طيب ما فيه مسلمين بيعملوا أفلام اوسخ من كده وقنوات أبشع
هأقوله مسلمين ولا يهود كلهم اوسخ من بعض طالما عاوزين ينشروا الرزيلة
الموضوع مش موضوع صورة فقط لكن دي قطرة من بحر
فياريت ما حدش يدافع عن شخص بيمتهن الهجوم على قيم دينية إسلامية ومسيحية تدعو إلى العفة والطهارة ونظافة اليد والبعد عن الرزيلة
ولو هو محترم يكتفي بإنحلاله بينه وبين نفسه ولا بينه وبين أصحابه ومعارفه وساعتها ما حدش هيقوله ما تشربش خمرة ولا ما تخلعش عريان حتى - هو حر يعمل اللي عاوزه بس يحترم أهل البلد اللي عايش فيها وبيتغنى اليوم كله بحبهم
ولا سكرة وغرور المال والسلطة خلاه ينسى نفسه
ده المنقبة العفيفة أشرف من ملايين من شاكلته
وأبشرك يا ساويرس بنهاية سودا لأن ده وعد ربنا سبحانه وتعالى لأمثالك كما وعد امثال مبارك من قبل كانوا فاكرين إنهم ملكوا الدنيا بأكملها وربنا وراهم أن يده فوق أيديهم وأنه سبحانه وتعالى أعلى وأكبر
بسم الله الرحمن الرحيم
{ إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة والله يعلم وأنتم لا تعلمون } .
صدق الله العظيم
بشوه صورة أشخاص وجماعات وتيارات ولازم أتوقف عشان كدة
لكن التهكم على دين لا يستحق الوقف غريب أوى المنطق دة
عموما أنا راضى بقرار ادارة المنتدى والحمد لله بقالى سنتين وعمر ماحد أشتكى منى ولا من طريقتى ولا إتوقفت أصلا قبل كدة
ف أما أتوقف وأنا بدافع عن أى شئ يخص دينى يبقى شرف ليا