ألف مبروك يا باشا و عقبال صيانة ال 50.000 إن شاء الله
رقم العضوية : 68290
تاريخ التسجيل : 18Apr2010
المشاركات : 14
النوع : ذكر
الاقامة : alex
السيارة: skoda
السيارة[2]: Sandero
دراجة بخارية: no
الحالة :
صيانه رينو – سانديرو @ 5000 اللون : نبيتى
المكان : العامريه – الاسكندريه
العداد : 4649 كم
الزمان : 23 يونيو 2011 الساعه 20.9 صباح
الصيانه: بدون حجزا مسبقا
الوصف : صيانه مجانيه تشمل الاطمئنان على مستويات الزيوت ( فرامل – باور – موتور ) وكذلك مياة التبريد وتزويد النواقص وتربيط عفشه
ملاحظتى الاضافيه عن السيارة والتى سؤلت عنها فى التوكيل : او بمعنى ادق هلى هناك اى شكاوى بخصوص السيارة ؟
1- صوت صفارة او صوت هواء بيبدأ يظهر عند سرعه 80 وبيزيد جدا على سرعه 100 كم مع انى جربت افلت هوايات التكييف مع ايقاف التكييف وغلق الفتحات ومفيش فايده الصوت موجود
2- صوت خبطه تقريبا من الجاكمان عند لحظه النقل من السرعه الاولى الى الثانيه ودى مش بتظهر بأستمرار وكمان انا متأكد من انها بتحصل فى لحظه القصور الذاتى عند النقل من السرعه الولى الى الثانيه فقط
3- تقفيل كاوتش الباب الامامى فى حته صغيرة جدا مش متأفله كويس ولو انها مش مأثره بس طلبتها برضه
4- رجه فى العربيه لما بكون مشغل التكييف وانا واقف مش بتحرك ولو انها رجه خفيفه جدا ومش محسوسه اوى بس يمكن عشان انا ركبت عربيات تانيه كتير ومحستهاش قبل كدا
5- صدأ مسامير البطاحات الكوتش اللى فى كبوت السيارة اعلى العجل الامامى
الاحداث:
وصلت العامريه الساعه 20.9 صباحا ودخلت التوكيل للمرة الاولى وكان فى انتظارى 2 من موظفين الاستقبال وطلبت اعمل صيانه ال 5000 ولما اتسألت على مشاكل السيارة الاخرى قولت على النقاط المكتوبه فى الاعلى
موظف الاستقبال كتب كل الكلام دا وقالى اتفضل حضرتك فى الاستراحه لحين الانتهاء وفعلا دخلت و طلعت اللابتوب وقعدت اقرأ الجرايد وبعد ربع ساعه لقيت موظف الاستقبال بيقولى من فضلك تخرج مع مهندس الصيانه عشان تجرب معاه وتشوف معاه الملاحظات ف قومت وطلعت بره الاستراحه لقيت العربيه واقفه امام الاستراحه وفيها مهندس الصيانه وكان شاب فى حدود ال 30 كدا اول اقل محترم جدا وواضح انه نظيف لان لقيت حاطط على الدركسيون ورق بلاستيك شفاف ( زى اللى بتحط على الاكل كدا عشان الحفظ ) وكمان مغطى الكرسى بكيس كبير زى اللى كان جاي مع السياره على الكراسى وكمان فى الارضيه تحت رجليه حاطط ورق زى اللى كان جاى مع العربيه عند الاستلام دا طبعا غير ان ال اوفرلول بتاعه نضيف
المهم خرجنا من التوكيل عشان نجرب وبدأ ب اول نقطه وان العربيه تعمل نفس الصوت اللى كان بيتعمل قبل كدا ابدأ
ونجرب ونجرب ونجرب ومفيش فايده فقالى المهندس انهم على العموم عدلوا كاوتش الباب ودا ممكن يكون السبب وصوت الخبطه برضه مش راضى يظهر مع اننا جربنا 4 مرات حتى الرجه مش بتظهر وبقيت فى نص هدومى ومش عارف اعمل ايه اكنى رايح اعمل قلق وخلاص المهم هوا قالى انه لاقى فيه شحن زياه فى التكييف ودا قد يكون سبب من اسباب الرجه الخفيفه خالص دى وهوا فاضى الزياه فى الشحن عشان كدا العربيه اتظبطت شويه وكمان ضغط الكاوتش الامامى كان زياده وهوا خفضه الى 28 بار ودا كان مخلى الباور تقيل شويه وانا مش ملاحظ وفعلا لقيت الباور بقى خفيف خالص عن قبل كدا وبالنسبه للصدأ هوا استعمل معاه مزيل صدأ بس انا لما بصيت بعد كدا على المسامير لقيتها لسه مصديه ومش عارف هل دى تقلق ولا لا؟
وبعد التجربه انا عايز اعرف ايه اسباب اللى خلت ملاحظتى تظهر وكمان خلتها تختفى !!!!
ف سألته ورد بأن دى مش مشاكل كبيره وان المشكله لو مش ظاهرة بصفه مستمرة وخصوصا زى مثلا الرجه الخفيفه والخبطه ف ممكن تكون من التربيط او شحن التكييف بالنسبه للرجه والجكمان بالنسبه للخبطه او يكون فى حاجه فى الشنطه مثلا ف انا قلت لا انا جربت والشنطه فاضيه ف رد وقالى عموما لو ظهرت الحاجات دى تانى تعالى واحنا معاك وخصوصا اننا فضينا شحنه من التكييف وكمان ربطنا العفشه
لما مشيت بالعربيه فى نفس اليوم صوت الهواء رجع تانى عند ال 80 وبيظهر اكتر عند ال100 وكمان الرجه الخفيفه جدا جدا ظهرت تانى يوم ف قررت ابقى ارجع لهم تانى فى يوم اجازة واشوف ايه الحل
انطباعى عن الزياره:
1- الناس محترمه جدا
2- المكان نظيف الى ابعد حد وكمان اسلوب ونظام العمل حسسانى انى فى اوروبا خصوصا انى سافرت كتير قبل كدا
اضافات :
دخلت مخزن قطع الغيار وسألت على قطع غيار السانديرو والموظف حاول مرارا وتكرارا انه يفهمنى انا مش ثابته وانها ممكن تزيد او تقل وانا اقوله انى فاهم كويس والله لحد ما كتبهم فى ورقه وواضح ان فى مشاكل كتير فى الموضوع دا مع العملاء وكانت الاسعار ك الاتى :
1- فانوس امامى 625
2- فانوس خلفى 253
3- مرايه كهرباء 760 + كفر 90
4- اكصدام امامى 1320
5- اكصدام خلفى 1500
جميع الاسعار شامله ضريبه المبيعات
.... وانا فى العربيه مع المهندس سألنى عن رأى الشخصى فى العربيه ف قالتله انها كويسه بس عيبها فى وجهه نظرى الصوت العالى للموتور ودا عشان الموتور كامه واحده ف رد رد غريب جدا عليا بس ان صدقته بعد كدا قالى انه معاه نيسان وراح بيها التوكيل مرتين بسبب صوتها العالى وكمان الخشونه وانه ملاحظ ان معظم العربيات الجديد صوتها عالى حتى الفلونس صوتها عالى نسبيا مقارنه بكل العربيات الكورى وانتهى الكلام
عموما اتمنى ان التقرير البسيط دا يكون عجبكم
رقم العضوية : 28976
تاريخ التسجيل : 01Jan2009
المشاركات : 1,317
النوع : ذكر
الاقامة : Alexandria, Gleem
السيارة: Renault Logan 1.6 F/O 2010
السيارة[2]: Mitsubishi Lancer 1.6 F/O 09
دراجة بخارية: No
الحالة :
ألف مبروك يا باشا و عقبال صيانة ال 50.000 إن شاء الله
[img3]http://cs631817.vk.me/v631817576/2772f/ip9hAX6B0b4.jpg[/img3]
رقم العضوية : 82574
تاريخ التسجيل : 02Dec2010
المشاركات : 5,207
النوع : ذكر
الاقامة : جده - السعوديه
السيارة: الحمد لله
السيارة[2]: FORD FOCUS 2012
دراجة بخارية: nothing
الحالة :
الف مبروك
[sor2]http://img266.imageshack.us/img266/2162/f04g.jpg[/sor2]
رقم العضوية : 68110
تاريخ التسجيل : 16Apr2010
المشاركات : 583
النوع : ذكر
الاقامة : Alexandria
السيارة: Renault Logan F/O
السيارة[2]: VW Golf 2
دراجة بخارية: no
الحالة :
تقرير ممتاز ربنا يباركلك فيها
فى كل شارع فى بلادى صوت الحريه بينادى
[aldl]http://i.treehugger.com/images/2007/10/24/renault%20logan%20eco2.jpg[/aldl]
Ashraf Kerima
رقم العضوية : 156438
تاريخ التسجيل : 23Feb2014
المشاركات : 56
النوع : ذكر
الاقامة : Alexandria
السيارة: Hyundai i10
السيارة[2]: Hyundai atos prime
الحالة :
اخي العزيز
ارجو ان تخبرني عن السيارة بعد هذه المدة هل هي اعتمادية ام لا واين مكان توكيل اسكندرية
وشكرا
رقم العضوية : 156880
تاريخ التسجيل : 04Mar2014
المشاركات : 840
النوع : ذكر
الاقامة : مصر
السيارة: لا يوجد
السيارة[2]: ميجان 2006
الحالة :
الف مبروووك وعقبال صيانة الـ 500.000 كم
"الله ينصر الدولة العادلة وإن كانت كافرة، ولا ينصر الدولة الظالمة وإن كانت مؤمنة"
المفضلات